ចលនាប្រជាធិបតេយ្យសង្គ្រោះជាតិ រៀបចំបង្កើតគណបក្សថ្មីឈ្មោះថាគណបក្ស សង្រោះជាតិ

លោក សម រង្ស៊ី ប្រធាន ចលនាប្រជាធិបតេយ្យសង្គ្រោះជាតិ

កាលពីព្រឹកថ្ងៃទី១៦ ខែសីហា ឆ្នាំ២០១២ ចលនាប្រជាធិបតេយ្យសង្គ្រោះជាតិ បានរៀបចំពិធីជួប ជុំសមាជិករបស់ខ្លួន ដើម្បីរៀបចំបង្កើតគណបក្សថ្មី​មួយ​ដែលមាន​ឈ្មោះថា គណ​បក្ស សង្គ្រោះ​ជាតិ សម្រាប់ការចូលរួមការបោះឆ្នោតឆ្នាំ២០១៣ ទៅតាមអ្វីដែលជាការគ្រោងទុក ។

ការជួបជុំសមាជិកអ្នកគាំទ្រ ចលនាប្រជាធិបតយេ្យសង្គ្រោះជាតិ នៅពេលនោះ គឺជាទំព័រ​ប្រវត្តិ​សាស្រ្តថ្មីមួយទៀតសម្រាប់ប្រទេសកម្ពុជា ដើម្បីឲ្យអ្នកប្រជាធិបតេយ្យ សង្គ្រោះប្រទេស និង​ប្រ​ជារាស្រ្ត​ កំពុងតែរស់នៅរងគ្រោះ ដោយអ្នកកាន់អំណាចសព្វថ្ងៃ ដែលដឹកនាំប្រទេសតាម​របៀប​ផ្តាច់ការ ដែលធ្វើឲ្យរាស្រ្ត និងប្រទេសជាតិរងទុក្ខ គ្មានពេលល្ហែរ ។

អ្វីដែលគណបក្ស សម រង្ស៊ី និង គណបក្ស សិទ្ធិមនុស្ស សម្រេចបាននៅពេលនេះ គឺជាអ្វីដែលប្រ ជាពលរដ្ឋខ្មែរ ទន្ទឹងរងចាំជាយូរណាស់មកហើយដើម្បីឲ្យអ្នកស្រលាញ់ជាតិ និងស្រលាញ់​ប្រជា​រាស្រ្តពិតប្រាកដ មកជួយសង្គ្រោះពួកគាត់ ដែលពួកគាត់​រស់នៅសព្វថ្ងៃរងទុក្ខឥតស្បើយ​ប្រៀប​បីដូចជានៅក្នុងគុកឥតជញ្ជាំង ។

សូមជំរាបជូនផងដែរថានៅក្នុងពិធីជួបប្រជុំជាមួយសមាជិក អ្នកគាំទ្រ ចលនាប្រជាធិបតេយ្យ សង្គ្រោះជាតិ កាលពីថ្ងៃទី១៦ ខែសូហា ឆ្នាំ២០១២នោះ ក៏មានវត្តមានរបស់លោក សម រង្ស៊ី ប្រធាន ចលនាប្រជាធិបតេយ្យសង្គ្រឡជាតិ អញ្ជើញចូលរួមក្នុងពិធីនោះផងដែរ តាមរយៈ​វីដេ​អូ​ខន់ហ្វឺរ៉េន ។

មានប្រសាសន៏មកកាន់សមាជិកអ្នកគាំទ្រ ចលនាប្រជាធិបតេយ្យសង្គ្រជាតិ លោក សម រង្ស៊ី បានថ្លែងថា ថ្ងៃនេះគណបក្សថ្មីមួយ បានរៀបចំខ្លួនលិចចេញឡើងលើឆាកនយោបាយប្រទេស

កម្ពុជាហើយគឺគណបក្ស សង្គ្រោះជាតិ ដែលនិងបន្តពី ចលនាប្រជាធិបតេយ្យសង្គ្រោះជាតិ ដែលបានបង្កើតនៅទីក្រុងម៉ានីល ប្រទេស ហ្វីលីពីន កាលពីថ្ងៃទី១៧ ខែសីហា ឆ្នាំ២០១២ ។ លោក សម រង្ស៊ី បានមានប្រសាសន៏ទៀតថា ចលនាប្រជាធិបតេយ្យសង្គ្រោះជាតិ គឺជាចលនា

មួយដើម្បីប្រមូលផ្តុំកម្លាំងអ្នកប្រជាធិបតេយ្យ និង អ្នកសេ្នហាជាតិទាំងអស់នៅលើឆាកនយោ

បាយប្រទេសកម្ពុជា ដើម្បីនាំមកនូវការផ្លាស់ប្តូរ ដូចប្រជាពលរដ្ឋខ្មែរដែលលោកចង់បាន និងរង

ចាំការផ្លាស់ប្តូរតាមបែបបទប្រជាធិបតេយ្យជាយូរមកហើយ ។​ហេតុដូចនេះ ចាំបាប់ណាស់​យើង​ត្រូវតែប្រមូលកម្លាំអ្នកប្រជាធិបតេយ្យ និងអ្នកស្នេហា​ជាតិ​ទាំង​អស់ដែលជាស្នូល ហើយស្នូលជា ជំហ៊ានដំបូងរបស់យើងគឺគណបក្ស សម រង្ស៊ី និង គណបក្ស សិទ្ធិមនុស្ស ។

ក្នុងនាមជាប្រធាន ចលនាប្រជាធិបតេយ្យសង្គ្រោះជាតិ នាឱកាសនោះលោក សម រង្ស៊ី ក៏បាន​ធ្វើការអំពាវនាវឲ្យអ្នកនយោបាយផ្សេងទៀតមកពីគណបក្សដទៃ ក៏ដូចជាប្រជា​ព​លរដ្ឋដែល​ជា​អ្នកស្រលាញ់ជាតិមាតុភូមិ និងរបបលិទ្ធិប្រជាធិបតេយ្យទាំងអស់ មកចូលរួម​ជាមួ​យ ចលនា​ប្រ

ជាធិបតេយ្យសង្គ្រោះជាតិ ដែលគោលបំណងរបស់ចលនាមួយនេះគឺដើម្បី បញ្ចប់ អំណាចផ្តាច់

ការបច្ចុប្បន្ននៅកម្ពុជាដែលបំរើបរទេសឈ្លានពាន ដើម្បីនាំមកនូវការ​ផ្លាស់ប្តូរមុ​ខ​មាត់ថ្មី ជូនប្រ

ជាពលរដ្ឋ និងប្រទេសជាតិ ឲ្យជាតិរបស់យើងមានភាពរុងរឿង ថ្កុំថ្កើនឡើង ។

សូមជំរាបជូនផងដែរថា បើយោងតាមច្បាប់ស្តីពីគណបក្សនយោបាយ ដែល​បាន​អនុម័តដាក់ឲ្យ​ប្រើប្រាស់​កាលពី​ឆ្នាំ​១៩៩៧ ត្រង់​ជំពូក​ទី​២ និយាយ​ពី​ការបង្កើត​គណបក្ស​នយោបាយ បង្ហាញថា ប្រជា​ពលរដ្ឋ​ខ្មែរ​ចំនួន​យ៉ាងតិច៨០នាក់ ដែល​មាន​អាយុ​យ៉ាងតិច១៨ឆ្នាំ ហើយ​ដែល​មាន​ទីលំនៅ​ជា​អចិន្ត្រៃយ៏នៅក្នុង​ព្រះរាជាណាចក្រ​កម្ពុជា មាន​សិទ្ធិ​ផ្តើម​បង្កើត​គណបក្ស​នយោបាយ​មួយ​បាន ដោយ​គ្រាន់តែ​ជូនដំណឹង​ជា​លាយ​លក្ខ​ណ៏អក្សរទៅ​ក្រសួង​មហាផ្ទៃ​ ។ ក្រសួងមហាផ្ទៃ​ត្រូវជូន​ដំណឹងជាលាយលក្ខណ៏អក្សរថា បាន​ទទួលការជូនដំណឹងនេះ យ៉ាងតិច១៥ថ្ងៃក្រោយ​ការ​ទទួល​ពាក្យស្នើសុំ ។ បើហួសការកំណត់១៥ថ្ងៃ ត្រូវចាត់ទុកថាបានទទួលការជូនដំណឹងនេះ ។

​គណបក្សនយោបាយ ដែល​ទើប​បង្កើតត្រូវ​ធ្វើ​ការបោះឆ្នោត​ជ្រើសតាំង​គណកម្មាធិកា​រ​បណ្តោះ​អាសន្ន ដែល​មាន​សមាជិក​យ៉ាងតិច៧រូប ហើយ​ដែល​ម្នាក់ៗមាន​អាយុ​យ៉ាងតិច២៥ឆ្នាំ សម្រាប់​រៀបចំ​បែបបទ និង ​បំពេញ​ល័ក្ខខ័ណ្ឌ នៃ​ការសុំ​ចុះបញ្ជី​គណបក្សនយោបាយ តាម​ការកំណត់ ដូច​​មានចែង​ក្នុង​ជំពូក​ទី​៥ នៃ​ច្បាប់​នេះដើម្បី​ទទួល​សុពលភាព​។​

​ចំណែក​នៅជំពូក​ទី​៣ និយាយ​ពី​សមាជិកភាព ត្រង់​មាត្រា១៥ ក៏​បាន​កំណត់​ថា ប្រជា​ពលរដ្ឋ​ខ្មែរ​ម្នាក់ មិនអាច​ជា​សមាជិក​គ​ណ​បក្សនយោបាយ លើស​ពី​មួយ​ក្នុង​ពេល​តែ​មួយ​បាន​ទេ ។ ក្នុង​ករ​ណី​​ដែល​បុគ្គល​មួយ​រូបចូល​ជា​សមាជិក​គណបក្ស​នានា​យ៉ាងច្រើន សមាជិកភាព​ក្នុង​គណបក្ស​នយោបាយ​ចុងក្រោយត្រូវ​ចាត់ទុក​ជា​បានការ​។​
​ចំណែក​ជំពូក​ទី​៥ និយាយ​ពី​ការចុះបញ្ជី​គណបក្សនយោបាយ បាន​កំណត់​ថា គណបក្ស​នយោ​បាយ ត្រូវ​សុំ​ចុះបញ្ជី​គណបក្សនយោបាយ ដោយ​ត្រូវមាន​សមាជិក​យ៉ាងតិច៤០០០នាក់ មកពី​បណ្តា​ខេត្ត ក្រុង​មួយចំនួន ​។ សមាជិក​នោះ មាន​អាយុ​ចាប់ពី១៨ឆ្នាំ​ឡើង​ទៅ មាន​អាសយដ្ឋាន និង​ស្នាម​មេដៃ ដោយ​មាន​បញ្ជាក់​លេខប័ណ្ណសមាជិក​គណបក្ស និង​កាលបរិច្ឆេទ​នៃ​ការចូល​សមាជិកភាព​គ​ណ​បក្សនយោបាយ ​។​

ដូចនេះបើយោងតាមច្បាប់ស្តីពីគណបក្សនយោបាយ ចលនាប្រជាធិបតេយ្យសង្គ្រោះជាតិ ប្រ​ហែលជាគ្មានឧបសគ្គក្នុងការរៀបចំបង្កើតគណបក្សថ្មីដែលកើតចេញពី ចលនាប្រជាធិបតេយ្យ សង្គ្រោះជាតិឡើយ ព្រោះបើយោងតាមការអង្កេត និងគនាជាបឋមគឺ ចលនាប្រជាធិបតយេ្យ សង្គ្រោះជាតិ គឺមានកម្លាំងច្រើនណាស់ដែលនឹកស្មានមិនដល់ រហូតធ្វើឲ្យអ្នកកាន់អំណាចសព្វ ថ្ងៃភ័យស្លន់ស្នោភ្នែកនៅកញ្ចឹងករៀងៗខ្លួន ។ ដោយរាល់ថ្ងៃពួកគេខំរកគ្រប់វិធីដើម្បីមិនឲ្យ ចល​នាមួយនេះបានសន្ទុះបាន និងអ្វីដែលសំខាន់ជាងនេះទៅទៀតនោះគឺពួកគេបានព្យាយាម បិត​ផ្លូវរបស់លោក សម រង្ស៊ី ដែលជាប្រធានចលនា មិនឲ្យវិលត្រឡប់ចូលមកក្នុងប្រទេសកម្ពុជា បាន ៕