ក្រុមហ៊ុនសូ ងួនមានវិវាទដីធ្លីជាមួយអតីតអ្នកផ្តាច់ខ្លួន ពីខ្មែរក្រហមនៅស្រុកឈូកខេត្តកំពត
ប្រ ជា ពល រដ្ឋ នៅ ក្នុង ឃុំ ត្រពាំងឃ្លាំង ស្រុក ឈូក ខេត្ត កំពត បាន នាំគ្នា ស្រែករក ជំនួយ កាលពីព្រឹកម្សិលមិញនេះ បន្ទាប់ពីក្រុមហ៊ុនសូ ងួន យកគ្រឿងចក្រទៅឈូសឆាយលើដីដែលមានការប្រទាញប្រទង់គ្នាធ្វើជាម្ចាស់កម្មសិទ្ធិ ដែលជារឿងកើតមានមិនចេះអស់ មិនចេះហើយនៅក្នុងប្រទេសកម្ពុជា។
ដោយសរ សុវណ្ណារ៉ា
ប្រជាពលរដ្ឋបាននាំគ្នារត់រកកិច្ចអន្តរគមន៍ដើម្បីការពារដីស្រែរបស់ពួកគាត់។កសិករឈ្មោះ មុំ ម៉ុន បានឲ្យដឹងថា ក្រុមនេះបានយកគ្រឿងចក្រចុះមកឈូសឆាយដីប្រជាពលរដ្ឋដែលអបដោយអាជ្ញាធរមានប្រដាប់អាវុធ។
(សំឡេង មុំ ម៉ុន)
កសិកររូបនេះបានឲ្យដឹងទៀតថា ការចុះរុករានដីនេះបានធ្វើឡើងបន្ទាប់ពីតំណាងក្រុមហ៊ុនបានចុះមកត្រួតពិនិត្យដីនេះរយៈពេល២ថ្ងៃជាប់ៗគ្នា។ប្រជាពលរដ្ឋនៅទីនោះបានឲ្យដឹងថា ពួកគាត់បានទៅរស់នៅលើដីនោះ បន្ទាប់ពីបានផ្តាច់ខ្លួនត្រឡប់មកចូលជាមួយរាជរដ្ឋាភិបាលវិញក្នុងអំឡុងឆ្នាំ១៩៩០។
គ្រួសារក្នុងវិវាទដីធ្លីនេះបាននិយាយថា ពួកគេបានប្តឹងទៅអាជ្ញាធរជាច្រើនលើកច្រើនសា ប៉ុន្តែមិនមានការចុះមកជួយដោះស្រាយ។
វិទ្យុអូស្រ្តាលីមិនអាចស្វែងរកតំណាងក្រុមហ៊ុនសូ ងួន ដើម្បីសុំការស្រាយបំភ្លឺបាននោះទេ។ តែទោះជាយ៉ាងនេះក្តី លោក ឃីម សុធឿន ជំទប់ទី១ឃុំត្រពាំងឃ្លាំងក្នុងទីតាំងដែលមានទំនាស់ បានឲ្យដឹងថា គាត់កំពុងជិះម៉ូតូត្រឡប់ពីការចូលរួមប្រជុំដោះស្រាយរវាងប្រជាពលរដ្ឋនិងក្រុមហ៊ុន។
(សំឡេងលោក ឃីម សុធឿន)
លោកជំទប់បានឲ្យដឹងទៀតថា គេត្រូវការប្រើពេលវេលាយូរទៀត ដើម្បីដោះស្រាយដីធ្លីនេះ។ប៉ុន្តែលោកបានបញ្ជាក់ថា គាត់នៅមិនទាន់បានដឹងអំពីចំនួនគ្រួសារប្រជាពលរដ្ឋដែលជាប់ពាក់ពន្ធ័នៅក្នុងទំនាស់នេះនៅឡើយទេ។
ជាមួយគ្នានេះ ប្រជាពលរដ្ឋបានបញ្ជាក់ថា ផ្ទៃដីប្រទាញប្រទង់នេះ អាចមានរហូតទៅដល់មួយពាន់ហិកតារ។កសិករមុំ ម៉ុន បានឲ្យដឹងថា គាត់
មានដីចំនួនប្រមាណ៥ហិកតារ ប៉ុន្តែមន្រ្តីក្រុមហ៊ុនសូ ងួននាពេលមុននេះបានមកនិយាយឲ្យគាត់ព្រមទទួលយកដីក្បាល៣០ម៉ែត្រ បណ្តោយ១០០ម៉ែត្រ ជាថ្នូរនឹងការចាកចេញពីដីស្រែចម្ការនេះ។ប៉ុន្តែគាត់មិនអាចទទួល
យកសំណងប៉ុនណេះបាននោះទេ៕
No comments:
Post a Comment
yes