សមត្ថកិច្ចនគរបាលក្រុងសិរីសោភ័ណ បានចាប់ឃាត់ខ្លួនបុរសចំណាស់ម្នាក់ពីបទរំលោភសន្ថវៈនាងក្រមុំជាអ្នកជំងឺដែលមកសម្រាកព្យាបាលនៅផ្ទះរបស់គាត់កាលពីវេលាម៉ោង៤ល្ងាចថ្ងៃទី២៣ តុលា ២០១១ នៅភូមិម្កាក់ សង្កាត់ម្កាក់ ក្រុងសិរីសោភ័ណ បន្ទាប់ពីសមត្ថកិច្ចទទួលពាក្យបណ្តឹងរបស់នារីរងគ្រោះ។
លោកវរសេនីយ៍ត្រីរ៉ែម វីរៈ អធិការនគរបាលក្រុងសិរីសោភ័ណ បានប្រាប់ឱ្យដឹងថា បុរសចំណាស់ជាប់ចោទឈ្មោះឈឹម ភា ហៅតាភា អាយុ៥៧ឆ្នាំ រស់នៅភូមិខាងលើ មុខរបរជាគ្រូខ្មែរព្យាបាលជំងឺ និងកាត់គ្រោះ។ ចំណែកនារីរងគ្រោះមានអាយុ២១ឆ្នាំ មានស្រុកកំណើតនៅស្រុករមាសហែក ខេត្តស្វាយរៀង បានមកស្នាក់នៅ និងព្យាបាលជំងឺផ្លូវចិត្ត ឬសរសៃប្រសាទនៅផ្ទះរបស់ជនល្មើស។
តាមការរៀបរាប់បំភ្លឺរបស់នាងក្រមុំរងគ្រោះបានប្រាប់សមត្ថកិច្ចថា នាងត្រូវបានឪពុកម្តាយយកមកព្យាបាលជំងឺនៅផ្ទះឈ្មោះឈឹម ភា ដែលជាប្អូនថ្លៃរបស់ម្តាយនាងតាំងពីថ្ងៃទី១៩ កញ្ញា ២០១១ មកម៉្លេះ ។ នាងបានបញ្ជាក់ថា ពេលមកដល់នាយប់ដំបូងតាភា បានចាប់នាងរំលោភបានសម្រេចដល់ទៅ៤ដង។ ក្រោយមកគាត់បានប្រព្រឹត្តជាបន្តបន្ទាប់ គឺមួយយប់២ដង ហើយគាត់បានគំរាមសម្លាប់នាងចោល ប្រសិនបើនាងហ៊ាននិយាយប្រាប់គេឱ្យដឹង។
ពីគេហទំព័រ៖ កោះសន្តិភាព
បើតាមចម្លើយសារភាពរបស់ជនល្មោភកាមបានប្រាប់សមត្ថកិច្ចថា ខ្លួនពិតជាបានប្រព្រឹត្តដូចដែលនាងចោទប្រកាន់នោះមែន ប៉ុន្តែបានតែចំនួន១០ដងប៉ុណ្ណោះ ហើយទាល់តែនារីរងគ្រោះក្អួតចង្អោរ ទើបដឹងថា នាងមានផ្ទៃពោះ។ លោកវរសេនីយ៍ត្រីរ៉ែម វីរៈ បានបន្តថា ផ្អែកតាមបណ្តឹងរបស់នារីរងគ្រោះ និងម្តាយរបស់នាង ព្រមទាំងចម្លើយសារភាពរបស់ជនល្មើស បច្ចុប្បន្នកម្លាំងរបស់លោកបានរៀបចំសំណុំរឿងបញ្ជូនទៅស្នងការដ្ឋាន ដើម្បីចាត់ការបន្តតាមនីតិវិធីច្បាប់ ៕
No comments:
Post a Comment
yes