តំណាងរាស្រ្តគណបក្ស សម រង្ស៊ី ស្នើដល់រដ្ឋាភិបាល និងក្រសួងយុត្តិធម៌ ក៏ដូចជាស្ថាប័នតុលាការ ពិនិត្យមើលករណីរបស់លោក មាស ប៉េង ឡើងវិញ

មាស ប៉េង ជំទប់ទី១របស់គណបក្ស សម រង្ស៊ី 

លោក មាស ប៉េង ជំទប់ទី១ជាប់ឆ្នោតរបស់គណបក្ស សម រង្ស៊ី នៅឃុំបន្ទាយដែក ស្រុកកៀន​ស្វាយ ខេត្តកណ្តាល ដែលត្រូវបានសមត្ថកិច្ចចាប់ខ្លួនកាលពីថ្ងៃទី១២ ខែមិថុនា ឆ្នាំ២០១២ វេលាម៉ោង៨និង​៣០​នាទីព្រឹក នៅហាងការហ្វេ​មួយស្ថិ​ត​នៅក្នុងឃុំបន្ទាយដែក តាមដីការបស់​សាលា​ដំបូងខេត្តកណ្តាល រហូតមកដល់ពេល នេះនៅមិនទាន់បើកសវនាការ​ដើម្បីជំនុំជម្រះ​នៅ​ឡើយទេ ។

សូមជំរាបថាកាលពីថ្ងៃទី២២ ខែកញ្ញា ឆ្នាំ២០១១ លោក មាស ប៉េង ត្រូវបានលោក លឹម សុគន្ថា ចៅក្រមស៊ើបសួរបានធ្វើការចោទប្រកាន់ពីបទ « អ្នកផ្តើមគំនិតប្រើអំពើហិង្សាលើអ្នកកាន់កាប់ អចលនវត្ថុដោយសុច្ចរិត » ហើយបានបញ្ជាឲ្យនគរបាលចាប់បញ្ជូនទៅដាក់ពន្ធនាគារខេត្ត​កណ្តាល ដោយគ្មានដីការសម្រេចឃុំខ្លួន ។ ក៏ប៉ុន្តែដោយមានការតវ៉ាពីសំណាក់មេធាវីដែលបាន ការពារក្តីជូនលោកគឺលោក ជួង ជូងី និងដោយមានការឃ្លាំមើលពីអ្នកតំណាងរាស្រ្តផងនោះ លោក មាស ប៉េង ត្រូវបានមន្រ្តីពន្ធនាគារអនុញ្ញាត្តិឲ្យត្រឡប់មកផ្ទះវិញ ។

ដែលចាប់តាំងពីពេល នោះមក លោក មាស ប៉េង គឺមានសេរីភាពជាធម្មតា និងបានបន្តរសកម្មភាពនយោបាយជាមួយ និងគណបក្ស សម រង្ស៊ី ជាពិសេសគឺលោកបានដឹកនាំយុទ្ធនាការឃោសនាបោះឆ្នោតជ្រើសរើស ក្រុមប្រឹក្សាឃុំ-សង្កាត់ អាណត្តិទី៣ កាលពីទី០៣ ខែមិថុនា ឆ្នាំ២០១២ ហើយរូបលោកបាន ជាប់​ឆ្នោតនៅក្នុងអាណត្តិនេះជាជំទប់ទី១ ឃុំបន្ទាយដែក ស្រុកកៀនស្វាយ ខេត្តកណ្តាល ដែលកាល​ពីអាណត្តិមុនលោកជាប់ជំទប់ទី២ ។

លោក គីម សួរភីរិទ្ធិ តំណាងរាស្រ្តរបស់គណបក្ស​ សម រង្ស៊ី បានលើកឡើងចំពោះករណីរបស់​លោក មាស ប៉េង  ដែលរហូតមកដល់ពេលនេះ នៅមិនទាន់ត្រូវបានតុលា​ការបើក​សវនា​ការ​នោះថា នីតិវិធីរបស់តុលាការហាក់បីដូចជាបង្ហាញពីភាពស្មុគស្មាញ ហើយធ្វើឲ្យលោក មាស ប៉េង ដែលជាជនរងគ្រោះបន្តរទទួលរងនូវភាពអយុត្តិធម៌ ។ ហើយលោកគិតថាតុលាការមិនគូរ អូសបន្លាយសុំណុំរឿងរបស់លោក មាស ប៉េង រហូតមកដល់ពេលនេះនោះទេ ព្រោះលោក មាស ប៉េង មានភារកិច្ចជាច្រើនដើម្បីបំរើរាស្រ្ត និងប្រទេសជាតិ ដែលលោកទទួលបានសម្លេងគាំទ្រ ជាឆ្នោតជាជំទប់ទី១ ពីប្រជាពលរដ្ឋនោះ ។

លោក គីម សួរភីរិទ្ធិ ក៏បានធ្វើការសុំណូមពរទៅដល់រដ្ឋាភិបាល ជាពិសេសគឺក្រសួងយុត្តិធម៌ ក៏ដូចជាស្ថាប័នតុលាការមេត្តាពិនិត្យករណីរបស់លោក មាស ប៉េង ដែលជាជំទប់ទី១របស់គណ បក្ស សម រង្ស៊ី ឡើងវិញ ។ ហើយលោកថាលោក មាស ប៉េង គឺមិនបានប្រព្រឹត្តអ្វីខុសដូចជាការ ចោទប្រកាន់របស់លោក លឹម សុគន្ថា ចៅក្រមស៊ើបសួរសាលាដំបូងខេត្តកណ្តាល​បានធ្វើការ​ចោទប្រកាន់ពីបទ « អ្នកផ្តើមគំនិតប្រើអំពើហិង្សាលើអ្នកកាន់កាប់ អចលនវត្ថុដោយសុច្ចរិត » នោះទេ ។ លោកថាសំខាន់បំផុតនោះគឺរដ្ឋាភិបាលត្រូវតែក្រលែកមើលមន្រ្តីមន្រ្តីខិលខូចរបស់

ខ្លួនដែលជានិច្ចជាកាល គឺតែងតែមានការជាប់ពាក់ព័ន្ធក្នុងការរឹបអូស និងគេងបន្លំទ្រព្យ​សម្បត្តិ​របស់រដ្ឋ ជាពិសេសគឺដីធ្លីនេះតែម្តង ។

គួររំលឹកជូនថាលោក មាស ប៉េង កាលពីថ្ងៃទី២៣ ខែកញ្ញា ឆ្នាំ២០១២ ត្រូវ​បានលោក លឹម សុគន្ថា ចៅក្រមស៊ើបសួរ បានបញ្ជាឲ្យនគរបាលចាប់ខ្លួនលោក មាស ប៉េង យក​ទៅឃុំទាំងពុំ​មានដីកាសម្រេចឃុំខ្លួននោះឡើយ បើទោះបីជាកាលណោះលោក ជូង ជូងី ដែលជាមេធាវី ការ​ពារក្តីជូនលោក មាស ប៉េង ទាមទាឲ្យលោក លឹម សុគន្ថា បង្ហាញដីកាឃុំខ្លួន​យ៉ាងណាក៏ដោយ ក៏លោក លឹម សុគន្ថា នៅតែមិនបានបញ្ចេញ និងមិនមានដីកាបង្ហាញមក​លោក ជូង ជូងី ដដែល​គឺបានចាប់លោក មាស ប៉េង យកទៅពន្ធនាគារ ខេត្តកណ្តាលទាំងបំពាន ។ ក្រោយមក​ទើប​លោក លឹម សុគន្ថា លោក វង្ស ប៊ុនវិសុទ្ធ និងលោក ស៊ុម បូរ៉ា បានឃុំឃិតគ្នា​ធ្វើដីការ​សម្រេចឃុំ​ខ្លួនបណ្តុះអាសន្ន និងធ្វើដីកាបង្គាប់ឲ្យឃុំខ្លួនក្លែងបន្លំ បំភ្លៃការពិត ដាក់ចូល​ទៅក្នុងសុំណុំរឿង​ខាងលើ ដែលដីកាទាំងនោះគឺមានកំហុសជាច្រើនសឹង​រាប់ភ្លិច ។ ដែលមានដូចជា​ចុះ​ថ្ងៃ​ទី២០

ខែឧសភា ឆ្នាំ២០១១ ប៉ុន្តែលោក លឹម សុគន្ថា បានដាក់ថាសំណុំរឿង​ចុះថ្ងៃ​ទី២០ ខែឧសភា ឆ្នាំ២០១០ ទៅវិញ ហើយ នៅត្រង់កន្លែងកាលបរិច្ឆេទលោក លឹម សុគន្ថា បាន​ចុះកាលបរិច្ឆេទ កណ្តាល ថ្ងៃទី២៣ ខែកញ្ញា ឆ្នាំ២០១ ដែលមានស្នាមកែលេខ៣ និងដាក់ថា​ឆ្នាំ​២០១ ដែល​បច្ចុប្បន្នកាលនោះ គឺឆ្នាំ២០១១ មិនមែនឆ្នាំ២០១ នោះទេ ។

មួយវិញទៀត នៅក្នុងដីការសម្រេចឃុំខ្លួនបណ្តុះអាសន្នក្រឡាបញ្ជី ស៊ុម បូរ៉ា ចុះថា « បានទទួល អនុវត្ត » ប៉ុន្តែចាប់តាំងពីបាននាំខ្លួនលោក មាស ប៉េង ទៅដល់ពន្ធនាគារ រហូតដល់លោក មាស ប៉េង ចេញពីពន្ធនាគារទៅផ្ទះនោះ មិនមានវត្តមានលោក លឹម សុគន្ថា ហើយក៏មិនមានវត្តមាន លោក វង្ស ប៊ុនវិសុទ្ធ ដែលសូម្បីតែក្រឡាបញ្ជីលោក ស៊ុម បូរ៉ា ក៏មិនមានវត្តមាននៅពន្ធនាគារ ដែរ ។ ដែលកាលណោះលោក លឹម សុគន្ថា បានចារថាបានជូនដំណឹងដល់ជនដែលត្រូវចោទ ឈ្មោះ មាស ប៉េង រួចហើយនិងថាក៏បានជូនដំណឹងដល់មេធាវីជនត្រូវចោទគឺលោក ជូង​ ជូងី រួច ហើយផងដែរ  ក៏ប៉ុន្តែអ្វីដែលជាការពិតគឺលោក មាស ប៉េង មិនបានផ្តិតមេដៃទទួលដំណឹងពីការ​សម្រេចឃុំខ្លួននោះទេ​ ។

សូមជំរាបជូនផងដែរថា ចំពោះដីកាបង្គាប់ឲ្យឃុំខ្លួនដែលលោក លឹម សុគន្ថា ធ្វើដាក់ចូលក្នុងសំ ណុំរឿងតាមក្រោយនោះ ក៏មានកំហុសឆ្គងជាច្រើនទៀត ដែលនៅក្នុងដីការបង្គាប់ឲ្យឃុំខ្លួនដាក់ ថា យោងដីកាសម្រេចឲ្យឃុំខ្លួនលេខ១៦៩១ ដកសឃខ ចុះថ្ងៃទី២៣ ខែកញ្ញា ឆ្នាំ២០១១ ដែល​មានស្នាមកែលេខ៣ ហើយនៅត្រង់ចំណុចទី១ នៃការបង្គាប់លោក លឹម សុគន្ថា បានដាក់ថា « ត្រូវចាប់ខ្លួននៅថ្ងៃទី២២ ខែកញ្ញា ឆ្នាំ២០១១ » ។ ដែលសូមជំរាបថានៅថ្ងៃទី២២ ខែកញ្ញា ឆ្នាំ​២០​១២ គឺមិនមានការចាប់ខ្លួនលោក មាស ប៉េង ទាល់តែសោះ ដែលនេះគឺជាកំហុសឆ្គង​របស់លោក​ចៅ​ក្រមស៊ើបសួរ លឹម សុគន្ថា ។ កាលណោះក្រោយពីបានសួរចំលើយហើយលោក មាស ប៉េង គឺបានវិលត្រឡប់ទៅផ្ទះវិញជាធម្មតា ។ និងនៅមានបញ្ហាជាច្រើនទៀតដែលលោកចៅ​ក្រម​ស៊ើប​សួរ លឹម សុគន្ថា បានធ្វើទាំងបំពាននិងរំលោភលើច្បាប់នោះ រួមជាមួយនិងការជាប់ពាក់ ព័ន្ធ​បញ្ហា​មួយចំនួនជាមួយនិងលោកមេធាវី ជូង ជូងី ផងដែរ ៕