អាជ្ញាធរស្រុកសៀមបូក ខេត្តស្ទឹងត្រែង បើកដៃឲ្យឈ្មួញកាប់ឈើយ៉ាងរង្គៀល ដែលស្ទើតែក្លាយទៅជាវាលរហោស្ថាន

បើយោងតាមសេចក្តីរាយការណ៏ពីសកម្មជនរបស់គណបក្ស​ សម រង្ស៊ី នៅក្នុងស្រុកសៀមបូក ខេត្តស្ទឹងតែ្រង បានឲ្យដឹងថា ព្រៃឈើនៅក្នុងស្រុកសៀមបូក ​កំពុងទទួល​រង​នូវការ​​កាប់​បំផ្លាញ​យ៉ាង​រង្គាល​ដោយគ្មានការទប់ស្តាត់ពីមន្ត្រីមូលដ្ឋាន ឬរដ្ឋបាលព្រៃឈើស្រុកនោះឡើយ ។

ប្រភពព័ត៌មានពីសកម្មជនរបស់គណបក្ស​សម រង្ស៊ី បានឲ្យដឹងទៀតផងដែរថា ការកាប់ឈើនោះ គឺធ្វើឡើងដោយមានការបំផុសបំផុលប្រជាពលរដ្ឋនៅក្នុង​ភូមិ​-ឃុំ​មួយចំនួន​ស្ថិត​ក្នុង​ស្រុក​សៀម​បូក ពីសំណាក់ឈ្មួញដែលមកពីខេត្តក្រចេះ និងនៅតាមបណ្តាខេត្តផ្សេងៗមួយចំនួនទៀត ដោយ​ពួកគេ​បានញុសញ៉ុង ឲ្យប្រជាពលរដ្ឋចូល​ព្រៃ​កាប់​ឈើ​ដើម្បីយកមកលក់ឲ្យពួកគេ ដែល​ឈើទាំងនោះ គឺសុទ្ធតែជាឈើប្រណីត និងមានតម្លៃ ដូចជា​ ធ្នង់​ បេង និង នាងនួន ជាដើម ដោយគេឲ្យក្នុងតម្លៃមួយខ្ពស់ ។ ប្រពភខាងលើបានឲ្យដឹងទៀតថា មួយថ្ងៃៗប្រជាពលរដ្ឋ​រស់​នៅ​ក្នុងស្រុកសៀមបូក បាននាំគ្នាសុំរុកចូលទៅក្នុងព្រៃដើម្បីកាប់ឈើយកមកលក់ឲ្យឈ្មួញ ។ ដែល​ឥឡូវនេះ ព្រៃឈើនៅក្នុងស្រុកសៀមបូក ស្ទើរតែវិនាសហិនហោចក្លាយ​ទៅជាវាលរហោស្ថាន​អស់ទៅហើយ ហើយឡូវប្រជាពលរដ្ឋបាននាំគ្នាកាប់ឈើធំៗអស់ហើយ គឺនៅសល់​តែឈើតូច​ៗ​ប៉ុណ្ណោះ ដែលឈើតូចៗទាំងនោះក៏ពួកឈ្មួញប្រមូលទទួលទិញផងដែរ ដែលគេឲ្យតម្លៃ​ក្នុងមួយ​គោយន្តចាប់ពី២០ម៉ឺនរៀល ទៅ៣០ ម៉ឺនរៀល ឬលើសនេះបន្តិចតាមប្រភេទឈើ ដែលល្អ​និង​មិន​ល្អ ចំពោះប្រជាពលរដ្ឋដែលដឹករទេះគោ ឬរទេះក្របីក៏ដូចគ្នានេះផងដែរ ។

ប្រភពខាងលើបានឲ្យដឹងបន្តរទៀតផងដែរថា ការកាប់ឈើយ៉ាងរង្គៀល និងអាណាធិបតេយ្យ បែបនេះ គឺដោយ​មាន​កា​រ​ឃុប​ឃិត​គ្នារវាងអាជ្ញាធរមូលដ្ឋាន ​និង​ក្រុម​ឈ្មួញទាំងនោះ​ដែលជា​ឈ្មួញកណ្តាល​ បន្ទាប់ពីពួកគេទិញពីប្រជាពលរដ្ឋបានហើយ​គឺគេបានយកទៅ​ទុកនៅមាត់ច្រាំង​ទន្លេ​ក្នុង​​ស្រុក​​សៀម​បូក ​ដែលមានរាប់រយកំណាត់ឈើ ដើម្បីដឹកដឹកតាម​​​ទូក​ធំៗ ឆ្ពស់ទៅកាន់​

​ខេត្ត​ក្រចេះ ហើយពួកគេ ដឹកបន្តរទៀតយកទៅលក់ឲ្យឈ្មួញធំនៅយួន ។

ចំណែកឯមន្រ្តីអង្គការការពារព្រៃឈើបានលើកឡើងថា ជំនួញឈើ​នេះ​ពិត​ជាបាននឹងកំពុងតែ​ធ្វើ​

ការបង្វួកស្មារតីរបស់ប្រជាពលរដ្ឋនៅក្នុងស្រុកសៀមបូក ឲ្យលុងទៅនិងក្តីអន្តរាយ ដោយពួក គាត់ជាប្រជាពលរដ្ឋនៅឆ្ងាយពីទីប្រជុំជន មិនបានទទួលបានព័ត៌មានជុំវិញចំពោះការវិនាសហិន ហោចព្រៃនិងធ្វើឲ្យពួកគាត់ជួបទៅនិងបញ្ហាអ្វីខ្លះនោះ ។ ហើយរឿងកាប់ព្រៃនេះគឺពិបាក​ក្នុង​ការ​ទប់​ស្កាត់​ខ្លាំង​ណាស់ គឺ​ហាក់​បី​ដូច​វែក​ចក​នៅ​ក្នុង​បឹងយ៉ាងដូចច្នេះ​ ។ លោកថា ទាំងអស់នេះគឺ ដោយសារតែមានការបើកដៃពីសំណាក់មន្រ្តីមូលដ្ឋាន និងពុំមានការទប់ស្កាត់ពីសំណាក់រដ្ឋបាល ព្រៃឈើ ប៉ូលីស ប៉េអឹម និងស្ថាប័នដែលពាក់ពាន់ទើបការកាប់បំផ្លាញព្រៃឈើ ធ្វើឡើងយ៉ាង​​អាណាធិបតេយ្យបែបនេះ ។

មន្រ្តីអង្គការការពារព្រៃឈើនៅក្នុងស្រុកសៀមបូកបានលើកឡើងថា គេចាំមើលថាតើ លោក​ សន​ សារឿន​ ដែលជាអភិបាល​ស្រុក​សៀម​បូក​ និងចាត់វិធានការបែបណា ចំពោះការកាប់ បំផ្លាញ​ព្រៃឈើក្នុងស្រុកសៀមបូកនេះ ។ ជាមួយគ្នានោះ មន្រ្តីអង្គការការពារព្រៃឈើ បានលើក​ឡើងថា នេះដោយសារតែអសមត្ថភាពរបស់អភិបាលស្រុក ដែលមិនបាន​​ដាក់​បញ្ជាឱ្យ​ម៉ឹងម៉ាត់​​ ​បណ្តោយឲ្យករណីនេះកើតមានយ៉ាងពេលបន្ទុក សុខចិត្តសុំងំដេកចាំប្រមូលលុយពីពួក ឈ្មួញ​ទាំងនោះទៅវិញ ដែលធ្វើឲ្យឈ្មួញកាន់តែបាន​ចិត្ត​កាប់​បំផ្លាញ​ព្រៃ​ឈើ​គ្មាន​កោត​ខ្លាច​អ្វី​ ទាំងអស់ ។

លោក គីម សួរភីរិទ្ធ តំណាងរាស្រ្តរបស់គណបក្ស សម រង្ស៊ី បានលើកឡើងជុំវិញករណីនៃការ បើកដៃពីសំណាក់អាជ្ញាធរឲ្យឈ្មួញកាប់ឈើយ៉ាងអាណាធិបតេយ្យស្ទើរតែវិនាសហិនហោចអស់ ទៅហើយនៅក្នុងស្រុកសៀមបូល លោកបានលើកឡើងថា ចុងបញ្ចប់ព្រៃឈើនៅក្នុងប្រទេស​កម្ពុជាគឺត្រូវតែអស់ បើទោះបីជាមានសរាចរណ៏ណែនាំឲ្យមានការបង្ក្រាបយ៉ាងណាក៏ដោយ ក៏គ្មានប្រសិទ្ធភាពដែរ ដូចជាការវែកចកយ៉ាងដូចច្នោះ។ លោកថាកត្តាទាំងអស់នេះ គឺបណ្តាល មកពីការគ្រប់គ្រង និងការអនុវត្តច្បាប់មិនមានការយកចិត្តទុកដាក់ ជាមួយគ្នានោះ​លើកលែង​តែ​នៅក្នុងប្រទេសកម្ពុជាមានការផ្លាស់ប្តូរ គឺប្រជាពលរដ្ឋត្រូវតែគិតថាតើខ្លួននៅតែបន្តរ​ឲ្យមានការ​ដឹកនាំបែបនេះ តទៅមុខទៀតឬត្រូវតែមានការផ្លាស់ប្តូរ លោកថាប្រជាពលរដ្ឋត្រូវតែយល់ឲ្យបាន ច្បាស់ចំពោះតម្លៃនៃព្រៃឈើ ព្រោះព្រៃឈើមានតម្លៃខ្លាំងណាស់សម្រាប់យើងទាំងអស់គ្នា កុំ​ឆាប់​ចាញ់បោកឈ្មួញលួងលោមឲ្យចូលព្រៃដើម្បីកាប់ឈើលក់ទៅឲ្យគេ ។ ពេលណាអស់ព្រៃ នោះបងប្អូននៅក្នុងតំបន់ និងអស់អ្វីៗទាំងអស់ ទាំងការធ្លាប់អាស្រ័យអនុផលព្រៃឈើ រួមនិង​ការ​ធ្វើឲ្យមាន​ការប្រែប្រួលអាកាសធាតុផងដែរ បងប្អូនទទួលផលបានតែបន្តិចក្នុងការកាប់ឈើយក ទៅលក់ឲ្យឈ្មួញ តែគេវិញចាំតែទទួលទិញគេចំណេញយ៉ាងកុកក្តោង ។ ដោយលោកអំពាវនាវ ហើយអំពាវនាវទៀត សូមកុំឲ្យបងប្អូនប្រជាពលរដ្ឋឈប់កាប់បំផ្លាញព្រៃឈើ ដែលជាសម្បត្តិធន ធានធម្មជាតិដ៏មានតម្លៃរបស់ខ្លួនតទៅទៀត ហើយឈប់ចាញ់បោកពួកឈ្មួញទាំងអស់នោះ ។

សូមរំលឹកផងដែរថា លោក ហ៊ុន សែន នាយករដ្ឋមន្រ្តីរបស់ខ្មែរក៏ធ្លាប់បានធ្វើការព្រមាន និងដក​លោក ទី សុគន្ធ ដែលជាប្រធានរដ្ឋបាលព្រៃឈើចេញពីដំណែងផងដែរ ដោយលោក ទី សុគន្ធ គ្មានសមត្ថភាពក្នុងការបង្ក្រាបបទលើសព្រសឈើឲ្យមានប្រសិទ្ធភាព ហើយបានឲ្យលោក ឆេង គឹមស្រ៊ុន គ្រប់គ្រងតំណែងជំនួសលោក ទី សុគន្ធវិញ ។ តែមន្រ្តីការពារព្រៃឈើ និងមជ្ឈដ្ឋានទូ ទៅបានលើកឡើងថា ការដកលោកទី សុគន្ធ ចេញពីដំណែងវាហាក់បីដូចជាយឺតពេលបន្តិចទៅ ហើយ ព្រោះព្រៃឈើមួយចំនួនធំនៅតាមតំបន់ផ្សេងៗនោះបានកាប់បំផ្លាញអស់ទៅហើយផង ដែល ហើយការដកលោក ទី សុគន្ធ នោះក៏មិនបានធ្វើការដាក់ទោសទាន់ចំពោះលោក ទី សុគន្ធ នោះទេ ក្នុងការគ្រប់គ្រង់របស់ខ្លួនដែលធ្វើឲ្យព្រៃឈើហិនហោចនោះ តែផ្ទុយទៅវិញលោក ហ៊ុន សែន បានថែមទាំងតំឡើងឋានះលោក ទី សុគន្ធ ឲ្យឡើងធំថែមទៀត ។ ដោយពួកគេបាន លើក​ឡើងថា ការធ្វើរបៀបនេះរបស់លោក ហ៊ុន សែន គ្រាន់តែជាការល្អមើលតែប៉ុណ្ណោះ ក្នុង ការ​បោក​ប្រាស់ពីក្រសែភ្នែករបស់ប្រជាពលរដ្ឋ ពួកគាត់ថាសូម្បីតែលោក ហ៊ុន សែន ខ្លួនឯង ផ្ទាល់​ក៏ធ្លាប់បានធ្វើការសន្យាផងដែរថា ប្រសិនណាលោកទប់ស្កាត់ការកាប់បំផ្លាញព្រៃឈើនេះ មិន​បាននោះទេ លោកហ៊ានកាត់ក្បាលលោកក្រវិតចោលថែមទៀតផង ។ តែជាលទ្ធផល ព្រៃឈើ​នៅ​ក្នុងស្រុកខ្មែរគឺនៅតែរលាយអស់ដ៏ដែល ដូចជាអំពិលត្រូវទឹកយ៉ាងដូចច្នោះ ។

ដូចនេះមានតែការចូលរួមរបស់ប្រជាពលរដ្ឋ ជាមួយនិងគណបក្ស សម រង្ស៊ី ទេទើបអាចធ្វើការ ទប់ស្កាត់ការកាប់បំផ្លាញព្រៃឈើរបស់យើងបាន បើទោះបីជាមានការយឺតមួយជំហ៊ានក៏ដោយ ហើយនៅថ្ងៃទី២៨ ខែកក្កដា ឆ្នាំ២០១៣ សូមបងប្អូនប្រជាពលរដ្ឋទាំងអស់បោះឆ្នោតគាំទ្រគណ បក្ស សម រង្ស៊ី ដើម្បីគណបក្ស សម រង្ស៊ី ធ្វើការទប់ស្កាត់ការកាប់បំផ្លាញព្រៃឈើពីសំណាក់ ឈ្មួញខិលខូចទាំងនេះ ៕