មន្ត្រីគណបក្សសង្គ្រោះជាតិ ឲ្យដឹងថា ប្រជាពលរដ្ឋ២៥នាក់ នៅខេត្ដឧត្ដរមានជ័យ ដែលកំពុងធ្វើដំណើរទៅខេត្ដសៀមរាប នៅព្រឹកថ្ងៃអង្គារនេះ ត្រូវបានកម្លាំងនគរបាល និងកងរាជអាវុធហត្ថស្រុកអន្លង់វែង ខេត្ដឧត្ដរមានជ័យ ឃាត់រយៈពេលជិត២ម៉ោង ដើម្បីសួរនាំពីគោលបំណងរបស់ពួកគាត់។
ប្រធានប្រតិបត្ដិគណបក្សសង្គ្រោះជាតិខេត្ដឧត្ដរមានជ័យ លោក ពេញ វណ្ណៈ មានប្រសាសន៍ថា ពលរដ្ឋទាំងនោះ មកពីស្រុកត្រពាំងប្រាសាទ និងស្រុកអន្លង់វែង ទៅចូលរូមការជួបជុំប្រជាពលរដ្ឋ នៅខេត្តសៀមរាប ដើម្បីប្រារព្ធទិវាសិទ្ធិមនុស្សអន្ដរជាតិ ១០ធ្នូ រៀបចំដោយគណបក្សសង្គ្រោះជាតិ នៅសៀលថ្ងៃនេះ នៅអង្គរឃ្យុងយូ។ លោកគិតថា សមត្ថកិច្ចស្រុកអន្លង់វែង មានចេតនាមិនចង់ឲ្យពលរដ្ឋធ្វើដំណើរមកខេត្ដសៀមរាបនោះទេ ប៉ុន្ដែដោយសារលោកទូរស័ព្ទឲ្យអង្គការក្រៅរដ្ឋាភិបាល និងស្ថាប័នរដ្ឋផ្សេងទៀតអន្ដរាគមន៍ ទើបសមត្ថកិច្ចឲ្យពួកគាត់ធ្វើដំណើរ។
ប៉ុន្តែ អធិការនគរបាលស្រុកអន្លង់វែង ខេត្ដឧត្ដរមានជ័យ លោក ស៊ុយ សេង អះអាងថា នគរបាលចរាចរណ៍គ្រាន់តែចង់ត្រួតពិនិត្យរថយន្ដ និងណែនាំពីការរៀបចំដឹកភ្ញៀវ និងទំនិញកុំឲ្យលើសចំណុះប៉ុណ្ណោះ៕
No comments:
Post a Comment
yes