ប្រជាពលរដ្ឋ៣ភូមិចំនួន១១១គ្រួសារបាននាំគ្នាមកតវ៉ាពីរឿងក្រុមហ៊ុនដាតាបោះបង្គោលព្រំដែនរំលោភយកដីរបស់ពួកគាត់ដែលបានធ្វើស្រែនិងចំការតាំង២ឆ្នាំ២០០០-២០០១មកហើយស្រាប់តែឆ្នាំ២០១១លិចមុខក្រុមហ៊ុនដាតាមកយកដីរបស់ពួកគាត់ទាំងនោះ។
ហេតុការណ៍នេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី២៨ខែវិច្ឆិកាឆ្នាំ២០១១នៅចំណុចផ្លូវចូលទៅភូមិរំចេកឃុំអន្លង់វែងស្រុកអន្លង់វែងខេត្តឧត្តរមានជ័យ។
ប្រជាពលរដ្ឋដែលមកតវ៉ាចំនួន១១១គ្រួសារមកពីភូមិរំចេក ភូមិដីថ្មី និងភូមិអូរតាម៉ែង ហើយសូម្បី តែដីរបស់ប្រជាពលរដ្ឋដែលអាជ្ញាធរស្រុកនិងខេត្តបានដោះស្រាយអោយប្រជាពលរដ្ឋចំនួន ១១៣គ្រួសារដែលដេញអោយចេញពីតំបន់អូរអំបិលនោះក៏ប៉ះពាល់ដែរ។
បញ្ហានេះក៏មានការចូលរួមដោះស្រាយពីលោកមេភូមិមេឃុំអភិបាលរងស្រុកនិងលោក ខេង សុជាតិ មន្ត្រីបរិស្ថានដែនជំរកសត្វព្រៃហើយក៏ជាតំណាងអោយក្រុមហ៊ុនដាតាផងដែរដែលបានចុះមកដោះស្រាយជាមួយប្រជាពលរដ្ឋពីរឿងប៉ះពាល់ទៅលើដីរបស់ពួកគាត់នោះ។
លោក ខេង សុជាតិ បានប្រាប់ប្រជាពលរដ្ឋថាដីដែលមានការប៉ះពាល់នោះដូចប្រជាពលរដ្ឋណាមានដី២ហិកតាក្រុមហ៊ុននិងធ្វើការឈូសឆាយអោយបានស្អាតហើយបែងចែកអោយពលរដ្ឋមួយហិកតាវិញនៅត្រង់ចំណុចដែលប្រជាពលរដ្ឋមិនអាចទទួលយកបានទើបមានការតវ៉ាកើតឡើង។
លោក យឹម ផានណា អភិបាលស្រុកអន្លង់វែងក៏បានសំដែងក្ដីអាណិតអាសូរដល់ប្រជាពលរដ្ឋចំនួន៣ភូមិផងដែរតែមិនដឹងធ្វើយ៉ាងម៉េចនេះគឺក្រសួងបរិស្ថាននិងក្រុមហ៊ុនដាតាជាមួយរដ្ឋាភិបាលជាអ្នកសំរេចក៏ប៉ុន្តែលោកបានបង្កើតគណៈកម្មការចុះត្រួតពិនិត្យលើការប៉ះពាល់ដីធ្លីរបស់ប្រជា ពលរដ្ឋនិងធ្វើរបាការណ៍ទៅអោយលោកអភិបាលខេត្តជួយដោះស្រាយជូនប្រជាពលរដ្ឋទាំង៣ភូមិស្មើនិងប្រជាពលរដ្ឋចំនួន១១១គ្រួសារនោះ៕
កម្ពុជាថ្មី
No comments:
Post a Comment
yes