កណ្ដាល ៖ ឈើប្រណិតពេញមួយរថយន្តកូរ៉េចេញពីភ្នំពេញឆ្ពោះទៅកាន់ប្រទេសវៀតណាមត្រូវបានកងកម្លាំងប៉េអឹមស្រុកស្អាងធ្វើការស្ទាក់ចាប់បានទាំងឈើនិងរថយន្តកាលពីល្ងាចវេលាម៉ោង៦និង៣០នាទីថ្ងៃទី១៥ខែមករាឆ្នាំ២០១៣នៅតាមបណ្ដោយផ្លូវលេខ21B ស្ថិតក្នុងភូមិទួលក្រសាំង ឃុំរកាខ្ពស់ ស្រុកស្អាង ខេត្តកណ្ដាល។
លោក អ៊ូ ផល្លី មេបញ្ជាការកងរាជអាវុធហត្ថស្រុកស្អាងបានឲ្យដឹងថាក្រោយពីបានដឹងថាឈ្មួញបានធ្វើសកម្មភាពរកស៊ីដឹកឈើប្រណីតចេញពីភ្នំពេញឆ្ពោះទៅទិសខាងត្បូងតំរង់ស្រុកកោះធំ កម្លាំងរបស់លោកបានល្បាតជាប្រចាំស្ទាក់ចាប់បាននូវឈើប្រណិតប្រភេទធ្នុងចំនួន២៦ដុំធំដឹកដោយរថយន្តម៉ាកកូរ៉េ២តោន ពណ៌ខៀវ ពាក់ស្លាកលេខ ភ្នំពេញ 3A-0247 បើកបរដោយឈ្មោះ ជ្រឹង សុភាព ភេទប្រុសអាយុ៣៤ឆ្នាំរស់នៅភូមិនិរោធ សង្កាត់និរោធ ខណ្ឌមានជ័យ រាជធានីភ្នំពេញ ឃាត់ខ្លួនម្ចាស់បើករថយន្តនៅកន្លែងកើតហេតុនៅចំណុចខាងលើនិងពេលវេលាថ្ងៃដដែល។
លោកបន្តថា ក្រោយពេលធ្វើការឃាត់រថយន្តនោះបានហើយលោកបានហៅសមត្ថកិច្ចជំនាញមេព្រៃចុះមកទទួលនិងប្រគល់ហើយកម្លាំងរបស់លោកបានកសាងសំណុំរឿងជូនដល់មេព្រៃសង្កាត់តាខ្មៅ កាលពីព្រឹកថ្ងៃទី១៦ខែមករាឆ្នាំ២០១៣ដើម្បីចាត់ចែងបន្តទៀត៕
No comments:
Post a Comment
yes