ករណីលោកស្រី ប្រាក់ ណារី មន្រ្តីក្រសួងអប់រំ កិបកេងលុយគំរោងមូលនិធិអង្គការ យូនិសេស ជាង១ម៉ឺនដុល្លា នៅមិនទាន់មានចំណាត់ការ

លោក​ស្រី ​ប្រាក់ ណារី ដែលជាអនុប្រធាននាយក​ដ្ឋាន​រដ្ឋ​បាល​​នៃ​ក្រសួង​អប់រំ យុវជន និង​កីឡា​ កាលពីពេលកន្លងមកត្រូវ​បានបុគ្គលិក​ក្រសួងអប់រំ យុវជន និងកីឡា បានធ្វើការចោទ​ប្រកាន់​ពី​បទ​កិប​កេង​យក​ថវិកា​គំរោង​មូនិធិ​របស់​អង្គការ​ យូនី​សេស​ ជាង​​១​ម៉ឺន​ដុល្លារ ក្នុង​ឆ្នាំ​២០១០ ។

សូមជំរាបថា ការបែបធ្លាយនូវរឿងអាស្រូវរបស់អនុប្រធាននាយកដ្ឋានរដ្ឋបាលនៃក្រសួងអប់រំ យុវជន និង​កីឡា លោកស្រី ប្រាក់ ណារី គឺបន្ទាប់ពីបុគ្គលិករួមអាជីពមិនអាចឈរឱបដៃ​មើល​នូវ​ភាព​អយុត្តិ​ធម៌ ដែលលោកស្រី ប្រាក់ ណារី បានប្រព្រឹត្តិអំពើពុករលួយបែបនេះ ហើយលោកស្រី ប្រាក់ ណាវី ក៏មិននឹកស្មានផងដែរថាថវិការដែលខ្លួនបានកឹមកេងនោះ ត្រូវបានគេដឹងនិងបែក ធ្លាយបែបនេះនោះទេ ។ ថវិការដែលលោកស្រី ប្រាក់ ណារី ធ្វើការកឹមកេងជាង១ម៉ឺនដុល្លានោះ គឺជាថវិការដែលទទួលបានពីអង្កការ យូនីសេស ដែលគឹបានជួយ មកវិស័យអប់រំ នៅក្នុងប្រទេស​កម្ពុជា​ចំនួន១២០លាននិង៣ម៉ឺនដុល្លា សំរាប់​នាយក​ដ្ឋាន​រដ្ឋបាល​របស់ក្រសួង​អប់រំ យុវជន និង​កីឡា ក្នុងកម្ម​វិធី​ « បណ្តុះ​បណ្តាល​សមត្ថ​ភាព​គ្រប់​គ្រង​គ្រូ » ។

គួរជំរាបផងដែរថាកាលណោះលោក​ស្រី​ ប្រាក់ ណារី ​ដែល​ជា​អ្នក​គំរោង​ បាន​រៀប​ចំ​សិក្ខា​សាលា​មួយ​ស្តី​ពី​កម្មវិធី « ​បណ្តុះ​បណ្តាល​សមត្ថ​ភាព​គ្រប់​គ្រង​គ្រូ » សំរាប់​គ្រូ​ក្នុង​ខេត្ត​-ក្រុង​ចំនួន​ប្រាំ ដែលរួមមាន រាជ​ធានី​ភ្នំពេញ​ ខេត្តតាកែវ ខេត្តពោធិ៍​សាត់ ខេត្តកោះ​កុង​ និង ខេត្ត​ស្ទឹង​ត្រែង។​ដែលតាម​គំរោង គឺសិក្ខាសាលា​នោះត្រូវមានចំនួនបីលើក​ ដែល​តម្រូវឲ្យមនា​សិក្ខាកាមចូល​រួម​

ទាំង​អស់​ចំនួន៩០​នាក់ សំរាប់​សិក្ខា​សាលា​បណ្តុះ​បណ្តាល​នីមួយ​ៗ​ ។ ​ប៉ុន្តែ​តាម​ការ​អនុវត្ត​ជាក់​ស្តែងលោក​ស្រី​ ប្រាក់ ​ណារី បាន​រៀប​ចំ​តែ​ពីរ ​សិក្ខា​សាលា​និង​មានសិក្ខាកាម​ចូល​រួម​តែ​៦០​នាក់​ប៉ុណ្ណោះ គឺធ្វើផ្ទុយទៅនិងគំរោងមូនិធិរបស់អង្គការ យូនីសេស ដែលបានផ្តល់មកឲ្យ ហើយ

លោក​ស្រី ប្រាក់ ណារី យកប្រាក់ដែលកឹមកេងទាំងនោះ​ដាក់ក្នុងហោប៉ាវ របស់ខ្លួនធ្វើព្រងើយ

ដោយលោកស្រី ប្រាក់ ណារី មិននឹកស្មានថាគ្មានអ្នកណាដឹងរឿងរបស់ខ្លួន ក្នុងការប្រព្រឹត្តអំពើ​ពុករលួយ ប្រាក់ដែលជាជំនួយរបស់ អង្គការ យូនីសេស បែបនេះនោះ ។

ទង្វើរបស់អនុប្រធាននាយក​ដ្ឋាន​រដ្ឋ​បាល​​នៃ​ក្រសួង​អប់រំ យុវជន និង​កីឡា លោកស្រី ប្រាក់ ណា រី ខាងលើនេះគឺត្រូវបានលោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យបាន​ធ្លាប់បាន​លើកឡើងថា ជាការធ្វើខុសទៅនិងច្បាប់ ហើយអ្នកដែលបានប្រព្រឹត្តអំពើពុករលួយ​កិបកេង​ថវិការមូលនិធិ​បែបនេះត្រូវតែធ្វើការផ្តន្ទាទោស ទៅតាមច្បាប់ ។

ដូចនេះលោក អ៊ឹម សុទ្ធី ដែលជារដ្ឋមន្រ្តីក្រសួងអប់រំ យុវជន និងកីឡា ត្រូវតែចាត់វិធានការចំ ពោះកូនចៅរបស់ខ្លួនគឺលោកស្រី ប្រាក់ ណារី នេះទៅតាមផ្លូវច្បាប់ដើម្បីកុំឲ្យមានទង្វើអាក្រក់ ពុករលួយបែបនេះនៅក្នុងក្រសួងអប់រំ យុវជន និងកីឡាទៀត ។ ព្រោះថវិការជំនួនរបស់អន្តរជាតិ គឺគេធ្វើឡើងដើម្បីបំពេញបន្ថែម នូវចំណេះវិជ្ជាជូនលោកគ្រូ-អ្នកគ្រូ កម្ពុជាឲ្យមានចំណេះ និង មានការអវិវឌ្ឍន៏ខ្លួនដើម្បីបំរើសសង្គម និងផ្តល់ចំណេះដឹងទាំងនេះទៅដល់យុវសិស្ស ព្រោះ យុវសិស្ស គឺជាទំពាំងស្នងឬស្សី ។

ជាមួយគ្នានោះលោក រ៉ុង ឈុន ក៏បានលើកឡើងផងដែរថា ប្រទេសកម្ពុជា​គឺមានច្បាប់ប្រឆាំង​ទៅនិង​អំពើ​ពុករលួយ ដែលត្រូវបានអនុម័តដោយរដ្ឋសភារួចហើយនោះ ត្រូវតែយកមកអនុវត្តន៏ មកលើលោកស្រី ប្រាក់ ណារី ទៅតាមច្បាប់ដែលបានចែង ។

លោក រ៉ុង ឈុន ក៏បានបន្តរទៀតផងដែរថា ប៉ុន្តែផ្ទុយទៅវិញប្រសិនបើជាមិនបានយកជន ដែល​ប្រព្រឹត្តអំពើពុករលួយយកទៅផ្តន្ទាទោសនោះទេ ហើយថែមទាំងមានការការពារជននោះទៀត នោះវាគឺជារឿងមួយអាក្រក់បំផុតសម្រាប់សង្គមកម្ពុជារបស់យើង ហើយយើងនិងមិនអាច បោស​សំអាតអំពើពុករលួយនៅក្នុងសង្គមកម្ពុជាបានទេ ជាមួយគ្នានោះគេក៏មិនអាចធ្វើការកែលំអរប្រ​ព័ន្ធអប់រំនៅកម្ពុជាបានផងដែរ ប្រសិនបើជាយើងរកឃើញជនដែលប្រព្រឹត្តអំពើពុករលួយហើយ មិន​ត្រូវបានយកទៅផ្តន្ទាទោសទៅតាមច្បាប់នោះ ។ វាជាការពិតដូចនេះដើម្បី កុំឲ្យមានការរិះ​គន់​ជុំទិសនោះ អង្គភាពប្រឆាំងអំពើពុករលួយដែលមានលោក ឱម យិនទៀង ជា​ប្រធានកុំនៅ​ដេក​អេះពោះ ធ្វើហីដល់ណាទៀតគួរតែបញ្ចេញសាច់ដុំរបស់ខ្លួន ធ្វើការបង្ក្រាប ស៊ើប​អង្កេត និង​តាម​ដាន់ស្រាវជ្រាវករណីអនុប្រធាននាយក​ដ្ឋាន​រដ្ឋ​បាល​​នៃ​ក្រសួង​អប់រំ យុវជន និង​កីឡា​ដែល​បាន​ប្រព្រឹត្តអំពើពុករលួយកឹបកេងថវិការមូនិធិរបស់អង្គការ យូនីសេស ដែលមានទឹកប្រាក់​ចំនួន​១ម៉ឺន​ដុល្លានេះឲ្យបានដិតដល់ និងឲ្យមានប្រសិទ្ធភាពបំផុត ។

លោក រ៉ុង ឈុន ក៏បានថ្លែងប្រាប់អ្នកយកព័ត៌មានរបស់យើងឲ្យដឹងទៀតផងដែរថា គ្រូបង្រៀន គ្រប់គំរិតគឺចាំបាច់ណាស់ត្រូវតែទទួលបានការអប់រំបន្ថែម ដើម្បីឲ្យពួកគាត់ក្រេបយកចំណេះទាំង អស់នេះយកទៅបំរើក្នុងវិស័យអប់រំ ព្រោះនៅក្នុងពិភពលោកក៏ដូចជានៅក្នុងតំបន់ ប្រព័ន្ធអប់ រំ​ត្រូវមានការកែលំអរ និងផ្តល់ចំណេះថ្មីៗជាបន្តរបន្ទាប់ ហើយបើសិនជានៅកម្ពុជារបស់យើង យើង​មិនបានធ្វើការកែលំអរ និងផ្តល់ចំណេះដឹងថ្មីៗដល់គ្រូបង្រៀន ក៏ដូចជារបៀបគ្រប់គ្រង នោះ គឺការអប់រំនៅក្នុងប្រទេសកម្ពុជាយើងក៏មិនមានការផ្លាស់ប្តូរពីស្ថានភាពបច្ចុប្បន្នឆ្ពោះទៅ​ស្ថានភាពមួយដែលល្អ ហើយដើរទាន់បណ្តាប្រទេសក្នុងតំបន់ក៏ដូចជាបណ្តាប្រទេស​នៅលើ​ពិភពលោក ។ ជាការពិតចំណេះដឹងគឺមានសារសំខាន់ខ្លាំងណាស់សម្រាប់មនុស្សគ្រប់រូប ព្រោះ​ចំណេះដឹងគឺជាផ្លូវ សម្រាប់ត្រួសត្រាយនាំជីវិតរបស់មនុស្សទៅរកភាពជោគជ័យ អភិវឌ្ឍន៏ និង​រីកចំរើន ។ ល្គិះណាធនធានមនុស្សនៅក្នុងប្រទេសនោះពោពេញទៅដោយអ្នកចេះដឹង មាន​ជំនាញ​គ្រប់ប្រភេទ និងធ្វើឲ្យប្រទេសនោះមានភាពរុងរឿង ជឿនលឿន សង្វាក់ផលិតកម្ម​គ្រប់​ប្រភេទនិង ទទួលបានភាពជោគជ័យ ។ 

ដូចនេះសូមអង្គភាពប្រឆាំងអំពើពុករលួយរបស់លោក ឱម យិនទៀង សូមចុះធ្វើការឲ្យមាន​ប្រសិទ្ធ​ភាពខ្ពស់ក្នុងករណីអនុប្រធាននាយក​ដ្ឋាន​រដ្ឋ​បាល​​នៃ​ក្រសួង​អប់រំ យុវជន និង​កីឡា លោកស្រី ប្រាក់ ណារី ដែលបានកិបកេងប្រាក់មូលនិធិរបស់អង្គការ យូនីសេស ចំនួន១ម៉ឺនដុល្លា ឲ្យបានឆាប់ជាទីបំផុត កុំទុកពន្យាពេលដល់ណាទៀត ។

ដូចនេះហើយបានជាគណបក្ស សម រង្ស៊ី បានធ្វើការយកចិត្តទុកដាក់ខ្ពស់ចំពោះវិស័យអប់រំនេះ គឺគណបក្ស សម រង្ស៊ី មានគោលការច្បាស់លាស់ក្នុងការតំឡើងប្រាក់បៀវត្តន៏ជូនលោកគ្រូ អ្នក​គ្រូ ឲ្យបានយ៉ាងតិចចំនួន១លានរៀល ដើម្បីឲ្យលោកគ្រូ អ្នកគ្រូ មានជីវភាពរស់នៅបានសម​រម្យ មានការយកចិត្តទុកដាក់ខ្ពស់ក្នុងការបង្ហាត់បង្រៀនយុវសិស្សរបស់យើង ដើម្បីឲ្យកូនខ្មែរទទួល បានចំណេះដឹងជ្រៅជ្រះ ដូចជាបណ្តាប្រទេសដ៏ទៃៗទៀត ហើយសំខាន់គឺដើម្បីធ្វើការកាត់ផ្តាច់ នូវអំពើពុករលួយតែម្តង ។ ដោយមិនចាំបាច់ឲ្យមានអំពើពុករលួយនៅក្នុងសង្គមក្រោមជំនួយ ផ្សេងៗ ក្នុងការផ្តល់គ្រប់ស្ថាប័ន ក្រសួង មន្ទីរ ជាពិសេសគឺក្រសួងអប់រំតែម្តង ។