(រូបភាពពី បាងកកប៉ុស្តិ៍)
បាតុករប្រមាណ២០ម៉ឺននាក់ នៅតែបន្តប្រមូលផ្តុំនៅទីក្រុងបាងកក ដើម្បីទាមទារឲ្យលោកស្រីយីងឡាក់ រំលាយគណៈរដ្ឋមន្ត្រីហើយប្រគល់អំណាចឲ្យក្រុមប្រឹក្សាប្រជាជន តាមការចាត់តាំងដើម្បីដឹកនាំប្រទេសវិញ។
សារព័ត៌មានបាងកកប៉ុស្តិ៍ចុះផ្សាយថា បាតុករទាំងនោះប្រមូលផ្តុំនៅតាមដងផ្លូវនានា នៅទីក្រុងបាងកកនៅថ្ងៃអង្គារនេះ និងនៅក្បែរវិមានរដ្ឋាភិបាល ដើម្បីទាមទារឲ្យលោកស្រីយីងឡាក់ រំលាយគណៈរដ្ឋមន្ត្រី។
នៅព្រឹកថ្ងៃចន្ទម្សិលមិញ លោក ស្រី យីងឡាក់ បានប្រកាសរំលាយសភា និងរៀបចំការបោះឆ្នោតឡើងវិញនៅថ្ងៃទី២ ខែកុម្ភះ ដើម្បីបញ្ចប់វិបត្តិនយោបាយ។
នៅយប់ថ្ងៃចន្ទម្សិលមិញ ព្រះមហាក្សត្រថៃបានយល់ព្រម ចំពោះការរំលាយសភា និងរៀបចំការបោះឆ្នោតឡើងវិញនេះ។ ព្រះអង្គលើកឡើងថា ក្នុងរយៈពេលនេះ រហូតដល់ការបោះឆ្នោត រដ្ឋាភិបាលលោកស្រីយីងឡាក់ ក្លាយជារដ្ឋាភិបាលចាំផ្ទះ។
តែសម្រាប់មេដឹកនាំ បាតុករលោក ស៊ូថេប ថងស៊ូបាន ថ្លែងថា ការរំលាយសភា និងរៀបចំការបោះឆ្នោតនោះ មិនគ្រប់គ្រាន់ទេ គឺលោកទាមទារឲ្យដកខ្សែស្រលាយលោកថាក់ស៊ីន ចេញពីថ្នាក់ដឹកនាំរដ្ឋាភិបាលទាំងអស់ ហើយប្រគល់អំណាចទៅឲ្យក្រុមប្រឹក្សា ប្រជាជនតាមការចាត់តាំងវិញ។
លោកស៊ូថេប កំណត់ឲ្យលោកលោកស្រី យីងឡាក់ ត្រូវរំលាយគណៈរដ្ឋមន្ត្រី ចោលក្នុងរយៈពេល២៤ម៉ោង ដោយមិនបាច់បោះឆ្នោត។ លោកព្រមាន ចំនួនបាតុករ និងកើនឡើងពី២០ទៅ៤០ម៉ឺននាក់ ប្រមូលផ្តុំនៅទីក្រុងបាងកក ដើម្បីទាមទាររហូតដល់លោកស្រី យីង ឡាក់ រំលាយគណៈរដ្ឋមន្ត្រីដោយមិនមានលក្ខខណ្ឌ៕
No comments:
Post a Comment
yes