ទិដ្ឋភាពនៃការចាប់ខ្លួនអនុប្រធានសមាគម IDEA នៅមុខព្រះអង្គដង្កើ
មុខព្រះបរមរាជវាំង ថ្ងៃទី១៨មករា (រូបថត ជន ស្រីណុច)
សមត្ថកិច្ច បានចាប់ខ្លួនអនុប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) នៅម៉ោងជិត៦ល្ងាចថ្ងៃអាទិត្យនេះ នៅក្បែរព្រះអង្គដង្កើ មុខព្រះបរមរាជវាំង ខណៈលោកកំពុងចូលរួមជាមួយប្រជាសហគមន៍ ទាមទារឲ្យដោះលែងសកម្មជនសហជីព និងកម្មករ២៣រូប។
បន្ទាប់ពីពិធីបួងសួងនៅព្រះអង្គដង្កើ ដែលរៀបចំដោយកម្មករ និងប្រជាសហគមន៍មានជម្លោះដីធ្លី ដើម្បីទាមទារឲ្យដោះលែងលោក វន់ ពៅ និងកម្មករ២២នាក់ផ្សេងទៀត នៅម៉ោងជិត៦ល្ងាចនេះ សមត្ថកិច្ចបានចាប់ខ្លួនលោក សុខ ឈុនអឿង ជាអនុប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ដោយមិនដឹងមូលហេតុ។
រហូតដល់ម៉ោង៦ល្ងាច លោក សុខ ឈុនអឿង ត្រូវសមត្ថកិច្ចបញ្ជូនទៅសាកសួរ នៅស្នងការនគរបាលរាជធានីភ្នំពេញ។ លោក សុខ ឈុនអឿង ជាអនុប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ធ្វើការជាមួយលោក វន់ពៅ ដែលជាប្រធាន ហើយបច្ចុប្បន្ន លោកវន់ ពៅ កំពុងជាប់ឃុំនៅពន្ធនាគារត្រពាំងថ្លុង ក្នុងខេត្តកំពង់ចាម ដោយសារការចូលរួមបាតុកម្មទាមទារដំឡើងប្រាក់ឈ្នួលដល់កម្មករ៕
No comments:
Post a Comment
yes