ពលរដ្ឋ១១នាក់ និងព្រះសង្ឃ កំពុងប្រឈមមុខជាមួយអាជ្ញាធរ
ខណ្ឌដូនពេញនៅវត្តកោះ/រូបថតដោយញឹម សុខន
ពលរដ្ឋ១១នាក់ និងព្រះសង្ឃប្រមាណជា១០អង្គ នៅរសៀលម៉ោងជិត១២និង៣០នាទីថ្ងៃពុធនេះ កំពុងប្រឈមជាមួយមន្ត្រី និងកម្លាំងសមត្ថកិច្ចសាលារាជធានីភ្នំពេញ នៅវត្តកោះ បន្ទាប់ពីពលរដ្ឋ បានស្វែងរកអន្តរាគមន៍ពីស្ថានទូតបារាំង។
កាលពីយប់ថ្ងៃអង្គារទី១០ធ្នូ ដែលជាថ្ងៃប្រារព្វទិវាសិទ្ធមនុស្ស១០ធ្នូ អាជ្ញាធរខណ្ឌដូនពេញ បានចុះទៅបណ្តេញប្រជាពលរដ្ឋចំនួន១១នាក់ ឲ្យឡើងរថយន្ត ហើយដឹកចេញពីមុខស្ថានទូតអាមេរិក ឆ្ពោះទៅកាន់ដាក់នៅវត្តកៀនឃ្លាំង ក្នុងសង្កាត់ព្រែកលៀប ខណ្ឌឬស្សីកែវ ។លុះដល់ព្រឹកថ្ងៃពុធ ពួកគេ បានព្យាយាម សុំអន្តរាគមន៍ពីស្ថានទូតបារាំង។
ពលរដ្ឋឲ្យដឹងថា ពួកគេទាំង១១នាក់ បានកំពុងស្នាក់នៅវត្តកោះ បន្ទាប់មកអាជ្ញាធរ បានចុះមកត្រួតពិនិត្យដោយគ្រោងនិងធ្វើកំណត់ហេតុ និងរឹបអូសសម្ភារៈមួយចំនួនរបស់ពលរដ្ឋ ដូចជារម៉ក់កង់បីដើម្បីធ្វើដំណើរ និងឧបករណ៍បំពងសម្លេងជាដើម។ ខណៈពលរដ្ឋកំពុងប្រឈមបញ្ហានេះ ព្រះអង្គប្រមាណជា១០អង្គ បានចុះមកអន្តរាគមន៍ ដោយបានបិទទ្វារវត្តកោះ មិនឲ្យមានការរឹបអូសសម្ភារៈ រហូតដល់មានការប្រឈមដាក់គ្នា។
VOD មិនទាន់អាចសុំការអត្ថាធិប្បាយពីមន្ត្រីសាលារាជធានីភ្នំពេញបាននៅឡើយទេ។
សង្គមស៊ីវិលដែលធ្វើការលើផ្នែកសិទ្ធិមនុស្ស នៅថ្ងៃពុធនេះ ចាត់ទុកថាការបង្ខំឲ្យប្រជាពលរដ្ឋ១១នាក់ មិនឲ្យប្រជុំគ្នានៅមុខស្ថានទូតសហរដ្ឋអាមេរិក កាលពីថ្ងៃទី១០ធ្នូថា ជាការគំរាមកំហែងផ្នែកសិទ្ធិមនុស្ស ខណៈពិភពលោក កំពុងតែអបអរសាទរទិវាសិទ្ធិមនុស្ស៕
No comments:
Post a Comment
yes