សូមស្វាគមន៏ការចូលមកកាន់គេហទំព័ររបស់យើងខ្ញុំ​!!!​Welcome to ckn-media.blogspot.com Website !!!​គេហទំព័រ ckn-media.blogspot.com ផ្តល់ព័ត៌មានពិតឥតលំអៀង រហ័សទាន់ចិត្ត ដែលលោកអ្នកជឿទុកចិត្ត / លោកអ្នកអាចទាក់ទងមកកាន់គេហទំព័ររបស់យើងខ្ញុំបានតាមរយៈ Email: cknkhmer@gmail.com សូមអរគុណ !!!

Monday, July 9, 2012

ប្រធានមន្ទីរកសិកម្មខេត្តបន្ទាយមានជ័យ ចាត់មន្ដ្រីក្រោមឱវាទឱ្យចុះប្រមូលលុយពីការដឹកជញ្ជូនសត្វ និងកសិផលផ្សេងៗយ៉ាងអនាធិបតេយ្យ


សេចក្តីរាយការណ៏ពីប្រជាពលរដ្ឋរស់នៅក្នុងខេត្តបន្ទាយមានជ័យបានឲ្យដឹងថា មន្ទីរ​កសិកម្ម​រុក្ខាប្រមាញ់​និង​នេសាទ ខេត្ដ​បន្ទាយមានជ័យ ក្រោមការ​គ្រប់គ្រង​របស់​លោក ហេង ប៊ុន​ហោ បានក្លាយទៅជា​អ្នករក​ចំណូលយ៉ាងសំខាន់ឲ្យលោក ហេង ប៊ុនហោទៅហើយ ។

ការកើតមានករណីបែបនេះគឺនៅបន្ទាប់ពីលោក ហេង ប៊ុនហោ បានបញ្ជាឲ្យ​មន្រ្តីក្រោមឱវាទ​របស់​ខ្លួន​ ទៅជំរិតទាលុយពីឈ្មួញ ដែលបានដឹកជញ្ជូន​សត្វពាហនៈ​ដែលត្រូវឆ្លងកាត់ខេត្តនេះ ក៏ដូច​ជាការ​ដឹក​​ផលិតផលមាន​ដើមកំណើត​ពីស​ត្វ​​ផ្សេងៗផងដែរ​ ដែលក្នុង​មួយថ្ងៃៗ​ពួកគេរក​ចំណូល​បានយ៉ាង​ច្រើន​លើស​លប់យកមកឲ្យលោក ហេង ប៊ុនហោ

សេចក្តីរាយការណ៏បានឲ្យដឹងបន្តរទៀតថា លោក ហេង ប៊ុន​ហោ ដែលជាប្រធាន​មន្ទីរ​កសិកម្ម​ខេត្ដបន្ទាយមានជ័យ បានប្រើមន្រ្តីក្រោម​ឱវាទ​របស់​ខ្លួន ដែលមានដូចជាមន្ដ្រី​ពេទ្យសត្វ និង​មន្ដ្រី​មន្ទីរ​កសិកម្មជាដើម ឲ្យដាក់​ប៉ុស្ដិ៏ត្រួតពិនិត្យ ដើម្បី​ធ្វើ​ការឃាត់​រថ​យន្ដ ឆែកឆេរ​ការដឹកជញ្ជូន​សត្វពាហនៈ រួមទាំង​ផលិតផល​មាន​ដើមកំណើត​ពីស​ត្វជាដើម ហើយតម្រូវឲ្យ​ឈ្មួញទាំងនោះ​បង់​ប្រាក់​ដ៏ច្រើនលើសលប់ឲ្យទៅពួកគេ ទាំងឈ្មួញដែលមានលិខិតអនុញ្ញាត្តិ និងឈ្មួញដែលគ្មាន​លិខិតអនុញ្ញាត្តិជាដើម ។
ហើយទង្វើទាំងអស់នេះ ត្រូវបានប្រជាពលរដ្ឋធ្វើការ​រិះគន់ថា ជាអំពើ​ពុក​រលួយយ៉ាងពេញបន្ទុកដែលខុសទៅនិងច្បាប់ ទាំងស្រុង ។

តែទោះបីជាយ៉ាងណា គេមិនដែលឃើញមានមន្រ្តីក្រសួងណាមួយ ចេញមុខមកអន្តរាគមន៏ និង​បង្ក្រាប​នោះ​ឡើយ ដូច​នេះហើយជាហេតុធ្វើឲ្យកូនចៅរបស់លោក ហេង ប៊ុន​ហោ មានឱកាស​កាន់តែច្រើន​សម្រាប់ប្រព្រឹត្តអំពើពុករលួយ ដែលមានដូចជាការ​ដោះលែង​វត្ថុតាង និង​ជនសង្ស័យ​​​ពាក់ព័ន្ធ​ករណី​ដឹកជញ្ជូន​សត្វពាហនៈ ផលិតផល​ដើមកំណើត​ពី​សត្វ​ខូចគុណភាព ជាថ្នូរ​ទៅនិង​ការ​ទទួល​បាននូវលាភសក្ការៈ​ផ្ទាល់ខ្លួនពីក្រុមឈ្មួញទាំង​នោះ ដែលមានការ​សូកប៉ាន់​មកពួកគេដើម ។​ សកម្មភាព​ប្រព្រឹត្តអំពើពុករលួយ របស់កូនចៅលោក ហេង ប៊ុនហោ ​បែបនេះ​គឺបានធ្វើ​ផ្ទុយទៅនឹង​មាត្រា​៥៨, ៥៩, ៧០, ៩១, ៩៦, ១០១ ជាដើម នៃ​ក្រមនីតិវិធី​ព្រហ្មទណ្ឌ ក៏ដូចជា​អនុ​ក្រិ​ត្យ​លេខ ១៦, ១០៨ និង​សេចក្ដីប្រកាស រួម​លេខ​១៤៥ ផងដែរ ។
សូមជំរាបថា​សកម្មភាព​របស់​មន្ដ្រី​កសិកម្ម​ និង​ជំនាញបសុពេទ្យ ដែលមានការ​សហការគ្នាជាមួយម​ន្ដ្រី​យុត្ដិធម៌​របស់​ខេត្ដ ដែលបានប្រព្រឹត្តអំពើពុករលួយក្រោមការគ្រប់គ្រងរបស់លោក ហេង ប៊ុន​ហោ ប្រធា​មន្ទីរ​កសិកម្ម​ខេត្ដ​បន្ទាយមានជ័យ យ៉ាងអាណាធិបតេយ្យ និងមាន​លក្ខណៈ​​ជាប្រព័ន្ធបែបនេះ គឺលោក ហេង ប៊ុនហោ នៅមិនទាន់មាន​លិខិតព្រមានណាមួយ​ពីព្រះរាជអាជ្ញា​ខេត្តបន្ទាយមានជ័យនេះនៅឡើយនោះទេ ទើបអំពើពុករលួយបែបនេះ​ចេះតែ​បន្ត​កើតមានឥតស្រាកស្រាន្ត ។ ហើយត្រូវបានប្រជាពលរដ្ឋដាក់ការសង័្សថា នេះមើលទៅប្រហែល​ជា ព្រះរាជអាជ្ញាខេត្តបន្ទាយមានជ័យទទួលបានលាភសក្ការៈទាំងនេះពីលោក ហេង ប៊ុនហោ ដែរ​ហើយមើលទៅ ? ។
ប្រភពរាយការណ៏ពីប្រជាពលរដ្ឋនៅក្នុងខេត្តបន្ទាយមានជ័យបានឲ្យដឹងបន្ថែមទៀតថា ​ទឹកដី​ខេត្ដ​​​បន្ទាយមានជ័យ គឺមាន​ច្រករបៀង​ជាច្រើន​ដែល​ត្រូវបាន​គេ​អះអាងថា មាន​ការហូរចូល​នូវ​ប្រភេទ​សត្វ​ជ្រូក គោ ក្របី មាន់​រស់ មាន់​ងាប់ សាច់មាន់ ជង្គង់​មាន់ ឆ្អឹង​មាន់ ស៊ុតមាន់ និង
ប្រហិត​គ្រប់មុខ​ដែលមាន​ច្បាប់​អនុញ្ញាត​ខ្លះ ខ្លះទៀត​គ្មាន​លិខិតអនុញ្ញាត ក្នុងនោះ​ជំនាញ​បសុពេទ្យ​មិនបាន​ធ្វើការត្រួតពិនិត្យ​ទៅលើ​អនាម័យ​សត្វ​ក៏ដូចជាការដឹកជញ្ជូន​នោះទេ រួមជា​មួយ​និងការត្រួតពិនិត្យសាច់សត្វដែលខូចគុណភាពផងដែរ ។ តែគេបែជា​​ឃើញ​មន្ដ្រី​កសិកម្ម​និង​ជំនាញ​ពេទ្យសត្វទាំងនោះ តែងតែ​តម្រូវឱ្យ​អ្នក​ដឹកជញ្ជូន និងឈ្មួញទាំងនោះចូលទៅ​បង់លុយ​នៅប៉ុស្តិ៏យាមរបស់គេទៅវិញ

ការមិនបានត្រួតពិនិត្យឲ្យបានដិតដល់ចំពោះការនាំចូលសាច់សត្វ ដែលខូចគុណភាពពីប្រទេស​ជិតខាង គឺជាការងារមួយដែលធ្វេសប្រហែសដ៏ធំបំផុតរបស់មន្រ្តីទាំងនោះ ដោយគិតពីផលប្រ យោជន៏របស់ខ្លួនជាធំ ដោយមិនបានគិតពីសុខភាពរបស់ប្រជាពលរដ្ឋអ្នកទទួលទានជាធំនោះ ។ ព្រោះសាច់សត្វដែលខូចគុណភាព គឺបានធ្វើឲ្យអ្នកទទួលទានទទួលរងនូវការប្រឈមចំពោះ បញ្ហាសុខភាពយ៉ាងធ្ងន់ធ្ងរបំផុត ។

ដូចនេះក្រសួងដែលពាក់ព័ន្ធ ក៏ដូចជាលោក ច័ន្ទ សារុន ដែលជារដ្ឋមន្រ្តីក្រសួង កសិកម្មរុក្ខា​ប្រម៉ាញ់ និងនេសាទ ត្រូវតែពិនិត្យឡើងវិញ ហើយធ្វើការចុះអង្កេកតាមដាន នូវសកម្មភាពរបស់​លោកលោក ហេង ប៊ុនហោ និងបក្ខពួកជាបន្ទាន់ និងធ្វើការទប់ស្កាត់នូវទង្វើជនដែលបានប្រព្រឹត្ត អំពើពុករលួយទាំងនោះឲ្យមានប្រសិទ្ធភាព និងត្រូវតែយកពួកគេទាំងនោះមកដាក់ទោស ឲ្យ​ សមទៅនិងទង្វើដែលពួកគេបានធ្វើ ដើម្បីកុំឲ្យមានករណីបែបនេះកើតឡើងនៅថ្ងៃក្រោយជា បន្តរទៀត បើមិនដូចនោះទេ រង្វើបែបនេះនិងនៅតែបន្តរកើតមានឡើងឥតស្រាន្តនោះឡើយ ។
លោក ច័ន្ទ សារុន ត្រូវតែមានស្មារតីខ្ពស់ក្នុងការកំចាត់មន្រ្តីខិលខូចពុករលួយទាំងនោះ ដើម្បីកុំ​ឲ្យគេបានដៃធ្វើអ្វីៗស្រេចតែចិត្តរបស់ពួកគេ ហើយជាពិសេសនោះដើម្បីកុំឲ្យមានការលើក ឡើង​ថា ក្រសួងកសិកម្មរុក្ខាប្រម៉ាញ់ និងនេសាទ ជាក្រសួងដែលពោពេញទៅដោយអំពើពុករលួយ បក្ខពួកនិយម និងជាប្រទេសដែលពោពេញទៅដោយវប្បធម៌គ្មានទោសពៃ ៕

No comments:

Post a Comment

yes