អ្នករាយការណ៍ពិសេសនៃឧត្ដមស្នងការអង្គការសហប្រជាជាតិ ទទួល
បន្ទុកផ្នែកសិទ្ធិមនុស្សប្រចាំកម្ពុជា លោក សុរិយា ស៊ូប៊ែឌី (Surya P. Subedi)
ធ្វើសន្និសីទកាសែត នៅការិយាល័យនារាជធានីភ្នំពេញ នៅថ្ងៃ១៦ មករា ឆ្នាំ២០១៤
អ្នករាយការណ៍ពិសេសនៃឧត្ដមស្នងការអង្គការសហប្រជាជាតិ ទទួលបន្ទុកផ្នែកសិទ្ធិមនុស្សប្រចាំកម្ពុជា លោក សុរិយា ស៊ូប៊ែឌី (Surya P. Subedi) បានអះអាងថា លោកគាំទ្រឲ្យកម្ពុជា រៀបចំការបោះឆ្នោតឡើងវិញ ប្រសិនបើបក្សនយោបាយដែលកំពុងមានទំនាស់ជាមួយគ្នាសព្វថ្ងៃយល់ព្រម។
ថ្លែងនៅក្នុងសន្និសីទកាសែតនៅការិយាល័យនៃឧត្ដមស្នងការសហប្រជាជាតិទទួលបន្ទុកផ្នែកសិទ្ធិមនុស្សនៅភ្នំពេញ ថ្ងៃទី១៦ មករា លោក សុរិយា ស៊ូប៊ែឌី បានជំរុញឲ្យរដ្ឋាភិបាលដែលដឹកនាំដោយបក្សប្រជាជនកម្ពុជា បើកការស៊ើបអង្កេតចំពោះការបាញ់សម្លាប់កម្មករ ៤នាក់ និងជិត ៤០នាក់របួស ដោយសារកងកម្លាំងប្រដាប់អាវុធរដ្ឋាភិបាលបង្ក្រាបក្រុមកម្មករ ដែលធ្វើបាតុកម្មកាលពីដើមខែមករា ឆ្នាំ២០១៤ នៅភ្នំពេញ ទាមទារដំឡើងប្រាក់ខែគោល ១៦០ដុល្លារ។
លោក សុរិយា ស៊ូប៊ែឌី នឹងបញ្ចប់បេសកកម្មរយៈពេល ៥ថ្ងៃនៅកម្ពុជា នៅថ្ងៃទី១៧ មករា ក្នុងដំណើរពិនិត្យមើលស្ថានភាពសិទ្ធិមនុស្សនៅកម្ពុជា៕
No comments:
Post a Comment
yes