លោក សួង សុភ័ណ្ឌ ទទួលការគំរាមសម្លាប់តាមទូរស័ព្ទ ពីមន្រ្តីជាន់ខ្ពស់ក្នុងជួររដ្ឋាភិបាល

ប្រធានគណកម្មាធិការប្រតិបត្តិចលនាយុវជន សម រង្ស៊ី និងជាសកម្មជនការពារសិទ្ធិមនុស្ស និង ដីធ្លី ដ៏ឆ្នើមលោក សួង សុភ័ណ្ឌ ត្រូវបានជនមិនស្គាល់មុខគំរាមបាញ់សម្លាប់ប្រសិនបើមិនបញ្ឈប់ សកម្មភាពរបស់ខ្លួន ។

ការគំរាមបាញ់សម្លាប់លោក សួង សុភ័ណ្ឌ ពីសំណាក់ជនមិនស្គាល់មុខនេះគឺបានធ្វើឡើងកាល ពីយប់ម៉ោង១០និង១៥នាទី ថ្ងៃទី០៨ ខែមិថុនា ឆ្នាំ២០១២ តាមរយៈប្រព័ន្ធទូរស័ព្ទ ដែលជាប្រ ភេទ​​លេខទូរស័ព្ទហៅចូលគ្មានលេខ ដែលហៅជាភាសារបរទេសថា « ប្រាយវ៉េតណាំប័រ » ជាមនុស្សប្រុស ដោយជនមិនស្គាល់មុខនោះបានប្រាប់ថា រូបគេគឺជាថ្នាក់ដឹកនាំជាន់ខ្ពស់នៅ ក្នុង​ជួររដ្ឋាភិ​បាល​គណ​បក្សប្រជាជន ហើយគេថាប្រសិនបើលោក សួង សុភណ្ឌ មិនព្រមបញ្ឈប់ សកម្មភាពរបស់​លោកក្នុងការការពារសិទ្ធិមុស្ស ដីធ្លី និងនយោបាយទេ គេនិងបាញ់សម្លាប់​លោក​ចោលក្នុងរយៈ​ពេលខ្លីខាងមុខនេះ ។

លោក សួង សុភ័ណ្ឌ បានបន្តរទៀតថា ក្នុងករណីដែលថ្នាក់ដឹកនាំជាន់ខ្ពស់របស់គណបក្សប្រជា ជនទូរស័ព្ទគំរាមបាញ់សម្លាប់ ប្រសិនបើលោកមិនបញ្ឈប់សកម្មភាពរបស់លោកដែលកំពុង តែ​ធ្វើជារៀងរាល់ថ្ងៃនេះគឺបន្ទាប់ពីលោកបានធ្វើដំណើរទៅតំបន់បឹងកក់ កាលពីល្ងាចនៃទី០៨ ខែមិថុនា ឆ្នាំ២០១២ ក្នុងគោលបំណងដើម្បីទៅពិនិត្យមើលពីជីវភាព និងការរស់នៅរបស់ប្រជា ពលរដ្ឋតំបន់បឹងកក់ ដែលត្រូវទទួលរងនូវការរំលោភយកដីធ្លី និងបូមខ្សាប់ពន្លិចពីសំណាក់ក្រុម ហ៊ុន ស៊ូកាគូអ៊ីន របស់មេឈ្មួញ ឡាវ ម៉េងឃីន ដែលមានរយះពេលជិត៥ឆ្នាំហើយ ដែលមិនទាន់ មានដំណោះស្រាយណាមួយឲ្យបានសមរម្យជូនដល់ពួកគាត់នោះ ។

ការគំរាមបាញ់សម្លាប់លោក សួង សុភ័ណ្ឌ ពីសំណាក់ថ្នាក់ដឹកនាំជាន់ខ្ពស់របស់រដ្ឋាភិបាល គឺ បន្ទាប់ពីសកម្មភាពរបស់លោក សួង សុភ័ណ្ឌ មានភាពផុសផុលនៅតាមបណ្តាលខេត្ត-ក្រុង និង តំបន់ដែលមានជំលួសដីធ្លីជាមួយនិងក្រុមហ៊ុន រួមជាមួយនិងឈ្មួញទុច្ចរឹតនោះ អ្វីដែលសំខាន់ ជាងនេះទៅទៀត គឺសកម្មភាពនៃការដឹកនាំយុវជនរបស់លោក សួង សុភ័ណ្ឌ នៅក្នុងគណបក្ស សម រង្ស៊ី គឺមានប្រជាប្រិយភាពជាទីបំផុត ធ្វើឲ្យយុវជនគ្រប់មជ្ឈដ្ឋានបាននាំគ្នាមកចូលរួមជា​មួយ​និងគណបក្ស សម រង្ស៊ី ។ ព្រោះយុវជន គឺជាកម្លាំងស្នូលដ៏រឹងមាំសម្រាប់ធ្វើការ​ផ្លាស់​ប្តូរ​រដ្ឋ​

អំណាចបច្ចុប្បន្ននេះបាន ។ ហើយលោក សួង សុភ័ណ្ឌ ក៏បានបង្ហើបប្រាប់ផងដែរថា លោកមាន

គំរោងក្នុងការបណ្តុះបណ្តាលយុវជន ភាពជាអ្នកដឹកនាំនៅតាមបណ្តាខេត្ត-ក្រុង និងរាជ​ធានី​ទូ​ទាំងប្រទេស នៅពេលឆាប់ៗខាងមុខនេះផងដែរ ហេតុដូចនេះហើយ បានជាពួគគេមានការភ័យ​ខ្លាច ពីសន្ទុះគាំទ្ររបស់យុជនមកលើគណបក្ស សម រង្ស៊ី ទើបបានជាជនមិនស្គាល់មុខ ដែល​ប្រាប់​​ថាខ្លួន​ជាថ្នាក់ដឹកនាំជាន់​ខ្ពស់ ​ក្នុងជួររដ្ឋាភិបាលនោះ ធ្វើការគំរាមបាញ់សម្លាប់លោក បែប​នេះប្រសិនបើជាលោកមិនបញ្ឈប់សកម្មភាពរបស់ខ្លួននោះ ។

ជាមួយនិងការគំរាមបាញ់សម្លាប់នេះលោក សួង សុភ័ណ្ឌ ដែលជាសកម្មជនដ៏ឆ្នើមរបស់គណ បក្ស សម រង្ស៊ី និងជាសកម្មជនកាពារសិទ្ធិមនុស្ស និងដីធ្លី លោកបានដាក់ពាក្យបណ្តឹងទៅអង្គ ការសហប្រជាជាតិដែលមានមូលដ្ឋាននៅទីក្រុង ញូយ៉ក សហរដ្ឋអាមេរិកហើយផងដែរ ក្រោម ការជួយជ្រុំជ្រែងគ្រប់បែបយ៉ាងពីសំណាក់អតីតសកម្មជនការពារព្រៃឈើ របស់អង្គការ « ក្លូបល​វីណេស » ដើម្បីឲ្យអង្គការសហប្រជាជាតិដាក់សម្ពាធមកលើរដ្ឋាភិបាលរបស់លោក ហ៊ុន សែន ព្រោះ​រដ្ឋា​ភិ​បាលរបស់លោក ហ៊ុន សែន សព្វថ្ងៃនេះគឺពោពេញទៅដោយការប្រព្រឹត្តិអំពើឃោ​ឃៅ​ព្រៃផ្សៃ មកលើប្រជាពលរដ្ឋ  រួមជាមួយនិងការដាក់ពាក្យបណ្តឹងដទៃទៀតរបស់លោកក្នុ​ង​ករណីដែល​អាជ្ញាធររបស់លោក ហ៊ុន សែន បានប្រើអំពើហឹង្សាមកលើរូបលោកនាពេលកន្លង​មក និងមួយទៀតគឺលោក​បានស្នើ​សុំ​អន្តរាគមន៏ពីសំណាក់អង្គការសហប្រជាជាតិ សូមជួយ​ដោះ​លែងប្រជាពលរដ្ឋ​តំបន់បឹងកក់​ចំនួន​១៥នាក់ ដែលកំពុងតែជាប់ឃុំនៅពន្ធនាគារព្រៃស ក្នុងរឿង​ជម្លោះដីធ្លីជាមួយនិងក្រុមហ៊ុន ស៊ូកាគូអ៊ីន របស់មេឈ្មួញ ឡាវ ម៉េងឃីន ។

គួររំលឹកជូនផងដែរថា កាលពីថ្ងៃទី០៦ ខែមិថុនា ឆ្នាំ២០០៩ រដ្ឋាភិបាលរបស់លោក ហ៊ុន សែន បានប្តឹងចោទប្រកាន់លោក សួង សុភ័ណ្ឌ ពីបទបរិហាកេរ្តិ៏ និងជេរប្រមាទដោយកាលនោះលោក បានសរសេរអក្ស២ឃ្លា ក្នុងការតវ៉ាជាមួយនិងប្រជាពលរដ្ឋ ដែលមានខ្លឹមសារថា «ប្រឆាំងជា​មួយ​​និងគោលនយោបាយផ្តាច់ការ» និងមួយទៀតមានខ្លឹមសារថា «ពលរដ្ឋរងគ្រោះ ព្រោះរដ្ឋាភិបាល​ថោកទាបនិងក្រុមហ៊ន» ហើយពេលនោះភ្លាមៗអាជ្ញាធរក្រុងភ្នំពេញ បានចាប់ខ្លួនលោក ទៅឃុំ​ នៅស្នងការនគរបាលរាជធានីភ្នំពេញចំនួន២ថ្ងៃ បន្ទាប់មក បានយករូបលោកមកកាត់​ទោសនៅ​សាលាដំបូងរាជធានីភ្នំពេញ ដោយតុលាការបានចោទប្រកាន់លោកពីបទ បរិហាកេរត្តិ៏ និងជេរ​ប្រមាទដោយតម្រូវឲ្យលោកបង់ប្រាក់ចំនួន៥លានរៀល ទៅភាគីខាងរដ្ឋាភិបាល ។ ករណីមួយ​ទៀតកាលពីថ្ងៃទី២៨ ខែតុលា ឆ្នាំ២០១០ កងកម្លាំរាជធានីភ្នំពេញ បានវាយយ៉ាង​សង្គប់មកលើ​រូប​លោកនៅមុខមន្ទីរពេទ្យខ្មែរ-សូវៀត រួមជាមួយនិងការចាប់ឃុំខ្លួន​មួយរយៈ​នៅក្នុងការ​អញ្ជើញ​មកបំពេញទស្សនកិច្ចរបស់លោក បាន គីមូន អគ្គលេខាធិ​​ការអង្គការសហ​ប្រជាជាតិ ក្នុងការ

ដែលលោកអញ្ជើញទៅការពារប្រជាពលរដ្ឋតំបន់បឹងកក់ដែលបានយកញត្តិទៅដាក់ជូនលោក

បាន គីមូន អគ្គលេខាធិការអង្គការសហប្រជាជាតិ ឲ្យជួយ​ដោះស្រាយជម្លោះដីធ្លី​របស់ប្រជាពល

រដ្ឋ និងក្រុមហ៊ុន ។ និងករណីមួយទៀតកាលពីថ្ងៃទី១៦ ខែកញ្ញា ឆ្នាំ២០១១ ក្នុងខណះដែល

លោកចុះទៅជួយការពារប្រជាពលរដ្ឋដែលត្រូវបានកម្លាំងក្រុមហ៊ុន ស៊ូកាគូអ៊ីន ឈូសបំផ្លាញ​ផ្ទះ​ប្រជាពលរដ្ឋចំនួន៨ល្វែង ដោយសុំឲ្យមានការចរចារជាមុនសិន មុននិងមានការ​ឈូសបំផ្លាញ​ផ្ទះ​ប្រជាពលរដ្ឋបែបនេះ តែមិនបានប៉ុន្មានផងក្នុងការដែលលោកចុះអន្តរាគមន៏ ក៏ស្រាប់តែ​ត្រូវបាន​កងកម្លាំងរបស់លោក ហ៊ុន សែន អាជ្ញាធរក្រុងភ្នំពេញ បានវាយធ្វើបាបលោកយ៉ាងចាស់ដៃ ធ្វើ​សន្លុបស្តូកស្តឹងនៅក្នុងថ្លុកឈាម ទទួលរងរបួសពេញខ្លួនប្រាណ និងក្បាលយ៉ាងដំណុំ ។

ទង្វើដែលអាជ្ញាធរក្រុងភ្នំពេញបានធ្វើមកលើលោក សួង សុភ័ណ្ឌ ត្រូវបានមន្រ្តីអង្គការ​សង្គមស៊ី​វិល​ថា ជាទង្វើព្រៃផ្សៃ ឃោរឃៅ និងអមនុស្សធម៌ខ្លាំងបំផុត ប្រការទាំងអស់នេះហើយបានជាធ្វើ ឲ្យលោក សួង សុភ័ណ្ឌ បង្ខំចិត្តត្រូវតែកសាងសុំណុំរឿងបញ្ជូនទៅអង្គការសហប្រជាជាតិនោះ ដើម្បីឲ្យមានវិធានការ និងដាក់សម្ពាធមកលើរដ្ឋាភិបាលរបស់លោក ហ៊ុន សែន ។

លោក សួង សុភ័ណ្ឌ ដែលជាសកម្មជនដ៏ឆ្នើមរបស់គណបក្ស សម រង្ស៊ី និងជាសកម្មជនការពារ សិទ្ធមនុស្ស និងដីធ្លី លោកថាបើទោះបីជាមានការគំរាមបាញ់សម្លាប់លោកចោលតាមទូរស័ព្ទ នេះក្តីក៏លោកមិនខ្លាច និងមិនញញើតចំពោះពាក្យគំរាមពីសំណាក់ជនមិនស្គាល់មុខ ដែលជា​មន្ត្រី​ជាន់ខ្ពស់របស់រដ្ឋាភិបាលលោក ហ៊ុន សែន នោះឡើយ ហើយលោក ក៏និងមិន បញ្ឈប់​សកម្មភាពរបស់លោកដែរ ហើយលោកនិងខិតខំចេញមុខការពារដីធ្លីជូនប្រជាពលរដ្ឋ និងប្រ​ឡូក​នៅក្នុងឆាកនយោបាយជាមួយនិង គណបក្ស​ សម រង្ស៊ី ដ៏ដែលមិនរាថយនិងមិនចុះញ៉ម​នោះឡើយ ។ កើតមកជាកូនខ្មែរ កើតមួយជាតិ ធាតុមួយចាន លោកស៊ូស្លាប់រស់ដើម្បីខ្មែរ ហើយ​លោកនិងធ្វើសកម្មភាពរបស់លោករហូតដល់ដង្ហើមចុងក្រោយ ដោយលោក មិនឈាន​ជើងចាក​ចេញពីប្រទេសកម្ពុជា មួយជំហ៊ានណាឡើយ បើទោះបីជាមានការផ្តល់សិទ្ធិជ្រកកោនយ៉ាងណា​ក៏ដោយ ។ ជាមួយគ្នានោះលោក សួង សុភ័ណ្ឌ ក៏បានបង្ហើបផងដែរថា លោកមានគំរោងក្នុងការ ដឹកនាំប្រជាពលរដ្ឋតំបន់បឹងកក់ជាទ្រង់ទ្រាយធំ ដើម្បីតវ៉ារកអន្តរាគមន៏បន្ថែមទៀតដើម្បីបាន ការជួយដោះលែងប្រជាពលរដ្ឋដែលជាប់ឃុំក្នុងពន្ធនាគារព្រៃស លើអ្វីដែលប្រជាពលរដ្ឋតំបន់ បឹងកក់ បានធ្វើនាពេលកន្លងមក ។

លោក សួង សុភ័ណ្ឌ ជានិច្ចជាកាលតែងតែចេញមុខការពារដីធ្លី ផ្ទះសម្បែងប្រជាពលរដ្ឋ ដែល ត្រូវបានរំលោភ និងបំផ្លាញពីសំណាក់មន្រ្តីមានអំណាចរបស់រដ្ឋាភិបាល ឈ្មួញខិលខូច និងក្រុម ហ៊ុនទុច្ចរឹត ជាមួយនិងតំណាងរាស្រ្តរបស់គណបក្ស សម រង្ស៊ី យ៉ាងផុសផល ហ៊ានតស៊ូ និងពុះ ពារគ្រប់ឧបសគ្គមិនញញើតនោះឡើយ ដែលទាំងអស់នេះគឺជាគំរូសម្រាប់យុវជន យើងត្រូវតែ ធ្វើអ្វីដើម្បីប្រយោជន៏របស់ប្រជាពលរដ្ឋទូទៅ និងប្រទេសជាតិ ហើយហ៊ានប្រឈម​រាល់គ្រប់​ឧប​សគ្គ ជំនួសរាស្រ្ត តក្តាទាំងអស់នេះហើយ អាចធ្វើឲ្យយើងឈានទៅទទួល​បានជោគជ័យ​នា​ពេល​បោះឆ្នោតថ្នាក់ជាតិឆ្នាំ២០១៣ ។ 

ជាមួយគ្នានេះអង្គការសង្គមស៊ីវិល ក៏បានធ្វើការសុំណូមពរទៅដល់ អង្គការសហប្រជាជាតិ និង​ប្រទេសម្ចាស់ជំនួយ សូមមានវិធានការ និងជួយចាត់ការជាបន្ទាន់មកលើរដ្ឋាភិបាល និង​តុលា​ការ​នៅ​ក្នុង​ស្រុកខ្មែរផង ប្រសិនបើមិនដូចនេះទេប្រជាពលរដ្ឋពិតជារស់នៅពោពេញ​ទៅដោយ​ការភ័យខ្លាច ចំពោះវប្បធម៌គ្មានទោសពៃនៅក្នុងប្រទេសកម្ពុជានេះ ៕