(រូបភាពពី AFP)
អ្នកតវ៉ាក្រុមប្រឆាំងនៅថៃរាប់រយនាក់ នាំគ្នាចូលក្នុងបរិវេណវិមានរដ្ឋាភិបាល នៅថ្ងៃអង្គារនេះ បន្ទាប់ពីអាជ្ញាធរបើករបាំងអនុញ្ញាតឲ្យបាតុករចូលដោយសន្តិវិធី ដើម្បីបញ្ចៀសភាពតានតឹង។
សារព័ត៌មាន Channel News Asia ចុះផ្សាយថា នៅថ្ងៃអង្គការនេះ អាជ្ញាធរបានបើករបាំង ឲ្យបាតុករចូលក្នុងបរិវេណវិមានរដ្ឋាភិបាល ដើម្បីកាត់បន្ថយភាពតានតឹងរវាង ក្រុមបាតុករ និងនគរបាល។
អ្នករាយការណ៍ឲ្យសារព័ត៌មានAFP រៀបរាប់ថា បាតុករបាននាំគ្នាចូលក្នុងបរិវេណវិមានរដ្ឋាភិបាល ហើយអ្នកខ្លះ អង្គុយលើរបាំង ផ្លុំកញ្ចែឬជជែកគ្នា នាំឲ្យភាពតានតឹងរយៈពេលពីរថ្ងៃកន្លងទៅធ្លាក់មកធូរស្រាលវិញ។ ចំនួនកម្លាំងការពារក៏កាត់បន្ថយស្ទើរអស់ដែរគឺសល់តែ នគរបាល និងយោធាតែប្រមាណ២០នាក់នៅចាំទ្វារតែប៉ុណ្ណោះ។
ការផ្លាស់កម្លាំងការពារចេញនេះ បន្ទាប់នគរបាលប្រកាសថា ពួកគេមិននៅការពារអាគារវិមានរដ្ឋាភិបាលនោះរយៈពេលយូរទេ ក្រោយពេលដែលពួកគេបានប្រើឧស្ម័នបង្ហូរទឹកភ្នែក គ្រាប់កាំភ្លើងកៅស៊ូ និងបាញ់ទឹកលើបាតុករ។
ការដកកម្លាំងការពារនេះក៏ធ្វើឡើង បន្ទាប់ពីលោក ស៊ូថេប ថង ស៊ូបាន មេដឹកនាំបាតុករប្រកាសកាល ពីយប់ថ្ងៃចន្ទម្សិលមិញ លោកដឹកនាំបាតុករសំដៅ ទៅរកស្នងការរដ្ឋាននគរបាលក្រុងបាងកកវិញ ព្រោះពួកគេចោទថា នគរបាលជាអ្នកបង្ក្រាបបាតុករការពារអំណាចឲ្យលោកស្រីយីងឡាក់៕
No comments:
Post a Comment
yes