ជារឿងមួយគួរឲ្យ ចាប់អារម្មណ៍បំផុត នៅពេលដែលអ្នកនិយម លេងបណ្តាញសង្គមហ្វេសប៊ុក បាននាំគ្នាធ្វើការប្រៀបធៀប រូបថតចំនួន ពីរសន្លឹក គឺមួយសន្លឹកជារូបថត របស់ប្រធានាធិបតីអាមេរិក លោកបារ៉ាក់ អូបាមា និងមួយសន្លឹកទៀតជា រូបថតរបស់លោក សម រង្ស៊ី ប្រធានគណបក្ស សង្គ្រោះជាតិ ដែលត្រូវបានស្ត្រីវ័យចំណាស់ អោបថើប ដោយក្តីស្រឡាញ់ និងគោរពជាពន់ពេក ហើយគេចាត់ទុកថា មេដឹកនាំទាំងពីររូបនេះ មានគុណសម្បត្តិល្អ ពិសេសនិងកម្ររកបាន ។
មានការលើកជាសំណួរថា ហេតុអ្វីបានជាសកម្មភាព នៅក្នុងរូបថត ទាំងពីរសន្លឹកនេះ មានអត្ថន័យខ្លឹមសារ ស្រដៀងគ្នា ហើយត្រូវបានថត យកមកផ្សព្វផ្សាយ នៅទំព័រមុខ គួរឲ្យទាក់ទាញ និងមានការបញ្ចេញមតិ ច្រើនលើសលប់។ ចំពោះរូបថតរបស់លោក សម រង្ស៊ី ដែលត្រូវបាន ស្ត្រីវ័យចំណាស់ម្នាក់ អោបថើប ដោយក្តីស្រឡាញ់ ស្និទ្ធស្នាល ត្រូវបានថតនៅពេលលោក សម រង្ស៊ី ចុះទៅសាកសួរ សុខទុក្ខអាជីវករ នៅផ្សារអូរឫស្សី កាលពីថ្ងៃទី១០ ខែកញ្ញា ឆ្នាំ២០១៣ ហើយរូបថតនេះត្រូវបាន កាសែតភ្នំពេញប៉ុស្តិ៍ ចុះផ្សាយនៅទំព័រមុខ គួរឲ្យចាប់អារម្មណ៍បំផុត។
ដោយឡែករូបថតរបស់លោក បារ៉ាក់ អូបាមា ដែលត្រូវបានស្ត្រី វ័យចំណាស់ម្នាក់អោបថើប យ៉ាងទន់ភ្លន់ ត្រូវបានថតក្នុងខែកញ្ញា ឆ្នាំ២០១១ ក្នុងពេលជួបសំណេះសំណាល ជាមួយប្រជាជនអាមេរិក នៅក្នុងរដ្ឋមួយ។ បើទោះបីជារូបភាព ទាំងពីរសន្លឹកនេះ ត្រូវបានថតក្នុងពេលខុសគ្នា មួយនៅសហរដ្ឋអាមេរិក ហើយមួយទៀត នៅប្រទេសកម្ពុជា ក៏ដោយ ក៏ខ្លឹមសារនៃរូបថត ទាំងពីរសន្លឹកនេះ ស្រដៀងគ្នា ដែលបង្ហាញឲ្យឃើញថា ប្រជាពលរដ្ឋស្រឡាញ់គាំទ្រ ចំពោះមេដឹកនាំដែលគិតគូរ ពីប្រទេសជាតិ និងជួយដោះស្រាយ ទុក្ខលំបាករបស់ប្រជាពលរដ្ឋ៕
No comments:
Post a Comment
yes