ទិត្យ សុធា ៖លោក ស៊ូយ៉ា ហាក់បីដូចជាធ្វើការវាយតំលៃឆាប់ពេកជុំវិញដំណើរ ទស្សនកិច្ចមកកម្ពុជា

​លោក ស៊ូយ៉ា ស៊ូប៊ែឌី អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្ស​

ប្រចាំកម្ពុជា បានធ្វើសន្និសីទកាសែតស្តីពីស្ថានភាពសិទ្ធិមនុស្សនៅកម្ពុជា នៅរសៀលថ្ងៃទី០៩ ធ្នូ 

នៅស្នាក់ការឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា។

​លោក ស៊ូយ៉ា បានមានប្រសាសន៍ថា បេសកកម្មស្វែងរកការពិតលើកទី០៦របស់លោកមកកាន់

កម្ពុជាគឺផ្តោតលើការវាយតំលៃអំពីសិទ្ធមនុស្សនៃស្ថាបនរដ្ឋនានាទាក់ទងនិងដំណើរការបោះឆ្នោត

នៅកម្ពុជារាប់ទាំងច្បាប់នយោបាយនានាដែលអាចអនុវត្តចំពោះការបោះឆ្នោត។ ហើយលោកក៍បន្ត

ឃ្លាំមើលនិងលើកយកបញ្ហាសិទ្ធិមនុស្សមួយចំនួនដែលកំពុងតែបន្តកើតមានក្នុងប្រទេសកម្ពុជាមក

ពិភាក្សាដូចជាទំនាស់ដីធ្លី សេរីភាពខាងការបញ្ចេញមតិ និងសេចក្តីស្នើច្បាប់ស្តីពីសមាគមនិងអង្គ

ការមិនមែនរដ្ឋាភិបាល។

​លោកបន្តថា ដំណើរទស្សនៈកិច្ចរបស់លោកបង្ហាញជាថ្មីថាតើតួអង្គទាំងអស់ចូលរួមក្នុងការរៀបចំ

បោះឆ្នោតនៅពេលខាងមុខមានការខិតខំប្រឹងប្រែងយ៉ាងមុតមាំយ៉ាងដូចម្តេច។ ប្រជាពលរដ្ឋកម្ពុជា

សម្លឹងឃើញអនាគតរបស់ខ្លួនថាជាអនាគតបែបប្រជាធិបតេយ្យ។ បញ្ហាប្រឈមជាគន្លឹះគឺធ្វើយ៉ាង

ណាដើម្បីបណ្តុះបណ្តាលសេចក្តីស្រេចឃ្លានលទ្ធិប្រជាធិបតេយ្យនៅក្នុងផ្នត់គំនិតរបស់យុវជន

កម្ពុជា។

​លោក ស៊ូយ៉ា បានលើកឡើងថា លោកមានកង្វល់អំពីព័ត៍មានដែលបានទទួលទាក់ទងនិងការថយ

ចុះនៃចំនួនអ្នកបោះឆ្នោត និន្នាការថយចុះនៃការចូលរួមបោះឆ្នោត និងការធុញទ្រាន់នៃអ្នកបោះ

ឆ្នោត។ទោះជាដូច្នេះក្តីក្នុងករណីជាច្រើនប្រជាពលរដ្ឋមិនជ្រើសរើសយកការបោះបង់សិទ្ធិបោះឆ្នោត

របស់ខ្លួនទេ ប៉ុន្តែពួកគេប្រឈមមុខនិងឧបសគ្គសំខាន់២មួយចំនួនដែលនាំអោយពួកគេបោះបង់

ចោលទាំងស្រុងនូវសិទ្ធិបោះឆ្នោតរបស់ខ្លួន។

​លោក ស៊ូយ៉ា បន្តទៀតថា កង្វល់មួយចំនួនទៀតត្រូវបានលើកយកមកពិភាក្សាជាមួយលោក ហើយ

លោកមានបំណងធ្វើការសិក្សាអំពីកង្វល់នីមួយៗទាំងយ៉ាងប្រុងប្រយ័ត្ន។ ដោយលោកលើកពីកង្វល់

ទាំងនោះមានដូចជា៖

- កង្វល់ទីមួយ គឺតួនាទីរបស់ប្រព័ន្ធផ្សព្វផ្សាយព័ត៌មានក្នុងការបោះឆ្នោត និង

កង្វល់ផ្សេងៗទៀត ដែលថាគណបក្សនយោបាយមួយចំនួនត្រូវបានគេបដិសេធលទ្ធភាពប្រើប្រាស់ប្រព័ន្ធផ្សព្វផ្សាយព័ត៌មានស្មើភាពជាមួយគណបក្សដទៃផ្សេងទៀត។

- កង្វល់មួយទៀតគឺការប្រើប្រាស់ធនធានរដ្ឋដោយគណបក្សនយោបាយផ្សេងៗ នៅក្នុងអំឡុងពេល

ធ្វើយុទ្ធនាការឃោសនាបោះឆ្នោត រាប់ទាំងពេលវេលារបស់បុគ្គលិក មន្ត្រីរាជការ រថយន្ដគ្រឿង

សម្ភារៈ។ «ខ្ញុំមានក្ដីរីករាយដែលបានទទួលការធានាអះអាងពីឯកឧត្តមឧបនាយករដ្ឋមន្ត្រី និងជារដ្ឋ

មន្ត្រីក្រសួងមហាផ្ទៃថា រដ្ឋាភិបាលនឹងចេញសេចក្ដីណែនាំដល់មន្ត្រីរាជការ នគរបាល និងបុគ្គលិក

យោធាទាំងអស់ថា ពួកគេមិនត្រូវចូលរួមក្នុងសកម្មភាពនយោបាយណាមួយនៅក្នុងពេលបំពេញ

តួនាទី ក្នុងសមត្ថភាពផ្លូវការរបស់ខ្លួន ដែលរាប់ទាំងការប្រើប្រាស់ធនធានរបស់រដ្ឋ ហើយថាកា

រប្រកាន់ខ្ជាប់នូវអព្យាក្រឹត គឺជាប្រការដ៏សំខាន់បំផុត»។

- ដៃគូពិភាក្សាខ្លះបានគូសបញ្ជាក់អំពីដំណើរការចុះឈ្មោះអ្នកបោះឆ្នោតមានលក្ខណៈស្មុគស្មាញ 

ហើយវិសាលភាពនៃដំណើរការនេះទៀតសោត បើកឲ្យមានភាពមិនប្រក្រតី។

- គណបក្សនយោបាយមួយចំនួនបានរាយការណ៍អំពីការគំរាមកំហែង ការបំភិតបំភ័យ និងការ

យាយីរំខាន (រាប់ទាំងចំណាត់ការតាមផ្លូវច្បាប់) ប្រឆាំងសមាជិក និងបេក្ខជនរបស់ខ្លួន។ការអះ

អាងទាំងនេះ ជាការព្រួយបារម្ភយ៉ាងខ្លាំងហើយលោកបានលើកយកបញ្ហានេះ ទៅពិភាក្សាជា

មួយអាជ្ញាធរមួយចំនួន។ លោកនឹងបន្តស្វែងរកព័ត៌មានថែមទៀតក្នុងបញ្ហាទាំងនេះ។

- លោកដឹកអំពីស្ថានភាពរបស់ប្រធានគណបក្សនយោបាយសមរង្ស៊ី។ លោក ស៊ូយ៉ា យល់ឃើញ

ថាកិច្ចខិតខំប្រឹងប្រែងរួមគ្នាមួយដោយគណបក្សកាន់អំណាច និងគណបក្សប្រឆាំងឈានទៅកាន់

ការផ្សះផ្សាយគ្នាមួយ គឺជាអត្ថប្រយោជន៍នៃលទ្ធិប្រជាធិបតេយនីយកម្មមួយ ដែលកាន់តែខ្លាំង និងស៊ីជម្រៅជាងនេះថែមទៀតនៅក្នុងប្រទេស។

​មុននឹងបញ្ចប់ លោកបានលើកអំពីបញ្ហាទាក់ទងនឹងសេចក្ដីព្រាងច្បាប់ស្ដីពីសមាគម និងអង្គការ

មិនមែនរដ្ឋាភិបាល។ លោកមានក្ដីពេញចិត្តចំពោះការសម្រេចរបស់រាជរដ្ឋាភិបាល ដើម្បីតាក់តែង

នូវសេចក្ដីព្រាងច្បាប់ថ្មីមួយ និងជាសញ្ញាបង្ហាញពីបំណងប្រាថ្នារបស់រដ្ឋាភិបាលក្នុងការបន្តពិគ្រោះ

យោបល់ថែមទៀត ជាមួយសង្គមស៊ីវិលលើសេចក្ដីព្រាងច្បាប់នេះ។

 ទិត្យ សុធា អ្នកនាំពាក្យអង្គភាពព័ត៍មានប្រតិកម្មរហ័សនៃទីស្តីការគណរដ្ឋមន្ត្រី

​
ជុំវិញការលើកឡើងខាងលើនេះត្រូវបានមន្ត្រីអ្នកនាំពាក្យអង្គភាពព័ត៍មានប្រតិកម្មរហ័សនៃទីស្តី

ការគណរដ្ឋមន្ត្រីលោក ទិត្យ សុធា ឆ្លើយតបថា មានចំនុចអវិជ្ជមានជាច្រើនដែលអ្នករាយការណ៍

ពិសេសអង្គការសហប្រជាជាតិទទួលបន្ទុកសិទ្ធិមនុស្សបានមើលរំលងពីភាពវិជ្ជមានរបស់រាជរដ្ឋាភិ

បាលដែលបានទទួលនូវជ័យជំនៈជាបន្តបន្ទាប់ជុំវិញការអភិវឌ្ឍន៍ប្រទេសក៍ដូចជាការពង្រឹងលទ្ធិ

ប្រជាធិបតេយ្យ ការគោរពសិទ្ធិមនុស្ស និងកំណែទម្រង់ច្បាប់និងប្រព័ន្ធយុត្តិធម៌នៅកម្ពុជាដែលផ្ទុយ

ទៅវិញបានមើលឃើញតែមួយជ្រុងដែលស្ថិតនៅក្នុងភាពអវិជ្ជមាន ក៍ប៉ុន្តែជោគជ័យជាច្រើន

លោក ស៊ូយ៉ា ហាក់បីដូចជាធ្វើការវាយតំលៃឆាប់រហ័សពេកជុំវិញដំណើរទស្សនកិច្ចរបស់

គាត់មកកម្ពុជាពេលនេះ៕