រដ្ឋាភិបាលភូមាបានប្រកាសកាលពីថ្ងៃទី១៤ មករា ថា អ្នកទោសនយោបាយចំនួន៣០២នាក់ ដែលការដោះលែងពួកគេត្រូវបានទាមទារ ដោយគណបក្សប្រឆាំងគឺគណបក្សសម្ព័ន្ធជាតិ ដើម្បីលទ្ធិប្រជាធិបតេយ្យ LND របស់លោកស្រីអ៊ួង សាន់ស៊ូជី ស្ថិតក្នុងចំណោមអ្នកទោស៦៥១នាក់ ដែលត្រូវដោះលែងនាពេលមុននេះ ក្នុងក្របខណ្ឌនៃការលើកលែងទោសមួយ។ រដ្ឋមន្ត្រីមហាផ្ទៃភូមាឧត្តសេនីយ៍កូកូ បញ្ជាក់ថា អ្នកទោសទាំងនេះត្រូវបានដោះលែង ដើម្បីឱ្យពួកគេអាចដើរតួនាទីក្នុងដំណើរការនយោបាយដែលកំពុងប្រព្រឹត្តទៅ និងដើម្បីឱ្យពួកគេអាចចូលរួមក្នុងការបោះឆ្នោតសភានាខែមេសា ខាងមុខនេះ ទោះបីពួកគេធ្លាប់ជាប់ទោសក៏ដោយ។
ក្នុងចំណោមពួកអ្នកទោសដែលគណបក្ស LND ទាមទារឱ្យដោះលែង រួមមានមនុស្ស១២៨នាក់ ជាប់ឃុំឃាំងពីបទរំលោភបំពានច្បាប់រួម ក្នុងនោះ១៣នាក់ដោយសារមានទំនាក់ទំនងជាមួយពួកតាលីបង់ដែលពួកអ្នកទាំងនេះត្រូវស្ថិតក្នុងពន្ធនាគារបន្តទៀត ក្នុងផលប្រយោជន៍របស់ប្រទេស។ រលកនៃការដោះលែងពួកអ្នកទោសនេះ ទទួលការអបអរសាទរពីបណ្តាប្រទេសលោកខាងលិច ដោយចាត់ទុកថា នោះជាជំហានទៅមុខមួយឆ្ពោះទៅរកលទ្ធិប្រជាធិបតេយ្យ។
រដ្ឋមន្ត្រីការបរទេសបារាំង លោក ALAIN JUPPE បានចាប់ផ្តើមទស្សនកិច្ចលើកដំបូងរបស់លោកនៅភូមា។ លោកនឹងស្ថិតក្នុងប្រទេសនេះ រហូតដល់ថ្ងៃទី១៦ មករា ។ ក្រសួងការបរទេសបារាំងនិយាយថា រដ្ឋមន្ត្រីបារាំងមានបំណងលើកទឹកចិត្តដល់ប្រធានាធិបតីភូមា លោកអ៊ូថេន សេន និងអាជ្ញាធរភូមា ឱ្យបន្តចលនាបែបនេះតទៅទៀត ដោយចាត់វិធានការជាក់ស្តែងទាំងឡាយជាគុណប្រយោជន៍ដល់ការបង្រួបបង្រួមជាតិ សិទ្ធិមនុស្ស ជនជាតិភាគិតច និងលទ្ធិប្រជាធិបតេយ្យ ៕
No comments:
Post a Comment
yes