ដុំសាច់ទំងន់៩០គីឡូរបស់បុរសវៀតណាមម្នាក់នឹងត្រូវធ្វើ ការកាត់ចេញ

 បុរសម្នាក់ដែលត្រូវបានដុំសាច់មួយមានទំងន់ប្រមាណ៩០គីឡូក្រាមដែលបានដុះនៅជើងខាង 

ស្តាំរបស់លោក ធ្វើអោយលោកមិនអាចដើរបាននោះ នៅពេលនេះនឹងត្រូវបានក្រុមគ្រូពេទ្យរបស់

ប្រទេសវៀតណាមធ្វើការកាត់ផ្តាច់ចេញពីជើងរបស់លោកនៅក្នុងថ្ងៃព្រហស្បត្តិ៍នេះហើយ។

ដុំសាច់ទំងន់ប្រមាណ ៩០គីឡូក្រាមដែលនឹងត្រូវធ្វើការកាត់ចេញនេះ នឹងត្រូវធ្វើការវះកាត់ដោយ

ប្រើប្រាស់រយះពេលប្រមាណ ១០ម៉ោង, ក្នុងនោះផងដែរឪកាសនៃភាពជោគជ័យគឺមានត្រឹមតែ៥០

ភាគរយតែប៉ុណ្ណោះ នេះបើតាមក្រុមគ្រូពេទ្យនៅក្នុងមន្ទីរពេទ្យ បារាំង-វៀតណាម (FV) ដែលស្ថិត

នៅក្នុងទីក្រុង ហូជីមិញ។

លោក Nguyen Duy Hai មានវ័យ ៣១ឆ្នាំ បានរស់នៅជាមួយនិងដុំសាច់ដ៏ចំលែកនេះចាប់តាំងពី

លោកមានអាយុ ៤ឆ្នាំមកម្ល៉េះ រហូតដល់លោកមានអាយុ១៧ឆ្នាំ ដុំសាច់នេះក៏ចាប់ផ្តើមរីកធំទៅៗ

 ដែលធ្វើអោយលោកមានការពិបាកនៅក្នុងការសំរាកនិងធ្វើដំណើរយ៉ាងខ្លាំង។

គួរបញ្ជាក់ផងដែរថាដុំសាច់នេះគឺជាដុំសាច់ដែលបានដុះធំជាងគេបង្អស់នៅក្នុងប្រវត្តិសាស្ត្ររបស់

ប្រទេសវៀតណាម ហើយវាក៏ជាការលំបាកនិងគ្រោះថ្នាក់ផងដែរសំរាប់ការព្យាបាលនិងការវះកាត់។

តំលៃនៃការវះកាត់នេះប្រមាណជា ២៥០លានដុង ស្មើរនិង ១,២០០០ដុល្លាដែលត្រូវបានរាប់រ៉ង

ដោយជំនួយឧបត្ថម្ភ៕

CamNews