ប្រធាននិងអនុប្រធានគណបក្សសង្គ្រោះជាតិរួមជាមួយថ្នាក់ដឹកនាំគណបក្សសង្គ្រោះជាតិជាច្រើនរូបទៀតដង្ហែរអង្គកឋិនទានទៅកាន់វត្តបុទុមគង្គាស្ទឹង

ស្តាប់សម្លេង

ពិធីសូត្រមន្តបុណ្យកឋិនដង្ហែរទៅកាន់វត្តបុទុមគង្គាស្ទឹង

នៅបន្ទាប់ពីលោកប្រធាន សម រង្ស៊ី និងលោកអនុប្រធាន កឹម សុខា​ ព្រមទាំងថ្នាក់ដឹកនាំគណ បក្សសង្គ្រោះជាតិ រាជធានីភ្នំពេញ បានមូលមតិគ្នាជាឯកច័្ឆន្ទ ដង្ហែរអង្គកឋិនទានទៅវេរប្រគេន ព្រះសង្ឃគង់ចាំព្រះវស្សាអស់ត្រីមាសក្នុងពុទ្ធសីមា នៅវត្តសាមគ្គីរង្សី កាលពីថ្ងៃទី២៨ តុលា ២០១៣ ជាថ្មីម្តងទៀត លោកប្រធាន សម រង្ស៊ី និងលោកអនុប្រធាន កឹម សុខា​រួមជាមួយ​លោក គង់ គាំ សមាជិកព្រឹទ្ធសភា លោក អេង ឆៃអ៊ាង ប្រធានក្រុមការងារគណបក្ស​សង្គ្រោះ​ជាតិ ខេត្តកណ្តាល លោក អ៊ូ ច័ន្ទឬទ្ធិ អនុប្រធានក្រុមការងារគណបក្សសង្គ្រោះជាតិ ខេត្ត​កណ្តាល ព្រមទាំងថ្នាក់ដឹកនាំគណបក្សសង្គ្រោះជាតិ ជាច្រើនរូបទៀត ក៏បានមូលមតិគ្នា​ជា​ឯក​ច្ឆ័ន្ទ ដង្ហែរអង្គកឋិនទាន ទៅវេរប្រគេនព្រះសង្ឃ គង់ចាំព្រះវស្សាអស់ត្រីមាសក្នុងពុទ្ធសីមា នៅវត្តបុទុមគង្គាស្ទឹង ស្ថិតនៅភូមិជ្រោយដងទី២ ឃុំសំរោងធំ ស្រុកកៀនស្វាយ ខេត្តកណ្តាល នៅថ្ងៃ ទី០២ វិច្ឆិកា ឆ្នាំ២០១៣ ផងដែរ ។

លោកស្រី មូរ សុខហួរ នាំយកជំនួយសង្គ្រោះបន្ទាន់ចែកជូន

ពលរដ្ឋក្រីក្ររងគ្រោះដោយទឹកជំនន់

ដាច់ដោយឡែកមួយទៀត នៅថ្ងៃទី០១ វិច្ឆិការ ២០១៣ លោកស្រី​ មូរ សុខហួរ តំណាងរាស្រ្ត ជាប់ឆ្នោត និងជាប្រធានក្រុមការងារគណបក្សសង្គ្រោះជាតិ ខេត្តបាត់ដំបង បានដឹកនាំក្រុម ការងារចុះចែកជំនួយសង្គ្រោះបន្ទាន់ដល់ប្រជាពលរដ្ឋក្រីក្ររងគ្រោះដោយទឹកជំនន់ចំនួន១០២គ្រូសារ នៅភូមិអូរតាគី ឃុំអូរតាគី ស្រុកថ្មគោល បន្ទាប់មកនៅពេលរសៀលលោកស្រី មូរ សុខហួរ ក៏និងបើកអង្គប្រជុំជាមួយប្រតិបត្តិខេត្ត ប្រត្តិបត្តិស្រុក និងក្រុមប្រឹក្សាជាប់ឆ្នោតទាំង អស់ នៅទីស្នាក់ការគណបក្សខេត្ត ជុំវិញការប្រមូលស្នាមមេដៃបន្ថែមទូទាំងខេត្ត សម្រាប់ដាក់​ជូន​បន្តទៅអង្គការសហ​ប្រជា​ជាតិ និងការដាក់ទិសដៅការងារបន្តសម្រាប់រយៈពេល​៣ខែ​ខាង​មុខជាដើម ។

ដូចគ្នានេះផងដែរ នៅខេត្តស្វាយរៀង លោក រៀល ខេមរិន្ទ្រ តំណាងរាស្រ្តជាប់ឆ្នោត និងជាប្រ ធានក្រុមការងារគណបក្សសង្គ្រោះជាតិ ខេតស្វាយរៀង នៅថ្ងៃទី០១ វិច្ឆិកា ក៏បានបើកកិច្ចប្រ ជុំជាមួយប្រតិបត្តិខេត្ត ប្រតិបត្តិស្រុក-ក្រុងទាំង៨របស់ខេត្ត និងក្រុមប្រឹក្សាជាប់ឆ្នោត ដើម្បីបូក សរុបរបាយការណ៏ប្រចាំខែ ការលើកផែនការណ៏សម្រាប់ការងារក្នុងខែថ្មី ក៏ដូចជាការប្រមួល ស្នាមមេដៃរបស់ប្រជាពលរដ្ឋបន្តទៀត សម្រាប់ដាក់ជូនទៅអង្គការសហប្រជាជាតិបន្ថែម ទៅ តាមផែនការណ៏ដែលបានកំណត់ ។

ជាមួយគ្នានោះ នៅថ្ងៃទី១១ វិច្ឆិកា លោក រៀល ខេមរិន្ទ្រ រួមជាមួយក្រុមការងារខេត្ត និងស្រុក ក៏បានមូលមតិគ្នាជាឯកច័្ឆន្ទ ដង្ហែរអង្គកឋិនទានទៅវេរប្រគេន ព្រះសង្ឃគង់ចាំ​ព្រះ​វស្សា​អស់​ត្រី​មាសក្នុងពុទ្ធសីមា នៅវត្តត្រពាំងបន្ទាយចាស់ ស្ថិតនៅក្នុងភូមិមុន្នីប្រឹក្សា ឃុំត្រស់ ស្រុករមាស​ហែក ខេត្តស្វាយរៀងផងដែរ ៕