ចលនាស្រ្តីនិងចលនាយុវជនរបស់គណបក្សសង្គ្រោះជាតិធ្វើពិធីកាន់បិណ្ឌនៅវត្តសន្សំកុសល

ចលនាស្រ្តី និងចលនាយុវជន គណបក្សសង្គ្រោះជាតិ 

កាន់បិណ្ឌនៅវត្តសន្សំកុសល

នៅព្រឹកថ្ងៃទី២៨ កញ្ញា ចលនាស្រ្តី និងចលនាយុវជនរបស់គណបក្សសង្គ្រោះជាតិ ក្រោមការ​ដឹកនាំរបស់លោកស្រី មូរ សុខហួរ បានអញ្ជើញទៅកាន់បិណ្ឌ រាប់បាត នៅវត្តសន្សំកុសល ដើម្បីឧទ្ទិសកុសល ផលបុណ្យ ជូនចំពោះបុព្វការរីជន មហាវិរបុរស និងមហាវិរបាតុករខ្មែរ ព្រមទាំងញាត្តិការទាំងប្រាំពីសណ្តានដែលបានចែកដ្ឋានទៅ ។

ក្នុងនោះផងដែរ ក៏បានធ្វើការបួងសួង សុំឲ្យដួងវិញ្ញាណក្ខណ្ឌ របស់បុព្វបុរស និង ដួងព្រះវិញ្ញា ណក្ខណ្ឌរបស់អតីតព្រះមហាក្រត្ស ព្រះមហាក្សត្រីយានីខ្មែរគ្រប់ជំនាន់ទាំងអស់ ព្រមទាំងវត្ថុ ស័កសិទ្ធិក្នុងលោក ទេវតារក្សាព្រះមហាធេត្ឆ័យ ជួយបោះព្រំឲ្យពរជ័យសេរីសួស្តី ដល់ប្រជា​ពលរដ្ឋខ្មែរទាំងអស់ដែលជាកូនចៅ ជួបតែនិងសេចក្តីសុខ សេចក្តីចំរើន ព្រមទាំងសូម​ផ្តល់​យុត្តិធម៌ ជូនពលរដ្ឋស្លូតត្រងដែលជាម្ចាស់ឆ្នោត ដែលត្រូវបានគេលួចឆន្ទៈរបស់ពួកគាត់ យ៉ាងអយុត្តិធម៌នោះ ។

ជាមួយគ្នានេះផងដែរ នៅថ្ងៃទី២៩ កញ្ញា វេលាម៉ោង៨ព្រឹក លោកអនុប្រធាន កឹម សុខា និង​ថ្នាក់ដឹកនាំរបស់គណបក្សសង្គ្រោះជាតិ មួយចំនួនទៀត និងអញ្ជើញទៅកាន់បិណ្ឌ រាប់​បាត​នៅវត្តឬស្សីជ្រោយ ភូមិតាសែន ឃុំសូទិប ស្រុកជើងព្រៃ ខេត្តកំពង់ចាម បន្ទាប់មក នៅវេលា​ម៉ោង១០ព្រឹក លោកអនុប្រធាន និងថ្នាក់ដឹកនាំគណបក្សសង្គ្រោះជាតិ ក៏និងបានបន្តដំណើរ​អញ្ជើញ​ទៅកាន់បិណ្ឌ រាប់បាតបន្ត នៅវត្តស្វាយទូង ស្ថិតនៅភូមិអូរតានៅ ឃុំមៀន ស្រុកព្រៃ​ឈរ ​​ក្នុង​ខេត្តកំពង់ចាមដដែល ។

ចំណែកលោកប្រ​ធាន សម រង្ស៊ី ក៏បានដឹកនាំសមាជិក សមាជិកសមាជិការរបស់​គណបក្ស​សង្គ្រោះជាតិ ទៅកាន់បិណ្ឌ រាប់បាត វេលាម៉ោង៨ព្រឹក ថ្ងៃទី២៩ កញ្ញា នៅវត្តខ្មី ស្ថិតនៅឃុំ​ព្រែក​ដំបង ស្រុក​មុខ​កំពូល ខេត្តកណ្តាលផងដែរ ៕