បន្ទាប់ពីមានការស្នើសុំឲ្យក្រសួងមហាផ្ទៃចាត់វិធានការលើលោក ព្រុំ ខិត ដែលជាជំទប់ទី២
នៅឃុំត្បែង២ ស្រុកគូលែន ខេត្តព្រះវិហារ របស់គណបក្សប្រជាជន ពីសំណាក់លោកស្រី កែ
សុវណ្ណរតន៏ អគ្គលេខាធិការរបស់គណបក្ស សម រង្ស៊ី កាលពីថ្ងៃទី២១ ខែមិថុនា
ឆ្នាំ២០១២នោះ ជាការឆ្លើយតបនៅថ្ងៃទី១១ ខែកក្កដា ឆ្នាំ២០១២ ក្រសួងមហារផ្ទៃបានចេញលិខិតមួយច្បាប់ដោយបញ្ជាឲ្យលោក
អ៊ុំ ម៉ារ៉ា អភិបាលខេត្តព្រះវិហារ ចាត់វិធានការចំពោះលោក ព្រុំ ខិត ជំទប់ទី២របស់គណបក្សប្រជាជនខាងលើនេះជាបន្ទាន់បំផុត
។
អ្នកតាមដានស្ថានការណ៏បានលើកឡើងថា គេចាំមើល ថាតើលោក អ៊ុំ ម៉ារ៉ា
និងចាត់វិធានការយ៉ាងណាចំពោះលោក ព្រុំ ខិត ដែលជាសហការីស្ថិតនៅក្រោមឱវាទរបស់ខ្លួន
ដែលស្ថិតនៅក្រោមការចោទប្រកាន់ពីសំណាក់គណបក្សសម រង្ស៊ី ពីបទរើសអើងនយោបាយ
និងគំរាមកំហែង រំលោភសិទ្ធិមកលើសកម្មជនជនរបស់គណបក្ស សម រង្ស៊ី គឺលោក ពាក ធួក នៅភូមិក្បាក់ ឃុំត្បែង២ ស្រុកគូលែន ខេត្ត ព្រះវិហារនោះ ។
សូមជំរាបជូនថា កាលពីថ្ងៃទី១៩ ខែមិថុនា ឆ្នាំ២០១២ វេលាម៉ោង១១និង៣០នាទីថ្ងៃត្រង់
ជំទប់ទី២របស់គណបក្សប្រជាជន លោក ព្រុំ ខិត បានមកធ្វើការគំរាមកំហែងលោក ពាក ធួក សកម្មជនរបស់គណបក្ស សម រង្ស៊ី ឲ្យទំលាក់ស្លាករបស់គណបក្ស
សម រង្ស៊ី ដែលលើកនៅមុខផ្ទះរបស់លោក មិនត្រឹមតែប៉ុណ្ណោះជំទប់ទី២របស់គណប្រជាជនខាងលើ
ក៏បានឲ្យលោក ពាក ធួក យករូបថតរបស់លោក សម រង្ស៊ី
ដែលលោកបានដាក់តាំងនៅក្នុងផ្ទះឲ្យយកមកដុតចោលផងដែរ ។ កាលនោះដោយលោក ពាក ធួក មានការភ័យខ្លាចពីអំណាចរបស់លោក
ព្រុំ ខិត ជំទប់ទី២គណបក្សប្រជាជន ទើបលោកធ្វើតាមការបង្គាប់បញ្ជារបស់លោក ព្រុំ
ខិត ។
លោក ពាក ធួក ក៏បានបន្តរទៀតផងដែរថា លិទ្ធិប្រជាធិបតេយ្យនៅក្នុងប្រទេសកម្ពុជា
គឺមានតែនៅលើក្រដាស់ និងបបូរមាត់របស់ពួកគេតែប៉ុណ្ណោះ
ព្រោះការអនុវត្តជាក់ស្តែងគឺគ្មានទាល់ តែសោះ ។ លោក ពាក ធួក បានលើកឡើងផងដែរថា គណបក្សប្រជាជន
គឺមានការរើសអើងខ្លាំង ចំពោះប្រជាពលរដ្ឋរូបណា ដែលមាននិន្នាការគាំទ្រមកលើគណបក្សប្រឆាំង
ជាពិសេសគឺគណបក្ស សម រង្ស៊ី តែម្តង ។ លោកថានៅក្នុងប្រទេសកម្ពុជាមានគណបក្សតែពីរប៉ុណ្ណោះ
ដែលកំពុងប្រដេញគ្នាយ៉ាងប្រគៀកប្រគិត ដូចនេះគេខ្លាចពីប្រជាប្រិយភាពរបស់គណបក្ស សម
រង្ស៊ី នៅពេលបោះឆ្នោតថ្នាក់ជាតិឆ្នាំ២០១៣ខាងមុខ ព្រោះគណបក្ស សម រង្ស៊ី
មានគោលនយោបាយច្បាស់លាស់ ក្នុងការបំរើប្រជាពលរដ្ឋនិងប្រទេសជាតិ ។
សូមជំរាបថា ទង្វើរបស់ជំទប់ទី២គណបក្សប្រជាជនខាងលើ ត្រូវបានអ្នកតាមដានស្ថានការណ៏នយោបាយ
និង អ្នកវិភាគឯករាជ្យបានលើកឡើងថា នេះគឺជាការរើសអើងផ្នែកនយោបាយយ៉ាងខ្លាំងនិងជាទង្វើខុសច្បាប់ទាំងស្រុងផងដែរ
ព្រោះច្បាប់រដ្ឋធម្មនុញ្ញនៃព្រះរាជាណាចក្រកម្ពុជាបានចែងហើយថា
ប្រជាពលរដ្ឋខ្មែរទាំងពីរភេទគឺមានសិទ្ធស្មើគ្នា ក្នុងការជ្រើសរើស ឬចូលរួមជាមួយនិងគណបក្សនយោបាយណាមួយដែលខ្លួនស្រលាញ់
។ អ្នកវិភាគបានលើកឡើងទៀតថា វាជាទម្លាប់របស់គណបក្សប្រជាជនទៅហើយ
ដែលពួកគេតែងតែធ្វើរបៀបនេះមកលើគណបក្ស សម រង្ស៊ី មិនថានៅមុនពេលបោះឆ្នោត
ឬក្រោយពេលបោះឆ្នោតនោះទេ ដោយហេតុថាអ្នកទាំងនោះ គឺខ្លាចពីប្រជាប្រិយភាពរបស់គណបក្ស
សម រង្ស៊ី ដែលមានការគាំទ្រពីសំណាក់ប្រជាពលដ៏ច្រើនលើសលប់ពីមួយអាណត្តិទៅមួយអាណត្តិនោះ
។
ចំណែកឯលោកស្រី កែ សុវណ្ណរតន៏ អគ្គលេខាធិការរបស់គណបក្ស សម រង្ស៊ី
និងជាសមាជិកព្រឹទ្ធសភាជាប់ឆ្នោត ធ្លាប់បានមានប្រសាសន៏ឲ្យដឹងថា គណបក្សប្រជាជនតែងតែព្យាយាមធ្វើរបៀបនេះជារៀងរហូតមក
និងបង្ករបញ្ហារំខានឥតឈប់ឈរមកដល់សកម្មជន និងប្រជជាពលរដ្ឋដែលជាអ្នកគាំទ្រគណបក្ស
សម រង្ស៊ី ។ លោកស្រីបានហៅទង្វើ និងសកម្មភាពរបស់លោក ព្រុំ ខិត
ជំទប់ទី២របស់គណបក្សប្រជាជនខាងលើនេះថា គឺជាការគំរាមកំហែង បំភិតបំភ័យ និងជាការរំលោភសិទ្ធិយ៉ាងធ្ងន់ធ្ងរមកលើលោក
ពាក ធួក សកម្មជនរបស់គណបក្ស សម រង្ស៊ី ដែលមានចែងនៅក្នុងរដ្ឋធម្មនុញ្ញ និងច្បាប់ស្តីពីគណបក្ស
នយោបាយ ។
លោកស្រី កែ សុវណ្ណរតន៏ ក៏បានមានប្រសាសន៏បន្តទៀតថា ល្មមដល់ពេលដែលគណបក្សប្រជាជនឈប់ប្រើកលល្បិច
និងការសំឡុតគំរាមកំហែងរបៀបនេះតទៅទៀតទៅ សូមឲ្យមានការ
ប្រគួតប្រជែង ដោយស្មើភាពគ្នា ត្រឹមត្រូវ សេរី សច្ចៈ និងយុត្តិធម៌
ហើយបោះឆ្នោតទៅតាមឆន្ទះ
របស់ប្រជាពលរដ្ឋ ។ លោកស្រីថាសម្លេងដែលគណបក្ស សម រង្ស៊ី ទទួលបានក្នុងការបោះឆ្នោតជ្រើសរើសក្រុម
ប្រឹក្សាឃុំ-សង្កាត់ នាពេលកន្លងទៅនេះគឺជាសម្លេងពិត សម្លេងដែលគេចផុតពីការគំរាមកំហែង
សំឡុត ទិញទឹកចិត្ត និងលួចបន្លំ ។
ជាការពិតការបោះឆ្នោតនៅកម្ពុជាត្រូវបានគេមើលឃើញថាមិនមានភាពសេរី ត្រឹមត្រូវ
និងយុត្តិ ធម៌នោះឡើយ សូម្បីតែសហភាពអ៊ឺរ៉ុប ក៏ធ្លាប់បានចេញរបាយការណ៏របស់ខ្លួនទាក់ទងទៅនិង
ភាពមិនប្រក្រតីនៅក្នុងការបោះឆ្នោតនាពេលកន្លងមកផងដែរ រួមជាមួយនិងការគំរាមកំហែង
សកម្មជនរបស់គណបក្ស សម រង្ស៊ី និងប្រជាពលរដ្ឋអ្នគាំទ្រ
ការធ្វើទុកបុកម្នេញគ្រប់រូបភាព
រួមជាមួយនិងការលេងល្បែងនយោបាយប្រជាភិថុតិរបស់គណបក្សកាន់អំណាច ។ ដូចនេះប្រ ទេសកម្ពុជា
ប្រសិនបើនៅគ្រប់គ្រងដោយគណបក្សប្រជាជនតទៅទៀត គ្មានទេសម្លាភាព លិទ្ធិ
ប្រជាធិបតេយ្យនោះ ។ ដូចនេះដើម្បីស្រោចស្រង់ប្រទេសជាតិ និងប្រជាពលរដ្ឋកម្ពុជាពីអំណាចផ្តាប់ការរបស់គណបក្សប្រជាជន
សូមអ្នកប្រជាធិបតេយ្យទាំងអស់រួបរួមជាមួយនិងគណបក្ស សម រង្ស៊ី
ដើម្បីយើងបញ្ចប់អំណាចផ្តាប់ការនៅកម្ពុជាឲ្យបានជាដាច់ខាតក្នុងឆ្នាំ២០១៣ កុំបីខាន ៕
No comments:
Post a Comment
yes