ស្ត្រីជនជាតិឡាវម្នាក់ និងបុរសជនជាតិខ្មែរម្នាក់ត្រូវបាននគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសហការជាមួយកម្លាំងនៃមន្ទីរប្រឆាំងគ្រឿងញៀន ក្រសួងមហាផ្ទៃឃាត់ខ្លួន ខណៈពួកគេកំពុងធ្វើការដោះដូរថ្នាំញៀននៅចំណុចដុងក្រឡតាមបណ្តោយផ្លូវជាតិលេខ៧ កាលពីវេលាម៉ោង៨និង២០នាទីព្រឹកថ្ងៃទី៧ វិច្ឆិកា ២០១១។
លោកនូ ហ៊ួរ នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបានឱ្យដឹងថា ការចុះបង្ក្រាបនេះ គឺកម្លាំងសមត្ថកិច្ចបានតាមឃ្លាំមើលពីសកម្មភាព របស់មុខសញ្ញារហូតឈានដល់ការឃាត់ខ្លួនពួកគេ ខណៈពេលកំពុងដោះដូរថ្នាំញៀន ហើយឆែកឆេរឃើញថ្នាំញៀនក្នុងថង់ប្លាស្ទិកពណ៌ខ្មៅចំនួន២ដុំ ស្មើនឹង៤.០២២គ្រាប់ ទម្ងន់៣៨៩,៣ក្រាម ជាប្រភេទមេតំហ្វេតាមីន រួចសមត្ថកិច្ចក៏បញ្ជូនខ្លួនមុខសញ្ញាទាំងពីរមកស្នងការដ្ឋានដើម្បីសាកសួរ និងស្វែងរកអត្តសញ្ញាណពាក់ព័ន្ធផ្សេងទៀត។លោកបានបន្តឱ្យដឹងថា មុខសញ្ញាទាំងពីរនាក់ម្នាក់ជាស្រ្តីជនជាតិឡាវឈ្មោះផាន់ ថាវង្ស ពុក អាយុ២០ឆ្នាំ រស់នៅភូមិថាខូង ស្រុកសេប៉ូន ខេត្តសាវណ្ណ (ប្រទេសឡាវ) ជាអ្នកនាំថ្នាំញៀនមកពីប្រទេសឡាវ និង ម្នាក់ទៀតឈ្មោះឡុត ចំប៉ា ភេទប្រុស អាយុ៣៥ឆ្នាំ ជាជនជាតិខ្មែរ រស់នៅភូមិខាំផាន់ សង្កាត់សាមគ្គី ក្រុងស្ទឹងត្រែង ជាអ្នកសហការជាមួយស្ត្រីជនជាតិឡាវ។
ពីគេហទំព័រ៖ កោះសន្តិភាព
No comments:
Post a Comment
yes