ជំនួបចរចាររវាងគណបក្សប្រជាធិបតេយ្យពីរនៅក្នុងប្រទេសកម្ពុជា គឺគណបក្ស សម
រង្ស៊ី និងគណបក្ស សិទ្ធិមនុស្ស នៅទីក្រុងម៉ានីល ប្រទេសហ្វីលីពីន
ដែលបានធ្វើឡើងកាលពីថ្ងៃទី១៦ និង ថ្ងៃទី១៧ ខែកក្កដា ឆ្នាំ២០១២
គឺទទួលបានជោគជ័យដ៏ធំធេង
ដែលនេះគឺជាអ្វីដែលជាការចង់បានបំផុតរបស់ប្រជាពលរដ្ឋដែលជាម្ចាស់ឆ្នោតនោះ ។
នៅទីស្នាក់ការកណ្តាលរបស់គណបក្ស សម រង្ស៊ី កាលពីរសៀលថ្ងៃទី១៧ ខែកក្កដា
ឆ្នាំ២០១២ ពីប្រទេសហ្វីលីពីន លោក សម រង្ស៊ី និងលោក កឹម សុខា បានធ្វើសន្និសីទសារព័ត៌មានរួមគ្នាមួយ
ដោយបានបង្ហាញពីភាពជោគជ័យនៅក្នុងជំនួបចរចាររវាងគណបក្សទាំងពីរ ជុំវិញការច្របាច់បញ្ចូលគ្នាជាសម្លេងតែមួយ
ដើម្បីបញ្ចប់អំណាចផ្តាច់ការនៅកម្ពុជាឲ្យបានក្នុងឆ្នាំ២០១៣ ខាងមុខនេះ ។
នៅក្នុងសន្និសីទសារព័ត៌មានពីប្រទេសហ្វីលីពីនលោក សម រង្ស៊ី ប្រធានគណបក្ស សម
រង្ស៊ី បានមានប្រសាសន៏ឲ្យដឹងថា
បន្ទាប់ពីកិច្ចជំនួបចេចារគ្នាអស់រយៈពេល២ថ្ងៃកន្លងទៅគណបក្ស សម រង្ស៊ី និងគណបក្ស
សិទ្ធិមនុស្ស បានឯកភាពគ្នាបង្កើតគណបក្សថ្មីមួយដើម្បីចូលរួមក្នុងការ
បោះឆ្នោតនៅឆ្នាំ២០១៣ ខាងមុខនេះ ។ លោក សម រង្ស៊ី បានមានប្រសាសន៏ឲ្យដឹងទៀតផងដែរថា ចាប់ពីពេលនេះតទៅគឺគណបក្សទាំងពីរ
ចាប់បង្កើតចលនាប្រជាធិបតេយ្យសង្គ្រោះជាតិ ដើម្បីចាប់ផ្តើមបំពេញបេសកកម្មក្នុងការសង្គ្រោះជាតិ
ដែលគណបក្សទាំងពីរបានកំណត់ជាមួយ គ្នា ហើយបានប្តេជ្ញាចិត្តថាគណបក្សទាំងពីរនិងបំពេញបេសកកម្មសង្គ្រោះជាតិ
គឺការពារបូរណៈ ភាពទឹកដី ឯករាជ្យភាព និងលិទ្ធិប្រជាធិបតេយ្យនៅក្នុងប្រទេសកម្ពុជា
ដើម្បីឲ្យប្រទេសកម្ពុជា មានអនាគត់ភ្លឺថ្លា
និងរួចផុតពីមហន្តរាយក្រោមការដឹកនាំនៃរបបផ្តាច់ការសព្វថ្ងៃ ដែលជារបប
បំរើបរទេសឈ្លានពាន ។
ចំនែកឯលោក កឹម សុខា ប្រធានគណបក្ស សិទ្ធិមនុស្ស លោកបានលើកឡើងនៅក្នុងសន្និសីទ
សារព័ត៌មានដែលមានការចូលរួមពីសំណាក់អ្នកសារព័ត៌មានជាតិ និងអន្តរជាតិ រួមជាមួយនិង
ប្រជាពលរដ្ឋអ្នកគាំទ្រដែលស្រលាញ់របបប្រជាធិបតេយ្យនោះលោក កឹម សុខា បានលើកឡើង ថា
លោកមានមោទនភាពខ្លាំងណាស់ដោយគណបក្សទាំងពីរបានសម្រេចបាននូវគោលបំណង ឆន្ទៈពិតប្រាកដរបស់ប្រជាពលរដ្ឋខ្មែរ
ដែលត្រូវការឲ្យគណបក្សទាំងពីររួមគ្នាបញ្ចូលជាសម្លេងតែ មួយ
ដើម្បីបង្កើតជាកម្លាំងនយោបាយដ៏ធំមួយ ក្នុងការជួយសង្គ្រោះ ស្រោចស្រង់ប្រទេសជាតិ
ដែលបាននិងកំពុងតែត្រូវបានគេបំផ្លិចបំផ្លាញ ជិះជាន់ធ្វើឲ្យបងប្អូនរងទុក្ខវេទនា
និងអាចគ្រោះ ថ្នាក់ដល់មាតុភូមិកម្ពុជារបស់យើង ។ លោក កឹម សុខា បានលើកឡើងទៀតថា
បេសកកម្មជាប្រ វត្តិសាស្រ្តដែលពួកយើងបានសម្រេចនៅពេលនេះ ហើយយើងទាំងអស់គ្នានិងចាប់ដៃរួមគ្នាដើម្បី
បន្តរឲ្យសម្រេចទៅតាមឆន្ទះដ៏ពិតប្រាកដរបស់បងប្អូនប្រជាពលរដ្ឋខ្មែរទាំងអស់ ។
នៅក្នុងសន្និសីទនោះលោក សម រង្ស៊ី ក៏បានថ្លែងផងដែរថា
នៅក្នុងកាលៈទេសៈបច្ចុប្បន្នតំរូវឲ្យ អ្នកស្នេហាជាតិរួបរួមគ្នាជាដាច់ខាត
ដើម្បីស្រោចស្រង់ប្រទេសជាតិឲ្យបានទាន់ពេលវេលា ហេតុ ដូចនេះហើយបានជាគណបក្ស សម រង្ស៊ី
និងគណបក្ស សិទ្ធិមនុស្ស បានសម្រេចក្នុងការរួមគ្នា ជាសម្លេងតែមួយ ។ លោក សម រង្ស៊ី
បានបន្តរទៀតថា ចាប់ពីថ្ងៃនេះទៅ ឆាកនយោបាយនៅក្នុងប្រទេសកម្ពុជាមានការផ្លាស់ប្តូរ
ហើយចរន្តប្រវត្តិសាស្រ្តនៅប្រទេសកម្ពុជាក៏និងមានការផ្លាស់ប្តូរដែរ ។
សូមជំរាបជូនថា នៅក្នុងជំនួបរវាងគណបក្ស សម រង្ស៊ី និងគណកប្ស សិទ្ធិមនុស្ស
នៅប្រទេសហ្វី លីពីន ក្រោយពីទទួលជោគជ័យនៃកិច្ចពិភាក្សាគ្នា ដើម្បីបង្រួបបង្រួមច្របាប់បញ្ចូល
ជាសម្លេងតែមួយ គណបក្សទាំងពីរក៏បានចេញសេចក្តីថ្លែងការណ៏រួមគ្នាមួយផងដែរ
ដែលនៅក្នុងសេចក្តីថ្លែងការណ៏នោះបានលើកឡើងថា ក្នុងជំនូបរវាងគណបក្សសម រង្ស៊ី
ដឹកនាំដោយលោក សម រង្ស៊ី និងគណបក្ស សិទ្ធិមនុស្ស ដឹកនាំដោយលោក កឹម សុខា នៅទីក្នុងម៉ានីល
ប្រទេសហ្វីលីពីន នាថ្ងៃទី១៦ និងទី១៧ ខែ កក្កដា ឆ្នាំ២០១២នេះ
គណបក្សទាំងពីរបានធ្វើការសម្រេចរួមចំនួន៥ចំណុចដូចខាងក្រោម ៖
១ គណបក្ស សម រង្ស៊ី និងគណបក្ស សិទ្ធិមនុស្ស រួមកម្លាំងគ្នាតែមួយ
ស្របតាមឆន្ទះរបស់ប្រជា ពលរដ្ឋខ្មែរ ដើម្បីសង្គ្រោះប្រទេសជាតិឲ្យទាន់ពេលវេលា
តាមរយៈការផ្លាស់ប្តូរនយោបាយ ក្នុង
បំណងចញ្ចប់អំណាចផ្តាប់ការបច្ចុប្បន្នដែលបំរើបរទេសឈ្លានពាន ។
២ គណបក្សទាំងពីរ សម្រេចរៀបចំបញ្ចូលគ្នាជាគណបក្សតែមួយ ដោយបង្កើតគណបក្សនយោ
បាយថ្មីមួយ ដែលនឹងមានការចូលរួមពីអ្នកប្រជាធិបតេយ្យ និងអ្នកជាតិនិយមដទៃទៀត
ដើម្បីនាំ មកនូវការដឹកនាំបែបប្រជាធិបតេយ្យ ដែលការពារផលប្រយោជន៏ជាតិពិតៗ ។
៣ គណបក្សទាំងពីរយល់ឃើញថា ការផ្លាស់ប្តូរការគ្រប់គ្រងប្រទេសកម្ពុជា
ត្រូវប្រព្រឹត្តទៅដោយ អហិង្សា តាមរយៈការបោះឆ្នោតដោយសេរី ត្រឹមត្រូវ និងយុត្តិធម៌ ។
ក្នុងន័យនេះគណបក្សទាំងពីរ ទាមទារដាច់ខាតឲ្យមានការផ្លាស់ប្តូរសមាសភាពគណៈកម្មាធិការជាតិរៀបចំការបោះឆ្នោត
និងឲ្យមានការកែតម្រូវនីតិវិធីដ៏ស្មុគស្មាញ
ដែលបង្កការលំបាកដល់ប្រជាពលរដ្ឋក្នុងការបោះ ឆ្នោត ។
៤ គណបក្សទាំងពីរទាមទារដាច់ខាត ឲ្យមានការចូលរួមពេញលេញពីប្រធានគណបក្សប្រឆាំង
ក្នុងការបោះឆ្នោតដើម្បីឲ្យការបោះឆ្នោតខាងមុខនេះមានលក្ខណៈត្រឹមត្រូវទទួលយកបាន ។
ក្នុង ន័យនេះគណបក្សទាំងពីរ ទាមទារឲ្យបញ្ឈប់ការប្រើប្រាស់ប្រព័ន្ធតុលាការ
មកគាបសង្កត់អ្នកនយោបាយស្នេហាជាតិ និងអ្នការពារសិទ្ធិសេរីភាពប្រជាពលរដ្ឋ ។
៥ គណបក្សទាំងពីរឯភាពគ្នាឲ្យមានកិច្ចសហការយ៉ាងជិតស្និទ្ធរវាងប្រធាន
និងសមាជិក-សមាជិ កា-ក្រុមប្រឹក្សាឃុំ-សង្កាត់ មកពីគណបក្សទាំងពីរ
ក្នុងគោលបំណងផ្លាស់ប្តូររបៀបដឹកនាំឃុំ-សង្កាត់ ឲ្យបានប្រសើរឡើង
និងលើកតម្កើនលិទ្ធិប្រជាធិបតេយ្យនៅថ្នាក់មូលដ្ឋាន ។
នៅក្នុងសេចក្តីថ្លែងការរួមរវាងគណបក្ស សម រង្ស៊ី និងគណបក្ស សិទ្ធិមនុស្ស
ក៏បានលើកឡើង ទៀតផងដែរថា ក្នុងពេលកំពុងរៀបចំគណបក្សថ្មី
ដែលចេញមកពីការរួមចូលគ្នារវាងគណបក្ស សម រង្ស៊ី និងគណបក្សសិទ្ធិមនុស្ស
គណបក្សទាំងពីរសម្រេចបង្កើត ចលនាប្រធាធិបតេយ្យ សង្គ្រោះជាតិ ក្នុងគោលបំណងប្រមូលផ្តុំកម្លាំងខ្មែរស្នេហាជាតិ
នឹងកម្លាំងប្រជាធិបតេយ្យជាធ្លុង មួយ ដើម្បីចាប់ផ្តើមបំពេញបេសកកម្មសង្គ្រោះជាតិ ។
សូមជំរាបជូនផងដែរថា ជាមួយនិងការចេញសេចក្តីថ្លែងការណ៏រួមរវាងគណបក្ស សម រង្ស៊ី
និងគណបក្ស សិទ្ធិមនុស្ស គណបក្សទាំងពីរនេះក៏បានចេញនូវកិច្ចព្រមព្រៀងស្តីពី សមាសភាព
ចលនាប្រជាធិបតេយ្យសង្គ្រោះជាតិផងដែរ ។ ដោយនៅក្នុងលិខិតបានបញ្ជាក់ថា ដោយយោង
សេចក្តីថ្លែងការណ៏រួមនៃគណបក្ស សម រង្ស៊ី និងគណបក្ស សិទ្ធិមនុស្ស ស្តីពីការបង្កើត
ចលនាប្រជាធិបតេយ្យសង្គ្រោះជាតិ គណបក្សទាំងពីរបានឯកភាពគ្នារៀបចំយន្តការដឹកនាំ ចលនាប្រជាធិបតេយ្យសង្គ្រោះជាតិ
ដែលមានថ្នាក់ដឹកនាំគឺលោក សម រង្ស៊ី ជាប្រធាន និងលោក កឹម សុខា ជា អនុប្រធាន ។
ចំណែកឯ លេខាធិការដ្ឋាន លោកស្រី មូរ សុខហួរ ជាប្រធាន និងលោក យ៉ែម បុញ្ញាឬទ្ធិ
ជាអនុប្រធាន ។ ចំណែកអ្នកនាំពាក្យ គឺមានលោក ប៉ុល ហំម និងលោក យឹម សុវណ្ណ ។
គួរបញ្ជាក់ជូនផងដែរថា ជាមួយនិងការចេញសេចក្តីថ្លែងការណ៏រួមរវាងគណបក្ស សម
រង្ស៊ី និងគណបក្ស សិទ្ធិមនុស្ស គណបក្សទាំងពីរនេះក៏បានចេញនូវកិច្ចព្រមព្រៀងស្តីពី
សមាសភាព ចលនាប្រជាធិបតេយ្យសង្គ្រោះជាតិ ហើយជាមួយគ្នានោះគណបក្សទាំងពីរក៏បានចេញនូវកិច្ចព្រមព្រៀងមយយទៀតដែលស្តីពី
សមាសភាពថ្នាក់ដឹកនាំកំពូលគណបក្សថ្មីផងដែរ ដែលក្នុងនោះគឺមានលោក សម រង្ស៊ី
ជាប្រធានគណបក្ស ចំណែកឯលោក កឹម សុខា ជាអនុប្រធានគណបក្ស ដែលប្រធាននិងអនុ ប្រធាននេះ
គឺបានធ្វើសេចក្តីសម្រេចដោយឈរលើគោលការណ៏ព្រមព្រៀងគ្នាជាឯកច្ឆ័ន ។
រួមជាមួយនិងគណៈកម្មាធិការដឹកនាំគណបក្សគឺមានគណៈកម្មាធិការបី ដែលទី១ គណៈកម្មាធិការ
នីតិបញ្ញាត្តិ , ទី២ គណៈកម្មាធិការ ប្រតិបត្តិ និងទី៣ គឺគណៈកម្មាធិការវិន័យ
។ ជាមួយគ្នា នោះក៏រួមមានសេនាធិការ ដែលសេនាធិការគឺគណបក្សមានអគ្គលេខាធិការ
និងអគ្គហេរញ្ញិក ក៏ដូចជាគណៈកម្មាធិការអចិន្រ្តៃយ៏ដែលមានសមាសភាព ប្រធាន និងអនុប្រធានគណបក្ស
រួមជាមួយនិង ប្រធាន និងអនុប្រធាន គណៈកម្មាធិការដឹកនាំទាំងបី ហើយ អគ្គលេខាធិការ និងអគ្គហេរញ្ញិក
ជាសមាជិកនៃគណៈកម្មាធិការអចិន្រ្តៃយ៏ ។
សូមជំរាបជូនផងដែរថា នៅក្នុងសន្និសីទសារព័ត៌មានកាលពីរសៀលថ្ងៃទី១៧ ខែកក្កដា
ឆ្នាំ២០ ១២ ពីទីក្រុងម៉ានីល ប្រទេសហ្វីលីពីន លោក សម រង្ស៊ី ប្រធានគណបក្ស សម រង្ស៊ី
ក៏បានថ្លែង អំពាវនាវឲ្យប្រជាពលរដ្ឋខ្មែរ អ្នកស្នេហាជាតិ អ្នកប្រជាធិបតេយ្យទាំងអស់ សូមរួបរួមគ្នានៅក្នុងជួរ
ចលនាប្រជាធិបតេយ្យសង្គ្រោះជាតិ ដោយលោកថាចាំបាច់ណាស់ដែលយើងត្រូវចាប់ផ្តើមបេសកកម្មស្រោចស្រង់ជាតិ
ពីព្រោះជាតិយើងកុំពុងតែលិចលង់ ជាតិយើងកុំពុងតែហិនហោច ប្រទេសកម្ពុជាមានរបបដឹកនាំតាមរបៀបផ្តាច់ការ
ដែលបំរើបរទេសឈ្លានពានធ្វើឲ្យប្រទេសយើងបាត់បង់ទឹកដី ហើយឲ្យគេរំលោភបូរណៈភាពទឹកដីប្រទេសកម្ពុជា និងឲ្យគេបង្ខិតព្រំដែនតាមតែអំពើចិត្ត
ក៏ដូចជាឲ្យគេបញ្ចូលជនអន្តោប្រវេសន៏ខុសច្បាប់កាន់តែច្រើនឡើងៗដែលជាគ្រោះថ្នាក់ដល់អាយុជីវិតរបស់ប្រទេសជាតិរបស់យើង
។ លោក សម រង្ស៊ី បានថ្លែងបន្តរទៀតថា រឿងនេះគឺជារឿងជាតិមិនមែនជារឿងបុគ្គ
ឬជារឿងគណកបក្សនេះ គណបក្សនោះទេ គឺជារឿងរបស់ខ្មែរទាំងអស់គ្នា ហើយកាលៈ
ទេសៈ ទាំងងសើនេះហើយដែលតម្រូវឲ្យយើងធ្វើការជាមួយគ្នាយ៉ាងជិតស្និទ្ធ ជាប់លាប់ស្មោះត្រង់ជាមួយគ្នាទៅវិញទៅមក
ហើយអ្វីដែលស្មោះត្រង់ជាងនេះទៅទៀតនោះគឺស្មោះត្រង់ចំពោះប្រជារាស្រ្ត និងប្រទេសជាតិ
។
លោក សម រង្ស៊ី បានមានប្រសាសន៏បន្តរទៀតថា សូមកុំប្រៀបធៀបជាមួយនិងគណបក្សណាផ្សេងទៀត ដែលកាលពីមុនមកមានគោលជំហរឃ្លីងឃ្លោង ដែលក្បត់ប្រជារាស្រ្ត ដែលក្បត់ប្រទេសជាតិ ហើយលោកជឿថា ឥឡូវនេះអ្នកប្រជាធិបតេយ្យ អ្នកស្នេហាជាតិពិតប្រាកដបានសម្រេចគ្នាហើយ ថាយើងនិងបំពេញបេសកកម្មសង្គ្រោះជាតិ ជាមួយគ្នាឲ្យបានជោគជ័យមួយរយភាគរយ ជាស្ថាពរ ។
ចំណែកឯអ្នកតាមដានស្ថានការណ៏នយោបាយនៅក្នុងប្រទេសកម្ពុជា
និងមន្រ្តីអង្គការក្រៅរដ្ឋា ភិបាល ក៏បានសម្តែងការសាទរជាមួយនិងគណបក្ស សម រង្ស៊ី
និងគណបក្ស សិទ្ធមនុស្ស ដែល បានធ្វើការជជែក ហើយរកច្រកឃើញក្នុងការបង្រួបបង្រួម
ច្របាច់បញ្ចូលគ្នាជាសម្លេងតែមួយ ដើម្បីយកឈ្នះលើគណបក្សកាន់អំណាច
និងដើម្បីបញ្ចប់អំណាចផ្តាច់ការនៅក្នុងប្រទេសកម្ពុជា ឲ្យបាននៅឆ្នាំ២០១៣
និងជាអ្វីដែលប្រជាពលរដ្ឋម្ចាស់ឆ្នោត ចង់បានជាយូរណាស់មកហើយ នោះ ។ ក្រុមអ្នកតាមដានស្ថានការណ៏នយោបាយនៅក្នុងប្រទេសកម្ពុជា
និងមន្រ្តីអង្គការក្រៅរដ្ឋា ភិបាល ក៏បានលើកឡើងទៀតថា
ចរន្តនយោបាយនៅក្នុងប្រទេសកម្ពុជា ពិតណាស់នៅឆ្នាំ២០១៣ គណបក្សប្រជាធិបតេយ្យ និងអាចបញ្ចប់អំណាចផ្តាប់ការនៅក្នុងប្រទេសកម្ពុជាបានជាក់ជាមិនខាន
ព្រោះប្រជាពលរដ្ឋអស់ជំនឿលើការដឹកនាំប្រទេស តាមរបៀបផ្តាប់ការដែលគណកប្សកាន់អំណាចបានធ្វើមកលើពួកគាត់ជារៀងរាល់ថ្ងៃនេះហើយ
៕
No comments:
Post a Comment
yes