សម្តេចក្រុមព្រះ ទម្លាយរឿង ញឹកប៊ុនឆៃ ទៅសុំ
នាយករដ្ឋមន្ត្រី អោយបានគ្រប់ពីកៅអីក្នុងការ
បោះឆ្នោត២០០៨
សម្តេចក្រុមព្រះ នរោត្ត រណ្ណឬទ្ធិ បានមានព្រះបន្ទូលចោទប្រកាន់មន្ត្រី គណបក្សហ្វុនស៊ិនប៊ិចថាគ្មានគោលជំហរច្បាស់លាស់ក្រៅពីដណ្តើមអំណាចគ្នា ។ប៉ុន្តែមេដឹកនាំគណបក្ស ហ៊្វុនស៊ិនប៉ិច បានធ្វើការបដិសេធ។
សម្តេចក្រុមព្រះនរោត្តរណ្ណឬទ្ធិមានបន្ទូលចោទប្រកាន់យ៉ាងដូច្នេះគឺនៅក្នុងពេលដែលព្រះអង្គជួបសំណេះសំណាលជាមួយសមាជិកនិងសមាជិកាបក្ស នៅក្នុងរាជធានីភ្នំពេញ ចំនួនប្រមាណ ១០០នាក់នៅក្នុងភោជនីដ្ឋាន ឃីងហ្វូត ក្នុងរាជធានីភ្នំពេញនាព្រឹកថ្ងៃសៅរ៍ទី៩កុម្ភះនេះ។
ព្រះអង្គមានបន្ទូលលើកឡើងថា គណបក្សហ្វុនស៊ិនប៊ិច កាលពីបោះឆ្នោតក្នុងឆ្នាំ២០០៨ មិនបានពីរកៅអីទេគឺបានតែមួយកៅអីកន្លះទេ ហើយ លោក ញឹកប៊ុនឆៃ បានធ្វើការស្នើរសុំបង្គ្រប់ចំនួនពីរកៅអីពី ហ៊ុនសែន ។
សម្តេចក្រុមព្រះបានមានបន្ទូលចោទទៅលើអគ្គលេខាធិការបក្សហ្វុនស៊ិនប៊ិច លោកញឹកប៊ុនឆៃ ផងដែរ ថាបានធ្វើឱ្យព្រះអង្គជាប់គុក ចំនួន ១៨ខែ កាលពីពេលកន្លងមកនេះ ។ ទាក់ទងនិងការចោទប្រកាន់នេះអគ្គលេខាធិការ
បក្យហ្វុនស៊ិនប៊ិចលោកញឹក ប៊ុនឆៃ បានធ្វើការច្រានចោលនិងបានធ្វើការបដិសេធ ថា មិនបានសុំលោក ហ៊ុន សែន អោយបានពីរកៅអីនោះទេ ។ទាក់ទងរឿងជាប់ទោស១៨ខែ លោកញឹក ប៊ុនឆៃ បានបានបញ្ឆាក់ថា វាជារឿងរបស់តុលាការ ដែលជាអ្នកវិនិច្ឆ័យ។ ហើយចំណែករឿងលក់ស្នាក់ការ
គណបក្សមិនមែនយកមកចែកគ្នាទេ វាមិនដូចសម្តេចក្រុមព្រះមាន
បន្ទូលនោះទេ។នៅក្នុងជំនួបរវាងសមាជិកបក្សនរោត្តរណ្ណឬទ្ធិនេះ
ព្រះអង្គបានមានបន្ទូលបញ្ជាក់ពីការវិលត្រឡប់មកចូលក្នុងឆាកនយោបាយឡើងវិញរបស់ព្រះអង្គថា គឺដោយសារតែសមាជិក សមាជិកា គណបក្សនៅក្នុងខេត្តកំពង់ចាមបានធ្វើញាត្តិសុំប្រទានឈ្មោះ និងប្រើឈ្មោះ ព្រមទាំងសុំយាងព្រះអង្គមកដឹកនាំគណបក្សនរោត្តរណ្ណឬទ្ធិឡើងវិញ ។ ម៉្យាងទៀតដោយសារតែអ្នករាជានិយមនិង សីហនុនិយមមានសក្តានុពលច្រើនហើយស្ថិតក្នុងសភាពរប៉ាត់រប៉ាយ អស់សង្ឃឹម និង អស់ជំនឿ ដូច្នេះជម្រើសរបស់ព្រះអង្គត្រូវតែវិលត្រឡប់មកវិញ ដើម្បីបំរើអ្នកសីហនុនិយមនិងរាជានិយម។
នៅក្នុងជំនួបនេះព្រះអង្គក៍បានធ្វើការផ្តាំនិងប្រាប់ទៅកាន់សមាជិក សមាជិកា គណបក្ស ថាអតីតព្រះមហាក្សត្រ ព្រះករុណា នរោត្តម សីហនុ គឺសម្តេចឪ បានប្រគល់គណបក្សហ្វុនស៊ិនប៊ិចមកឱ្យព្រះអង្គផ្តាច់មុខកាលពីក្នុងឆ្នាំ ១៩៩១មកនោះ៕
No comments:
Post a Comment
yes