ស្ត្រីជាម្តាយនិងកូនប្រុសពៅអាយុ៤ឆ្នាំ បានស្លាប់នៅពេលបញ្ជូនមកដល់មន្ទីរពេទ្យបានមួយយប់និងកូនប្រុសស្រីពីរ នាក់ទៀតរងរបួសធ្ងន់បន្ទាប់ពីម្តាយនិងកូនទាំងអស់គ្នានេះបាន ជិះម៉ូតូឌុបគ្នាឆ្លងផ្លូវត្រលប់ពីមើលការសម្ដែងរបស់ក្រុម កំប្លែងនាយពែកមីវិញក្នុងកម្មវិធីផ្សព្វផ្សាយលក់ ផលិតផលថ្នាំដុសធ្មេញខលហ្គែតហើយបានបុកជាមួយរថយន្តសណ្ដោងរ៉ឺម៉កដែលកំពុងបើកបរយ៉ាងលឿននោះ។
ហេតុការណ៍បានកើតឡើងកាលពី វេលាម៉ោង២០និង៤០នាទីយប់ថ្ងៃទី១៩ខែតុលាឆ្នាំ២០១១នៅតាមបណ្តោយផ្លូវជាតិលេខ៤ត្រង់ចំណុចមុខវិទ្យាល័យ ហ៊ុន សែនអង្គស្នួលស្ថិតក្នុងភូមិព្រៃទន្លាប់ ឃុំបែកចាន ស្រុកអង្គស្នួល។ជនរងគ្រោះជាម្តាយដែល ស្លាប់មានឈ្មោះ ពៅ ចាន់នី អាយុ៣៣ឆ្នាំកសិកររស់នៅភូមិព្រៃទន្លាប់ឃុំបែកចានស្រុក អង្គស្នួលនិងកូនប្រុសពៅដែលស្លាប់មានឈ្មោះ វ៉ាន់ នីរតនាអាយុ៤ឆ្នាំដែលម្តាយស្លាប់នៅពេទ្យព្រះកុសុមៈនិងកូនស្លាប់នៅពេទ្យកុមារ ជាតិ។កូនពីរនាក់ទៀតដែលរងគ្រោះទី១មានឈ្មោះ សៅស្រីនាងភេទស្រី អាយុ១៣ឆ្នាំជា សិស្សរងរបួសធ្ងន់ដោយសាររថយន្តកិនចាប់ជើងឆ្វេងនៅជាប់និងមាត់ ប្រឡាយក្បែរចិញ្ចើមថ្នល់និងកូនប្រុសម្នាក់ទៀតមានឈ្មោះ វិបុល មេត្តាអាយុ៨ឆ្នាំជា សិស្សបានរងរបួសស្រាល។ជនរងគ្រោះខាងលើជិះម៉ូតូម៉ាកហុងដាC125ពណ៌ខ្មៅស៊េរីឆ្នាំ២០០៤ពាក់ស្លាកលេខ1P-9636។រថយន្តបង្កហេតុម៉ាកហ៊ីយ៉ាន់ដាយក្បាលពណ៌សសណ្ដោងកន្ទុយពាក់ ស្លាកលេខ ក5981ភព3 មិនដឹងថារបស់ក្រុមហ៊ុន ណាទេតែនៅនិងក្បាលឡានមានសរសេរថាកំពង់ផែស្វយ័តក្រុងភ្នំពេញហើយបើកបររត់គេចបាត់៕
ពីគេហទំព័រ៖ កម្ពុជាថ្មី
No comments:
Post a Comment
yes