ថ្នាក់ដឹកនាំចលនាប្រជាធិបតេយ្យសង្គ្រោះជាតិកំពុងតែធ្វើសកម្មភាពចុះជួបជាមួយប្រជា ពលរដ្ឋយ៉ាងសកម្មបំផុតនៅតាមបណ្តាបខេត្តនានាដើម្បីផ្សព្វផ្សាយគោលនយោបាយរបស់គណបក្សសង្គ្រោះជាតិ

ជារៀងរាល់ថ្ងៃថ្នាក់ដឹកនាំចលនាប្រជាធិបតេយ្យសង្គ្រោះជាតិ បានធ្វើតំណើរចុះទៅជួបជា​មួយប្រជាពលរដ្ឋនៅគ្រប់តំបន់តាមបណ្តាខេត្ត ក្រុង និង រាជធានី ដើម្បីធ្វើការផ្សព្វផ្សាយ​គោលនយោបាយគណបក្ស សង្គ្រោះជាតិ ឲ្យពលរដ្ឋបានដឹងបន្ថែមលើអ្វីដែលពួកគាត់ធ្លាប់ បានទទួលនាពេលកន្លងមក ។

ជាមួយគ្នានេះផងដែរ កាលពីថ្ងៃទី១៥ ខែកុម្ភះ ឆ្នាំ២០១៣ ថ្នាក់ដឹកនាំចលនាប្រជាធិបតេយ្យ សង្គ្រោះជាតិខេត្តបាត់ដំបងដែលដឹកនាំដោយលោកស្រី មូរ សុខហូរ ជាប្រធាន និងមានការ​ចូលរួមពីសំណាក់លោក ប៉ុល ហំម លោក នូ ពិសាខា លោក ឡុង បូតា លោក ហ៊ុល គន្ធរបូរ៉ា លោក វិបុល ព្រមជាមួយនិងក្រុមការងារខេត្ត និងស្រុកមួយចំនួនទៀត បានចុះទៅជួបពលរដ្ឋ​នៅពេលរសៀលស្ថិតនៅភូមិរបស់មង្គល ឃុំរបស់មង្គល ស្រុកមោង ឬស្សី ។

ចំណែកនៅថ្ងៃទី១៦ ខែកុម្ភះ ឆ្នាំ២០១៣ ថ្នាក់ដឹកនាំចលនាប្រជាធិបតេយ្យសង្គ្រោះជាតិ ដដែលខាងលើបានធ្វើតំណើរពេលព្រឹកចុះជួបពលរដ្ឋនៅភូមិព្រែកជីក ឃុំព្រែកជីក ស្រុករុក្ខ គិរី និងនៅពេលរសៀលនៅភូមិដាទិស សង្កាត់ឱរ៉ាល់ និងនៅភូមិព្រៃពពេល ឃុំគាស់ក្រឡ ស្រុកគាស់ ក្រឡ ។

រីឯនៅខេត្តបន្ទាយមានជ័យ កាលពីថ្ងៃទី១៥ ខែកុម្ភះ ឆ្នាំ២០១៣ ថ្នាក់ដឹកនាំចលនាប្រជាធិប តេយ្យសង្គ្រោះជាតិខេត្តក្រោមការដឹកនាំរបស់លោក អ៊ូ ចាន់រដ្ឋ ដែលជាអនុប្រធានចលនាប្រ ជាធិបតេយ្យសង្គ្រោះជាតិ រួមតំណើរដោយលោក កែ សម្ផស្ស លោក ឱម យិនគ្រុយ លោក ឈិន រិន ព្រមទាំងក្រុមការងារខេត្ត និងស្រុកមួយចំនួនទៀត ពេលព្រឹកបានចុះផ្សព្វផ្សាយ​គោលនយោបាយគណបក្ស សង្គ្រោះជាតិ ដល់ពលរដ្ឋនៅភូមិបាលិលេយ្យ២ សង្កាត់​ប៉ោយប៉ែត ក្រុងប៉ោយប៉ែត និងនៅពេលរសៀលនៅភូមិគីឡូម៉ែត្រលេខ៤ ភូមិ​អណ្តូង​ថ្មមាស សង្កាត់ផ្សារ​កណ្តាល ក្រុងប៉ោយប៉ែត ។ ហើយនៅថ្ងៃទី១៦ ខែកុម្ភះ ឆ្នាំ២០១៣ ពេលព្រឹក​ប្រ​ជុំ​ថ្នាក់ដឹកនាំបក្សក្រុង និងសង្កាត់ ដើម្បីសម្រេចក្នុងការរៀបចំអចិន្ត្រៃគណបក្ស និង​គណៈកម្មា​ធិ​ការប្រតិបត្តិក្រុង ក្រោមវត្តមានដឹកនាំអង្គប្រជុំពីសំណាក់លោក ឡុង រី តំណាងរាស្រ្ត និង​ជា​ប្រធានក្រុមការងារចលនាប្រធិបតេយ្យសង្គ្រោះជាតិ ខេត្តបន្ទាយមានជ័យ ។

ជាមួយគ្នានោះផងដែរនៅពេលសៀលថ្នាក់ដឹកនាំចលនាប្រជាធិបតេយ្យសង្គ្រោះជាតិខេត្ត បន្ទាយមានជ័យដែលដឹកនាំដោយលោក ឡុង រី ជាប្រធាន អមតំណើរដោយថ្នាក់ដឹកនាំខេត្ត ក្រុង ស្រុក និងសង្កាត់មួយចំនួនទៀត បានធ្វើតំណើរចុះជួបសំណេះសំណាល សូរសុខទុក្ខ និងផ្សព្វផ្សាយគោលនយោបាយរបស់គណបក្ស សង្គ្រោះជាតិ ដល់ប្រជាពលរដ្ឋឲ្យពួកគាត់ ដឹងដែលកម្មវិធីធ្វើឡើងនៅភូមិក្បាលកោះ សង្កាត់ប៉ោយប៉ែត និងភូមិក្បាលស្ពាន សង្កាត់ ប៉ោយប៉ែត ក្រុងប៉ោយប៉ែត ។

ព្រមជាមួយគ្នានោះនៅថ្ងៃទី១៦ ខែកុម្ភះ ឆ្នាំ២០១៣ លោក គី វណ្ណារ៉ា សមាជិករដ្ឋសភា ក៏បាន អញ្ជើញចូលរួមក្នុងកម្មវិធី វេទិការរវាងអ្នកតំណាងរាស្រ្ត និងម្ចាស់ឆ្នោត ដែលរៀបចំឡើង​ដោយវិទ្យាស្ថានអន្តរជាតិដើម្បីប្រជាធិបតេយ្យដែលហៅកាត់ថា NDI ផងដែរ ស្ថិតនៅ​ស្រុក​សាមគ្គីមានជ័យ ខេត្តកំពង់ឆ្នាំង និងនៅពេលរសៀលលោក គី វណ្ណារ៉ា រួមជាមួយនិងថ្នាក់ដឹក នាំខេត្តហើយ​និង​ស្រុកមួយចំនួនទៀត ក៏អញ្ជើញចុះទៅជួបសំណេះសំណាលជាមួយប្រជា​ពលរដ្ឋនៅស្រុ​ក​កំពង់ត្រឡាចផងដែរ ។

សូមជំរាបថា នៅថ្ងៃទី១៦ ខែកុម្ភះ ឆ្នាំ២០១៣ ក្រុមការងារចលនាប្រជាធិបតេយ្យសង្គ្រោះជាតិ ខេត្តកំពង់ឆ្នាំដែលដឹកនាំដោយលោក ប្រាក់ យី ជាប្រធាន លោក កែវ ថៃ ប្រធានប្រតិបត្តិខេត្ត លោក ហែម សម្ផស្ស លោក ហេង ប៊ុន ហៀង លោក ណេង សារីម ព្រមទាំងមានការចូលរួម ពីសំណាក់ក្រុមការងារស្រុកជាច្រើនរូបទៀតរបស់ចលនាប្រជាធិបតេយ្យសង្គ្រោះជាតិខេត្ត កំពង់ឆ្នាំ បានធ្វើតំណើរចុះជួបពលរដ្ឋចំនួន៤ឃុំ ស្ថិតនៅក្នុងស្រុកបរិបូរ ក្នុងនោះរួមមាន ឃុំមេលំ ឃុំអញ្ចាញរូងខាងត្បូង ឃុំផ្សារ និងឃុំអញ្ចាញរូងខាងជើង ។

បើយោងតាមការចុះធ្វើសកម្មភាពរបស់ថ្នាក់ដឹកនាំចលនាប្រជាធិបតេយ្យសង្គ្រោះជាតិ យ៉ាង សកម្មជារៀងរាល់ថ្ងៃបែបនេះ បានធ្វើឲ្យប្រជាពលរដ្ឋខ្មែរ អ្នកស្នេហាជាតិ ស្រលាញ់លទ្ធិប្រជា ធិបតេយ្យ ទាំងអស់មានជំនឿ និងមានសង្ឃឹមយ៉ាងមុតមាំថា សម្រាប់ការបោះ​ឆ្នោតជាតិ​អាណត្តិទី៥ នៅថ្ងៃទី២៨ ខែកក្កដា ឆ្នាំ២០១៣នេះ គណបក្ស សង្គ្រោះជាតិ និង​ទទួលបាន​ជ័យ​ជំនះយ៉ាងពិតប្រាកដ ព្រោះដោយហេតុថាក្នុងនោះថ្នាក់ដឹកនាំចលនាប្រជាធិបតេយ្យ​សង្គ្រោះជាតិ មិនត្រឹមតែចុះជួបជាមួយពលរដ្ឋយ៉ាងសកម្មបែបនេះទេ គឺគណបក្ស សង្គ្រោះ​ជាតិ មានគោលនយោបាយល្អៗដែលសុតតែផ្តល់ផលប្រយោជន៏ដល់ជាតិ និងប្រជាពលរដ្ឋ ព្រោះគណបក្ស សង្គ្រោះជាតិ បានប្រកាន់យកគោលជំហ៊រលទ្ធិប្រជាធិបតេយ្យ និងតំកល់​ប្រយោជន៏របសជាតិ និងរាស្រ្តជាធំ ៕