លោក Ban Ki-moon អគ្គលេខាធិការអង្គការសហប្រជាជាតិ គ្រោងនឹងទៅដល់ប្រទេសថៃ នៅថ្ងៃពុធ ទី១៦ ខែវិច្ឆិកា ខាងមុខនេះ ស្តីពីដំណើរទស្សនកិច្ច ៣ប្រទេស របស់លោកមកកាន់តំបន់អាស៊ី-អាគ្នេយ៍។ លោក Ban Ki-moon គ្រោងទៅកាន់វិមានរដ្ឋាភិបាល និងទៅកាន់មជ្ឈមណ្ឌលសន្និសីទអង្គការសហប្រជាជាតិ UNCC នៅក្នុងទីក្រុងបាងកក ហើយលោកក៏នឹងគ្រោងធ្វើទស្សនកិច្ចទៅកាន់បណ្តាតំបន់ ដែលរងការប៉ះពាល់ដោយសារទឹកជំនន់នៅក្នុងទីក្រុងបាងកក ផងដែរ។
នាយករដ្ឋមន្ត្រីថៃ នឹងទទួលស្វាគមន៍លោកអគ្គលេខាធិការអង្គការសហប្រជាជាតិ នៅឯវិមានរដ្ឋាភិបាល ជាកន្លែងដែលពួកគេ នឹងធ្វើសេចក្តីថ្លែងការណ៍រួមគ្នា និងធ្វើការសាកសួរគ្នានៅម៉ោង ១:៥០នាទីរសៀល។ ខណៈពេលដែលនៅរាជធានីបាងកក លោក Ban នឹងថ្លែងសុន្ទរកថាតុមូល ស្តីពីសុខភាពសកលនៅ UNCC។ ការបិទអង្គប្រជុំត្រូវគេរំពឹងថា នឹងធ្វើឡើងដោយមានការចូលរួមពីក្រសួងសុខាភិបាល ក្រុមអ្នកជំនាញផ្នែកសុខាភិបាល សង្គមស៊ីវិល ក្រុមអ្នកការទូត និងអ្នកចូលរួមផ្សេងទៀតរបស់ប្រទេសថៃ។
ដំណើរបន្ទាប់របស់លោក គឺលោកនឹងធ្វើដំណើរទៅកាន់ប្រទេសឥណ្ឌូនេស៊ី ហើយទើបវិលត្រឡប់ទៅកាន់ទីក្រុងញ៉ូវយ៉ក វិញនៅថ្ងៃទី២០ ខែវិច្ឆិកា។
No comments:
Post a Comment
yes