កឹម សុខា ៖ នយោបាយរបស់គណបក្ស សង្គ្រោះជាតិ ដោះស្រាយដីធ្លីជូនប្រជាពលរដ្ឋ ឲ្យបានយុត្តិធម៌ និងជាកម្មសិទ្ធិដោយគ្មានអ្នកណាមកប៉ះពាល់បានឡើយ

លោក កឹម សុខា អនុប្រធាន ចលនាប្រជាធុបតេយ្យសង្គ្រោះជាតិ 

នៅថ្ងៃសម្ភោធន៏ទីស្នាក់ការកណ្តាលគណបក្ស សង្គ្រោះជាតិ

 គណបក្ស​ សង្គ្រោះជាតិ គឺជាក្តីសង្ឃឹមតែមួយគត់របស់ប្រជាពលរដ្ឋខ្មែរ និងប្រទេសជាតិរបស់ យើង ក្នុងការស្តារនិងលើកស្ទួយជីវភាពរបស់ប្រជាពលរដ្ឋ ក៏ដូចជាកេរ្តិ៏ឈ្មោះរបស់ជាតិឲ្យបាន ល្បីល្បាញនៅឆ្នាំ២០១៣ខាងមុខនេះ ។

គណបក្ស សង្គ្រោះជាតិ ក្រោមការដឹកនាំរបស់លោក សម រង្ស៊ី ជាប្រធាន និងលោក កឹម សុខា ជាអនុប្រធាន រួមជាមួយនិងឥស្សរជននយោបាយជាច្រើនរូបទៀត បាននិងកំពុងតែទទួលការ គាំ​ទ្រ និងមានប្រជាប្រិយភាពពីប្រជាពលរដ្ឋខ្មែរទាំងនៅក្នុងប្រទេស ក៏ដូចជាក្រៅប្រទេសផង​ដែរ ។ ជាមួយគ្នានោះសូម្បីតែអន្តរជាតិ ក៏បានសម្តែងការអបអរសាទរ នៅបន្ទាប់ពីបានឃើញ​គណ​បក្សប្រជាធិបតេយ្យទាំងពីរនៅក្នុងប្រទេសកម្ពុជា បានរួមកម្លាំងច្របាច់​បញ្ចូលគ្នា​ជាសំឡេ​ង ​តែមួយដោយបង្កើតបានគណបក្សថ្មីដែលមានឈ្មោះថា​គណបក្ស​ សង្គ្រោះជាតិ ។

គណបក្ស សង្គ្រោះជាតិ បានបង្កើតឡើងនៅពេលនេះ គឺសាកសមទៅនិងពេលវេលា និងកាលៈ ទេសៈដែលប្រទេសកម្ពុជារបស់យើងកំពុងតែជួបគ្រោះថ្នាក់ដ៏ធ្ងន់ធ្ងរ នោះគឺការដឹកនាំប្រទេស របស់គណបក្សកាន់អំណាចសព្វថ្ងៃបានធ្វើឲ្យប្រទេសជាតិរបស់យើងស្ទើតែវិនាសបាត់បង់អ្វីៗ ទាំងអស់ ជាមួយគ្នានោះការជំពាក់បំណុលបរទេសកាន់តែច្រើនឡើងៗ ហើយពួកគេបាន សប្បាយនៅលើគំនរទុក្ខរបស់ប្រជាពលរដ្ឋ ដោយមិនខ្ចីខ្វល់ពីអ្វីទាំងអស់ ។

ដូចនេះប្រសិនបើគណបក្ស សង្គ្រោះជាតិ មិនកើតឡើងនៅពេលនេះទេ នោះប្រទេសជាតិរបស់ យើងនិងធ្លាក់ចូលទៅក្នុងកណ្តាប់ដៃរបស់ប្រទេសជិតខាងជាក់ជាមិនខានឡើយ ព្រោះការចង់ លេបត្របាក់ទឹកដីរបស់ប្រទេសកម្ពុជា គឺជាមហិច្ឆតាតែមួយគត់របស់​ពួកគេតាំង​ពីយូរណាស់​មក​ហើយ ។ ដែលអ្វីទាំងអស់នេះគណបក្ស សង្គ្រោះជាតិ ត្រូវតែសង្គ្រោះឲ្យបាននៅឆ្នាំ២០១៣ ហើយ​​ក្នុងនោះក៏ទាមទារឲ្យប្រជាពលរដ្ឋដែលជាអ្នកស្នេហាជាតិ ស្រលាញ់លទ្ធិប្រជាធិបតេយ្យ និងចង់ឲ្យមានការផ្លាស់ស់ប្តូរមួយដ៏ពិតប្រាកដ សូមចូលរួមឲ្យបានច្រើនឡើងបន្ថែមទៀត​ជាមួយ​និងគណ​បក្ស សង្គ្រោះជាតិ ដើម្បីយើងធ្វើការផ្លាស់ប្តូររដ្ឋាភិបាលដែល​ដឹកនាំប្រទេសតាមរបៀប​

ផ្តាច់ការ ដូចពេលបច្ចុប្បន្ននេះ ។

គណបក្ស សង្គ្រោះជាតិ ត្រូវបានគេដាក់ងាឲ្យថា ជាគណបក្សមហាគ្រួសារខ្មែរអ្នកស្នេហាជាតិ ព្រោះនៅក្នុងជួរគណបក្ស សង្គ្រោះជាតិ ចាប់តាំងពីថ្នាក់លើរហូតដល់ថ្នាក់មូលដ្ឋាន គឺបានប្រ​មូល​ផ្តុំទៅដោយអ្នកប្រជាធិបតេយ្យ ដែលហ៊ានលះបង់អ្វីៗទាំងអស់ ដើម្បីតែប្រយោជន៏របស់

ប្រ​​​ជាពលរដ្ឋ និង ប្រទេសជាតិ ។ តែផ្ទុយទៅវិញគណបក្សកាន់អំណាច នៅពេលបាន​អំណាច​ពីប្រជាពលរដ្ឋ គេមិនបានធ្វើអ្វីដើម្បីបំរើដល់ផលប្រយោជន៏របស់ប្រជាពលរដ្ឋនោះឡើយ គឺបាន​យកអំណាចទាំងនោះដែលបានមកពីប្រជាពលរដ្ឋ មកគៀបសង្កត់ធ្វើបាបប្រជាពលរដ្ឋទៅវិញ ហើយពួកគេបានយកច្បាប់ និងលទ្ធិប្រជាធិបតេយ្យដាក់នៅក្រោមទ្រនាប់បាតជើងរបស់ពួកគេ​ថែមទៀត ។

តែប្រសិនបើប្រទេសកម្ពុជា ដឹកនាំដោយអ្នកប្រជាធិបតេយ្យ នោះនិងធ្វើប្រទេសរបស់យើងមាន ការរីកចំរើនជឿនលឿនលើគ្រប់វិស័យ ហើយសិទ្ធិរបស់ប្រជាពលរដ្ឋ និងលទ្ធិប្រជាធិបតេយ្យ និង​ត្រូវបានយកចិត្តទុកដាក់ ជាពិសេសគឺផ្តល់សិទ្ធិអំណាចជូនប្រជាពលរដ្ឋជាធំ ហើយប្រជា​ពលរដ្ឋមានសិទ្ធិស្នើដកហូតតំណែងតំណាងរបស់ខ្លួនគ្រប់រូប ប្រសិនបើមើលឃើញថា ថ្នាក់​ដឹក​នាំរបស់ពួកគាត់រូបនោះគ្មានសមត្ថភាព ក្នុងការធ្វើការងារដើម្បីបំរើផលប្រយោជន៏ជូនដល់ពួក គាត់ និងប្រទេសជាតិនោះ ។

ប្រទេសកម្ពុជាដឹកនាំដោយគណបក្ស សង្គ្រោះជាតិ និងពាំនាំអ្នកវិនិយោគល្អៗមកធ្វើការបណ្តាក់ ទុននៅក្នុងប្រទេសកម្ពុជា ហើយជាមួយគ្នានោះក៏និងធ្វើការបន្ធូរបន្ថយពន្ធក្នុងការនាំចូលពីក្រៅ ផងដែរ ក៏ដូចជាការបញ្ចុំតម្លៃទំនិញនៅលើទីផ្សារគ្រប់ប្រភេទជាពិសេសប្រេងសាំង ជីកសិកម្ម និងអគ្គសនី ដែលទាំងអស់នេះគឺជាតម្រូវការដ៏ចាំបាច់ក្នុងការប្រើប្រាស់របស់ប្រជាពលរដ្ឋខ្មែរ ដើម្បីជួយសំរួលដល់ជីវភាពរស់នៅរបស់បងប្អូន ។ ដោយយើងបានមើលឃើញថា រដ្ឋាភិបាល ដែលដឹកនាំដោយគណបក្សប្រជាជន មិនបានយកចិត្តទុកដាក់ក្នុងការបញ្ចុះតម្លៃទំនិញនៅលើទី ផ្សារជូនដល់ប្រជាពលរដ្ឋនោះឡើយ ដែលបានធ្វើឲ្យជីវភាពរបស់ប្រជាពលរដ្ឋកាន់តែក្រីក្រ និង ដុនដាបទៅៗ ដែលក្នុងម្នាក់រកប្រាក់មិនបានបួនពាន់រៀនផងក្នុងមួយថ្ងៃ ។

ចំណែកឯពួកអ្នកកាន់អំណាចបច្ចុប្បន្នបាននិងកំពុងតែសប្បាយក្នុងការកាប់បំផ្លាញព្រៃឈើ ការ សម្បទានដីធ្លី រ៉ែ និងប្រេងជាដើម ដើម្បីផលប្រយោជន៏របស់ខ្លួន ក្រុមគ្រួសារ និងបក្ខពួក​ បើទោះ បីជាករណីទាំងអស់ខាងលើនេះ ជាច្រើនដងត្រូវទទួលរងនូវការរិះគន់យ៉ាងណាក៏ដោយ ក៏​ពួក​គេ មិនខ្ចីខ្វល់ឬធ្វើការកែលំអរដើម្បីជាប្រយោជន៏រួមនោះទេ ។

គណបក្ស​ សង្គ្រោះជាតិ ដែលជាគណបក្សរបស់ប្រជាពលរដ្ឋខ្មែរអ្នកស្នេហាជាតិ ស្រលាញ់នូវ លទ្ធិប្រជាធិបតេយ្យ មានគោលនយោបាយច្បាស់លាស់ក្នុងការផ្តល់ជាផលប្រយោជន៏ជូនប្រជា ពលរដ្ឋដែលជាម្ចាស់ទឹកដី ទាំងនៅលើដីគោក ក្នុងដី និងក្នុងទឹក ជាដើម ហើយនយោបាយជាជំ ហ៊ានដំបូងដែគណបក្ស សង្គ្រោះជាតិ ត្រូវធ្វើនៅពេលឈ្នះឆ្នោត គឺការគាំពារនូវបូរណៈភាពទឹក ដីទាំងខាងលិច និងខាងកើត ក៏ដូចជាធ្វើការសើរើឡើងវិញចំពោះការបោះបង្គោលព្រំដែនជាឯក​តោភាគគីរវាងរដ្ឋាភិបាលខ្មែរ និងរដ្ឋាភិបាលក្រុងហាណូយ ការដោះស្រាយបញ្ហាវិវាទដីធ្លី រវាង​ប្រជាពលរដ្ឋ និងក្រុមហ៊ុន ដែលទទួលបានការសម្បទានពីលោក ហ៊ុន សែន ដែលបានធ្វើ​ឲ្យ​បាត់​បង់ដីធ្លីរបស់ប្រជាពលរដ្ឋអស់ជាច្រើនហិតា ដោយការរំលោភបំពានពីសំណាក់ក្រុមហ៊ុន  ឯកជនទាំងនោះ ។

លប់បំបាត់ឲ្យអស់នូវអំពើពុករលួយ បក្ខពួកនិយម និងគ្រួសារនិយម នៅគ្រប់ក្រសួងមន្ទីរ និងស្ថា ប័នផ្សេងៗ ផ្តល់ភាពយុត្តិធម៌ជូនប្រជាពលរដ្ឋយ៉ាងពិតប្រាកដ ប្រព័ន្ធយុត្តិធម៌ត្រូវតែឯករាជ្យ ដោយមិនស្ថិតនៅក្រោមអំណាចរបស់គណបក្ស ឬបុគ្គលណាម្នាក់នោះឡើយ ដែលអ្វីទាំងអស់ នេះគឺជាការចង់បានរបស់គណបក្ស សង្គ្រោះជាតិ ដែលជាគោលបំហរមិនផ្លាស់ប្តូរនោះ ។

លោក កឹម សុខា អនុប្រធានគណបក្ស សង្គ្រោះជាតិ នៅពេលខាងមុខ​ ក្នុងពិធីចុះ​ជួបសំណេះ​សំណាលជា​មួយជាមួយប្រជាពលរដ្ឋដែលជាអ្នកគាំទ្រ ចលនាប្រជាធិបតេយ្យសង្គ្រាះជាតិ ក៏​ដូច​ជាគណបក្ស សង្គ្រោះជាតិ លោកបានមានប្រសាសន៏ថា ​អ្វីដែលគណបក្ស សង្គ្រោះជាតិ ត្រូវ​ដោះ​ស្រាយជាដំបូងគេនៅពេលដែលយើងបានគ្រប់គ្រងប្រទេសដោយឆន្ទះរបស់ប្រជាពល រដ្ឋ​ហើយនោះ គឺព្រំដែន ការសម្បទានគ្រប់ប្រភេទដែលធ្វើឲ្យប៉ះពាល់ដល់ប្រយោជន៏របស់ប្រជា ពល​រដ្ឋ ការបញ្ចុះតម្លៃទំនិញនៅលើទីផ្សារ រួមជាមួយនិងបញ្ហាមួយចំនួនធំទៀត ដែលត្រូវដោះ ស្រាយជាបន្ទាន់ ដែលក្នុងនោះក៏រួមមានដីធ្លីផងដែរ ។ លោក កឹម សុខា បន្តថា ដីធ្លីដែលបងប្អូន កាន់កាប់កាលពីមុន ហើយត្រូវបានក្រុមហ៊ុន អ្នកមានអំណាច និងឈ្មួញទុច្ចរឹតរំលោភយក និង ត្រូវយកមកប្រគល់ជូនបងប្អូនវិញ ហើយដីធ្លីដែលបងប្អូនបានកាន់កាប់ត្រូវតែជាកម្មសិទ្ធិគ្មានអ្នក ណារំលោភបានឡើយ ហើយដីធ្លីដែលរដ្ឋាភិបាលបច្ចុប្បន្នបានឲ្យទៅក្រុមហ៊ុនណាដែលរំលោភ ទៅលើផលប្រយោជន៏ជាតិ និងប៉ះពាល់ដល់ផលប្រយោជន៏របស់ប្រជាពលរដ្ឋ គឺយើងត្រូវតែ ពិនិត្យធ្វើការសើរើឡើងវិញ ហើយបើប៉ះពាល់ដល់ផលប្រយោជន៏របស់ជាតិ និងផលប្រយោជន៏ របស់ប្រជាពលរដ្ឋមែននោះ យើងនិងដកហូតពីក្រុមហ៊ុនទាំងនោះដើម្បីយកមកដោះស្រាយជូន​ជាតិនិងប្រជាពលរដ្ឋដែលខ្វះដី ។

លោក កឹម សុខា បានបន្តថា យើងមិនខ្លាចធ្វើនោះទេ ព្រោះយើងធ្វើទៅតាមច្បាប់ ព្រោះច្បាប់ វិនិយោគបានចែងថា ការផ្តល់ដីសម្បទានឲ្យទៅក្រុមហ៊ុនណាមួយ មិនត្រូវឲ្យប៉ះពាល់ដល់ផល ប្រយោជន៏ជាតិ និងប៉ះពាក់ដល់ផល់ប្រយោជន៏របស់ប្រជាពលរដ្ឋនោះទេ ដែលយើងមិនទៅ​យក​របស់គេទេ អ្នកណាគេបានទទួលហើយដែលមិនបានធ្វើឲ្យប៉ះពាល់ដល់ផលប្រយោជន៏ របស់​ជាតិ និងផលប្រយោជន៏របស់ប្រជាពលរដ្ឋ គឺយើងបន្តក្នុងការគោរពសិទ្ធិរបស់គេក្នុងការវិនិ យោគ ។ ប៉ុន្តែការឲ្យដីទៅយួននៅតាមព្រំដែន គឺបានធ្វើឲ្យប៉ះពាល់នូវផលប្រយោជន៏របស់ជាតិ ហើយ និងការរំលោភយកដីពីប្រជារាស្រ្ត កសិករខ្វះដី ដេញប្រជារាស្រ្តចាប់ដាក់គុកច្រវ៉ាក់ ដូច​ជានៅបឹងកក់ ឬបូរីកីឡា និងនៅតំបន់នានាទៀតនោះជាការរំលោភ និងធ្វើឲ្យប៉ះពាល់ប្រយោជន៏ របស់ប្រជាពលរដ្ឋ ដែលយើងត្រូវពិនិត្យនិងសើរើឡើងវិញ ។ លោក កឹម សុខា បានបន្តថា នយោ​បាយរបស់យើង គឺដោះស្រាយបញ្ហាដី ជូនប្រជាពលរដ្ឋឲ្យបានយុត្តិធម៌ និងជាកម្មសិទ្ធិ ដោយគ្មានអ្នកណាមកប៉ះពាល់បានឡើយ ។

ដូចនេះសូមប្រជាពលរដ្ឋខ្មែ ឈប់អល់អែកក្នុងការចូលរួមជាមួយនិងគណបក្ស សង្គ្រោះជាតិ តទៅទៀត ព្រោះមានតែគណបក្ស សង្គ្រោះជាតិ តែមួយប៉ុណ្ណោះ ដែលជាក្តីសង្ឃឹមរបស់យើង ទាំងអស់គ្នា ដើម្បីផ្តល់នូវអ្វីដែលយើងចង់បាន និងបាត់បង់យ៉ាងអយុត្តិធម៌កាលពីមុនបានទទួល មកវិញ សូមចូលរួមជាមួយគណបក្ស សង្គ្រោះជាតិ ឲ្យបានច្រើនឡើងបន្ថែមទៀតដើម្បីជ័យជំនះ របស់យើងនៅឆ្នាំ២០១៣ ៕