ស្ត្រីអ្នកបឹងកក់ តវ៉ាសុំឲ្យដោះលែងតំណាងពួកគេ
ក្រុមស្ត្រីជាសកម្មជនដីធ្លី ជាង៣០០នាក់
នៅរាជធានីភ្នំពេញ បានបើកយុទ្ធនាការហែរក្បួនតាមដងវិថីសំខាន់
នៅថ្ងៃទិវាសិទ្ធិនារីអន្តរជាតិនេះ ជំរុញឲ្យអាជ្ញាគ្រប់លំដាប់ថ្នាក់
ឈប់ប្រើប្រព័ន្ធតុលាការ គំរាមអ្នកប្រឆាំងនឹងការបណ្តេញចេញ។
ប្រជាសហគមន៍ទាំងនោះ មកពីបឹងកក់ អតីតបុរីកីឡា
ព្រែកអញ្ចាញ សហគមន៍ថ្មគោល និងសហគមន៍មួយចំនួនទៀត។ពួកគេ
បានដង្ហែរក្បួនតាមមហាវីថី ព្រះមុនីវង្ស ឆ្ពោះទៅកាន់ស្ថានទូចអាមេរិក
សំដៅទៅក្រសួងកិច្ចការនារី នៅជាប់ផ្លូវព្រះនរោត្តម ។
ក្រុមស្ត្រីជាសកម្មជនដីធ្លី បានលើបដា ពាក្យស្លោក
ទង់ជាតិចម្រុះជាតិសាសន៍ ហើយស្លៀកពាក់ឯកសណ្ឋានជាអ្នកទោស នឹងអ្នកខ្លះ
កាន់រូបព្រះពុទ្ធ
ក្នុងន័យផ្ញើសារឲ្យអាជ្ញាធរបញ្ឈប់អំពើហិង្សាលើស្ត្រី
និងជំរុញឲ្យដោះលែងសកម្មជនដីធ្លីម្នាក់ពីពន្ធនាគារ គឺអ្នកស្រីយ៉ោម
បុប្ផា ៖ "ព្រោះពួកខ្ញុំជាក់ស្តែងរងគ្រោះដោយសារការបណ្តេញចេញ
រងនឹងការប្រើអំពើហិង្សាជាញឹកញាប់
និងការចាប់ឃុំខ្លួនដាក់ពន្ធនាគារព្រៃស"។
ការដង្ហែក្បួននោះត្រូវបានប៉ះទង្គិចគ្នាដោយពាក្យសំដីជាមួយកម្លាំសមត្ថកិច្ចជាង១០០នាក់ដែលព្យាយាមដាក់របាំងរាំងផ្លូវ
មិនឲ្យពលរដ្ឋយកញត្តិទៅដាក់នៅក្រសួងកិច្ចការនារី
ដើម្បីជំរុញឲ្យអន្តរាគមន៍ មានការគោរពសិទ្ធិនារី ៖ "កុំមករុញច្រានប៉ះដៃប៉ះជើង ធ្វើឲ្យត្រឹមត្រូវតិចទៅ
ប្រាប់ឲ្យហើយ អូនឯងខ្ញុំបង្កើតបាន ធ្វើចៅខ្ញុំបាន..."។
យ៉ាងណាក៏ដោយការប៉ះទង្គិចគ្នាដោយពាក្យសម្តីនោះ
មិនបណ្តាលអោយមានហិង្សាទេ ។
មន្ត្រីស៊ើបអង្កេតជាន់ខ្ពស់ នៅអង្កការលីកាដូ ដែលតាមដានក្បួនដង្ហែរនោះ
បានចាត់ទុកថា យុទ្ធនាការនេះ ជាសាសំខាន់មួយទៀតទៅរដ្ឋាភិបាល
ដើម្បីពិចារណាពីកាតព្វកិច្ចរបស់ខ្លួន ក្នុងនាមជាអ្នកបំរើពលរដ្ឋ ៖ "ការដង្ហែក្បួនក្នុងថ្ងៃ៨មិនានេះ
ហើយក៏ទាមទារឲ្យបញ្ឈប់នូវអំពើហិង្សាទៅលើស្ត្រីជាបន្តទៅទៀត
ជាពិសេសគឺពាក់ព័ន្ធនឹងបញ្ហាដីធ្លី បញ្ហាធនធានធម្មជាតិ
ហើយបញ្ឈប់ការចាប់ខ្លួនស្ត្រី
ដោយសាររឿងដីធ្លីយកទៅដាក់ពន្ធនាគារបន្តទៀត"។
កាលពីថ្ងៃម្សិលម៉ិញក្នុងពិធីចែកសញ្ញាប័តដល់មន្ត្រីជាន់ខ្ពស់
នាយករដ្ឋមន្ត្រីលោក ហ៊ុន សែន បញ្ជាឲ្យអាជ្ញាធរ និងកម្លាំងសមត្ថកិច្ចទាំងអស់
ត្រូវយកចិត្តទុកដាក់ពីសុខទុក្ខរបស់ពលរដ្ឋ និងចាត់វិធានការដោះស្រាយ
រាល់បញ្ហាដែលកើតឡើង នៅមូលដ្ឋានឲ្យមានប្រសិទ្ធិភាព ក្នុងន័យ ចាត់ទុកខ្លួនឯងជាអ្នកបំរើពលរដ្ឋ
ដោយមិនត្រូវតាំងខ្លួនជាអ្នកត្រួតត្រាពលរដ្ឋឡើយ៕
No comments:
Post a Comment
yes