លិខិតដែលភ្នំពេញ ប៉ុស្តិ៍ទទួលបានពីមន្ត្រីអាជ្ញាធរជាតិប្រយុទ្ធជំងឺអេដស៍ (NAA) នៅថ្ងៃចន្ទនេះ បានសរសេរដោយចោទប្រកាន់លោកទេសរដ្ឋមន្ត្រី នុត សុខុម ប្រធាន NAA ដែលជាមន្ត្រីគណបក្សហ៊្វុនស៊ិនប៉ិច ជាដៃគូចម្រុះក្នុងរដ្ឋាភិបាល និងមន្ត្រីជិតស្និទ្ធរបស់លោក ៣រូបផ្សេងទៀត ក្នុងនោះមាន លោក អាំង សំបូរ អគ្គលេខាធិការរង លោក ឈឹម ឃិនដារ៉េត ប្រធាននាយកដ្ឋានរដ្ឋបាល និងហិរញ្ញវត្ថុ និងអនុប្រធានលោក ឈុន វ៉ាន់ធី ថាបានទទួលបន្ទុកលើការងារលទ្ធកម្មបន្ថែមពីលើមុខងាររបស់ខ្លួន ខុសនឹងអនុក្រឹត្យឆ្នាំ២០០៦ ស្តីពីលទ្ធកម្មសាធារណៈ ដែលមន្ត្រីលទ្ធកម្មមិនត្រូវមានមុខងារផ្សេងឡើយក្នុងស្ថាប័ន ឬក្រសួងមួយ។
លិខិតចុះថ្ងៃ០៩ ខែធ្នូ បាននិយាយថា មន្ត្រីទាំងនេះ បានប្រព្រឹត្តអំពើ«ពុករលួយថវិកាជាតិ» តាមរយៈកាត់យកថវិកា ១០ភាគរយពីការចំណាយគ្រប់សកម្មភាពទាំងអស់របស់ NAA ក្នុងការផ្សព្វផ្សាយការប្រយុទ្ធប្រឆាំងជំងឺអេដស៍ ដូចជា ការកាត់យក ១០ភាគរយពីគ្រប់លេខាធិការដ្ឋានអេដស៍ខេត្ត រាជធានីទាំង ២៤ តាំងពីខែ០២ ដល់ខែ០៧ ឆ្នាំ២០១០មក មានថវិកាសរុបជាង ៧១៨លាន (ប្រមាណ ១៨ម៉ឺនដុល្លារ) យកទៅចាយវាយផឹកស៊ីផ្ទាល់ខ្លួន។ភ្នំពេញប៉ុស្តិ៏
No comments:
Post a Comment
yes