លោក សម រង្ស៊ី ស្នើឲ្យលោកស្រី ហ៊ីឡារីគ្លីនតុន បកស្រាយរឿងផែនទីដែលទាហាន សហរដ្ឋអាមេរិកបានប្រើនៅពេលធ្វើសង្គ្រាមជាមួយយួន ព្រោះលោកមិនបានក្លែងផែនទីនោះទេ !

ប្រជាពលរដ្ឋខ្មែរដែលជាអ្នកស្នេហាជាតិ អ្នកស្រលាញ់ទឹកដី គឺនៅចាំមិនភ្លេចនោះទេ ចំពោះវីរ ភាពដ៏អង់អាចក្លាហារបស់លោក សម រង្ស៊ី ក្នុងការការពារបូរភាពទឹកដីកម្ពុជា ពីការរំលោភឈ្លាន ពានពីសំណាក់រដ្ឋាភិបាលក្រុងហាណូយ ដែលបានឃុបឃិតគ្នាលួចបោះបង្គោលព្រំដែនស្ងាត់ៗ ជាមួយនិងរដ្ឋាភិបាលរណបក្នុងភ្នំពេញ ដែលបានរំលោភចូលមកក្នុងបូរណៈភាពទឹកដីកម្ពុជា នោះ ។

សូមរំលឹកថាកាលពីថ្ងៃទី២៥ ខែតុលា ឆ្នាំ២០០៩ លោក សម រង្ស៊ី នៅក្នុងពិធីអង្ហែរអង្គកឋិនទាន ចូលទៅវត្តអង្គតាម៉ិញ ស្ថិតនៅក្នុងភូមិកោះក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង គឺបានទទួលការប្តឹងផ្តល់ និងទទូចយ៉ាងសន្ធាប់ពីសំណាក់ប្រជាពលរដ្ឋម្ចាស់ដី ដែលត្រូវទទួល រងគ្រោះពីសំណាក់រដ្ឋាភិបាលខ្មែរ និងរដ្ឋាភិបាលក្រុងហាណូយ ដែលធ្វើការបោះ​បង្គោល​ព្រំ​ដែន​ចូលដីស្រែរបស់ពួកគាត់ ដែលមិនអាចឲ្យពួកគាត់ធ្វើស្រែបាននោះ ។

ក្នុងនាមជាអ្នកតំណាងរាស្រ្ត តំណាងឲ្យជាតិខ្មែរលោក សម រង្ស៊ី បានចេញអន្តរាគមន៏ភ្លាមៗជួយ ប្រជាពលរដ្ឋ ដោយលោកបានទៅពិនិត្យដល់កន្លែងតំរុយបង្គោលព្រំដែនកម្ពុជា-យួន ថាពិតជា បានបោះចូលដីខ្មែរ និងលើដីស្រែរបស់ប្រជាកសិករពិតមែន និងរំលោភចូលមកលើទឹកដីរបស់ កម្ពុជា ដោយមិនបង្អង់យូលោក សម រង្ស៊ី ក៏បានធ្វើការដកចោលនូវតំរុយបង្គោលព្រំដែនលេខ ១៨៥ នោះចោលតែម្តង ។

តាមរយៈការដកចោលបង្គោលឈើដែលរដ្ឋាភិបាលកម្ពុជានិងរដ្ឋាភិបាលយួនបានបោះនោះ លោក សម រង្ស៊ី បានហៅថាជាបង្គោលឈ្លានពានមិន បន្ទាប់មកមិនបានប៉ុន្មានថ្ងៃលោក សម រង្ស៊ី ត្រូវបានអាជ្ញាធរខ្មែរ តាមការបង្គាប់បញ្ជារបស់រដ្ឋាភិបាលក្រុងហាណូយ បានប្រើតុលាការ​របស់ ខ្មែរ ចោទប្រកាន់លោកពីបទបំផ្លិចបំផ្លាញទ្រព្យសម្បត្តិសាធារណៈ ពីបទរើសអើងពូជ​សាសន៏ ក្លែងបន្លំឯកសារ ក្លែងផែនទី ជាដើម ។ ដែលកាត់ឲ្យលោក សម រង្ស៊ី មានទោស​ យ៉ាង​ហោចណាស់ចំនួន១០ឆ្នាំ និងពិន័យជាប្រាក់ជាច្រើនលានរៀល ។

បើទោះបីជាលោក សម រង្ស៊ី មានភស្តុតាង ផែនទីពិតប្រាកដ យកមកធ្វើការបង្ហាញ និងមានអ្នក​ជំនាញធ្វើការសិក្សាបកស្រាយបញ្ជាក់ពីភាពត្រឹមត្រូវ និងគ្មានកំហុសរបស់លោក សម រង្ស៊ី ក៏ដោយ ក៏តុលាការមិនខ្ចីខ្វល់ពីអ្វីទាំងអស់គឺគេដឹងតែម្យ៉ាងធ្វើយ៉ាងណា ចាប់លោក សម រង្ស៊ី ដាក់ពន្ធនាគារ និងពិន័យជាប្រាក់តាមការបង្គាប់បញ្ជាពីរដ្ឋាភិបាលក្រុងហាណូយ ។

សូមជំរាបថាផែនទីដែលលោក សម រង្ស៊ី យកមកប្រើប្រាស់ដែលជាផែនទីត្រឹមត្រូវនិងពិតប្រា កដជាក់ច្បាស់ តែត្រូវ បានគេធ្វើការបដិសេធ ដោយរដ្ឋាភិបាលសព្វថ្ងៃ​ក្នុងចេតនាកំចាត់រូប​លោក​ សម រង្ស៊ី ចេញពីឆាកនយោបាយ ។ ក៏ប៉ុន្តែទោះជាយ៉ាងណាក៏ដោយ ក៏លោក សម រង្ស៊ី និងអ្នកជំនាញជាច្រើនទៀត នៅតែធ្វើការអះអាងថា វាជាផែនទីដ៏ត្រឹមត្រូវតាម​និយាមការ​អន្តរ​ជាតិ ដែលក្នុងនោះមានទាំងផែនទី ដែលត្រូវបានប្រើប្រាស់ដោយកងទ័ពសហរដ្ឋអាមេរិក កាលពីអំឡុងសម័យសង្គ្រាមជាមួយនិងយួនថែមទៀតផង ។

សូមជំរាបថាស្របពេលដែលលោក ហោ ណាំហុង ឧបនាយករដ្ឋមន្រ្តី រដ្ឋមន្រ្តីក្រសួងការបរទេស ក្នុងដំណើរអញ្ជើញទៅជួបជាមួយនិងលោកស្រី ហ៊ីឡារីគ្លិនតុន រដ្ឋមន្រ្តីក្រសួងការបរទេសសហ រដ្ឋអាមេរិក នៅទីក្រុងវ៉ាស៊ីនតោន សហរដ្ឋអាមេរិក លោក សម រង្ស៊ី បានស្នើសុំឲ្យរដ្ឋមន្រ្តីក្រសួង ការបរទេសសហរដ្ឋអាមេរិក ធ្វើការបកស្រាយប្រាប់ទៅលោក ហោ ណាំហុង រឿងគំនូសផែនទី កម្ពុជា គូសដោយសហរដ្ឋអាមេរិក ដែលត្រូវបានប្រើប្រាស់ដើម្បីបង្ហាញបន្ទាត់ព្រំដែនរបស់ខ្មែរ​កាលពីអំឡុងសង្គ្រាមជាមួយនិងយួន ។

ប្រសិនបើរដ្ឋាភិបាលខ្មែរ ចោទថាលោក សម រង្ស៊ី ក្លែងឯកសារផែនទី គឺមានន័យថារដ្ឋាភិបាល លោក ហ៊ុន សែន បានចោទសហរដ្ឋអាមេរិកថាប្រើប្រាស់ផែនទីក្លែងក្លាយដែរ ។ ដូចនេះជាការ ចូលរួមចំណែក ដើម្បីភាពស្អាតស្អំទាំងអស់គ្នា គឺសហរដ្ឋអាមេរិក ត្រូវតែធ្វើ​ការបកស្រាយ ឲ្យ បានច្បាស់ ដើម្បីឲ្យរដ្ឋាភិបាលខ្មែរបច្ចុប្បន្ន ដែលគ្រប់គ្រងដោយលោក ហ៊ុន សែន បានដឹង អំពី​ភាព​ត្រឹមត្រូវនៃផែនទីដែល លោល សម រង្ស៊ី បានយកមកបង្ហាញ នោះ ។ ហើយយោងតាម​ផែន​ទីរបស់សហរដ្ឋអាមេរិកនេះ ពិតណាស់គឺបានបង្ហាញយ៉ាងច្បាស់ពីការរំលោភ​បោះបង្គោល​ព្រំដែនចូលក្នុងទឹកដីខ្មែរ មិនអាចប្រកែកបានឡើយ ជាពិសេសគឺបង្គោលលេខ ១៨៤,១៨៥,​១៨៦និងបង្គោលលេខ១៨៧ ។

សូមរំលឹកថានៅក្នុងសេចក្តីថ្លែងការណ៏មួយរបស់លោក សម រង្ស៊ី កាលពីថ្ងៃទី១១ ខែមិថុនា ឆ្នាំ ២០១២ លោក សម រង្ស៊ី បានបញ្ជាក់ថា បង្គោលដែលលោកបានដកចោល គឺគេបានដាំដោយ យោងតាមផែនទីដែលគូសថ្មីក្នុងរយៈពេលនៃការចូលលុកលុយទឹកដីខ្មែរ ក្រោយឆ្នាំ១៩៧៩ ដែលមានទាំងភស្តុតាង និងសាក្សីរស់ដើម្បីធ្វើការបញ្ជាក់ការពិតរឿងនេះ ។ ហើយការដក បង្គោល​តំរុយព្រំដែននោះចោល គឺលោក សម រង្ស៊ី បានធ្វើក្នុងនាមលោកជាអ្នកតំណាងរាស្រ្ត និងតាមការស្នើសុំពីសំណាក់ប្រជាពលរដ្ឋ ដើម្បីជានិម្មិតរូបបង្ហាញថា មានការរំលោភចូលទឹក​ដី

រ​បស់ខ្មែរពិតប្រាកដ ពីសំណាក់ប្រទេសជិតខាង ។

អ្វីដែលអាជ្ញាធររបស់លោក ហ៊ុន សែន បានចោទប្រកាន់មកលើលោក សម រង្ស៊ី  ថាបានគូស គំនូសលើផែនទីជាដើមគោលគឺផែនទីបារាំង-សៀម ជារឿងមិនត្រឹមត្រូវព្រោះគំនូសនេះបាន ផ្តើមចេញពីទាហានរបស់សហរដ្ឋអាមេរិក ដែលត្រូវតែមានការបកស្រាយ ដើម្បីភាពយុត្តិធម៌ ជូនរូបលោក ក្នុងបុព្វហេតុការពារបូរណៈភាពតឹកដីកម្ពុជានេះ ហើយត្រូវតែដកបទចោទប្រកាន់ ទាំងអស់មកលើរូបលោក សម រង្ស៊ី ជាបន្ទាន់ផងដែរ ៕