បុរសជនជាតិអូស្ត្រាលីម្នាក់បានគាំងបេះដូងស្លាប់នៅលើកៅអីខាងមុខកុំព្យូទ័រ នៅក្នុងបន្ទប់ធ្វើការរបស់គាត់ ហើយត្រូវអ្នករួមការងារបានប្រទះឃើញកាលពីម៉ោង៨ និង១០នាទីយប់ថ្ងៃទី១១ ធ្នូ ។ ក្រោយពីប្រទះឃើញមិនអស់ចិត្តក៏បាននាំជនរងគ្រោះមកគ្លីនិកឯកជនមួយ ប៉ុន្តែពេលទៅដល់ត្រូវបានគ្រូពេទ្យប្រាប់ថា ជនរងគ្រោះស្លាប់បាត់ទៅហើយ។
ជនរងគ្រោះត្រូវបានគេស្គាល់ថា ឈ្មោះដារីល ចនស្លេតធឺ(DARRILJOHNSATTER) ភេទប្រុស អាយុ៦៣ឆ្នាំ ជាជនជាតិអូស្រ្តាលី បម្រើការងារនៅអង្គការឡាវ៉ាឡា(LAVALA) ដែលមានទីតាំងនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ។ ជនរងគ្រោះមានតួនាទី ជាប្រធានផ្នែកសុខមាលភាពកុមារ។ នៅព្រឹកថ្ងៃទី១២ ធ្នូ នគរបាលបច្ចេកទេស និងវិទ្យាសាស្ត្រ ស្រុក ខេត្ត ព្រមទាំងគ្រូពេទ្យបានចុះទៅពិនិត្យកន្លែងកើតហេតុ ហើយសន្និដ្ឋានថា ជនរងគ្រោះបានស្លាប់ដោយសារគាំងបេះដូង(ខ្យល់គ)។
បើតាមបុរសឈ្មោះឆៀរី ហែនរិច អាយុ៦៧ឆ្នាំ ជាជនជាតិអូស្ត្រាលីបម្រើការងារនៅក្នុងអង្គការនៅជាមួយជនរងគ្រោះបានបំភ្លឺប្រាប់សមត្ថកិច្ចថា នៅវេលាម៉ោង៨ និង១០នាទីយប់ថ្ងៃទី១១ ធ្នូ ជនរងគ្រោះបានដើរនិយាយលេង និងសួរសុខទុក្ខ កុមារនៅក្នុងសាលារៀនរបស់អង្គការជាធម្មតា។ បន្ទាប់ពីហូបអាហារពេលល្ងាចហើយជនរងគ្រោះក៏បានដើរចូលទៅក្នុងបន្ទប់ធ្វើការរបស់គាត់វិញ ។ លុះមួយសន្ទុះក្រោយមកខ្លួនក៏បានដើរចូលទៅក្នុងបន្ទប់របស់ជនរងគ្រោះស្រាប់តែឃើញជនរងគ្រោះដេកស្លាប់នៅលើកៅអីតែម្តង៕
កោះសន្តិភាព
No comments:
Post a Comment
yes