ឧត្តរមានជ័យ ៖ មានករណីប៉ះទង្គិចគ្នាមួយរវាងមន្ត្រីប៉េអឹមម្នាក់នឹងអ្នកកាសែតចំនួនបីនាក់កាលពីវេលាម៉ោង០៩និង២១នាទីយប់ ថ្ងៃទី២០ ខែកញ្ញា ឆ្នាំ២០១២ នៅចំណុចខាងត្បូងរង្វង់មូលត្រពាំងប្រាសាទ ប្រមាណជាមួយគីឡូម៉ែត្រ ស្ថិតក្នុងភូមិ-ឃុំ-ស្រុកត្រពាំងប្រាសាទខេត្តឧត្តរមានជ័យធ្វើឲ្យអ្នកកាសែតចំនួន៣ នាកភ័យលោះព្រលឹង ដោយសារការប្រមាថ និងការគម្រាមបាញ់ បំបែកក្បាល ។
ឈ្មោះ ប៊ុត សាវុធ ដែលជាប៉េអឹមនៅក្នុងស្រុកត្រពាំងប្រាសាទ ត្រូវគេស្គាល់ច្បាស់ថា ជាកូនចៅរបស់លោក លី ណារិទ្ធ ជាមេបញ្ជាការកងរាជអាវុធហត្ថ ក្នុងស្រុកត្រពាំងប្រាសាទ។ ចំណែកឯអ្នកកាសែតទាំងបីនាក់រួមមាន ១-ឈ្មោះ លឺយ វិចិត្រ ភេទប្រុស ២-ឈ្មោះអឹម សុខា ភេទប្រុស និង៣-ឈ្មោះ អ៊ុត ធា ភេទប្រុស ។ បើតាមប្រភពតាមព័ត៍មានបានឲ្យដឹងថា មុនពេលកើតហេតុនោះ អ្នកកាសែតទាំងបីនាក់ខាងលើកំពុងតែ ជជែកគ្នានៅប៉ុស្តិ៍នគរបាលឃុំត្រពាំងប្រាសាទក៏ស្រាប់តែបានឃើញឡានកូរ៉េមួយគ្រឿងដឹករបស់អ្វីម្យ៉ាងដែលមានរាងដូចជាឈើ ហើយគ្របតង់ជិតបានឆ្លងកាត់ទីនោះ។
ឃើញដូច្នោះមានការសង្ស័យក៏បានតាមពីក្រោយហើយបក់ដៃអោយតៃកុងឡាននោះឈប់ដើម្បីសាកសួរព័ត៍មានទើបដឹងថា រថយន្តនោះបានដឹកឈើប្រភេទបេងដែលមានទំហំ៣០ជុំ និង៤០ជុំជាងកន្លះឡាន។ ពេលសាកសួរអ្នកបើកបរទើបដឹងថាជាឈើរបស់ឈ្មោះ ប៊ុត សាវុធ ជាមន្ត្រីប៉េអឹមក្នុងស្រុកត្រពាំងប្រាសាទ ហើយម្ចាស់រថយន្តក៏បានទូរស័ព្ទទៅឈ្មោះ វុធ នោះ ។ លុះប្រាំនាទីក្រោយមកក៍ឃើញឈ្មោះ វុធ នោះ ជិៈឡានម៉ាកឡង់គ្រីស័រពណ៌ខ្មៅបើកយ៉ាង លឿនមកឈប់ម្ខាងផ្លូវហើយជេប្រមាថអ្នក កាសែតនិងបញ្ជាឲ្យឡានដឹកឈើនោះបន្តដំណើរទៅមុខទៀត។
ឈ្មោះ វុធ បានដេញវាយអ្នកកាសែតទាំងបី នាក់នោះដោយប្រតាយប្រតប់ដណ្តើមយកកាម៉េរាតែដោយសារដណ្តើមបានត្រឹមតែពិលឈ្មោះ វុធ ក៏បានយកពិលទៅបោកចោលខ្ទេចតែម្តង។ យ៉ាងណាក៏ដោយបំណែកពិលបានខ្ទាតត្រូវជើងឆ្វេង និងដៃបណ្តាលឲ្យរបួសអ្នកកាសែតហើយ ឈ្មោះ វុធ បានឡើងទៅបើកឡានរបស់ខ្លួនដេញបុកអ្នកកាសែតឈ្មោះ លឺយ វីចិត្រ ដោយប៉ុនប៉ងសម្លាប់ តែឈ្មោះ លឺយ វីចិត្រ បានគេចខ្លួនរួច។ បន្ទាប់មកឈ្មោះ វុធ ក៍បានបើកឡានត្រឡប់ទៅផ្ទះវិញ ហើយក្រុមអ្នកកាសែត ក៍បានត្រឡប់ទៅកាន់ប៉ុស្តិ៍នគរបាលឃុំត្រពាំងប្រាសាទវិញ។
ភ្លាមៗនោះស្រាប់តែឃើញ ឈ្មោះ វុធ ជិៈឡានមកម្តងទៀតមកឈប់នឹងមុខប៉ុស្តិ៍ដោយបានជេរប្រមាថកាសែត ទាំងបីនាក់នោះទៀត ហើយប្រហែលជាយកកាំភ្លើងមកជាមួយផងព្រោះឈ្មោះ វុធ បានស្រែកគំរាមបាញ់បំបែកក្បាល។ ឃើញដូច្នោះអ្នកកាសែតទាំងបីនាក់បានរត់គេចខ្លួនអស់ព្រោះខ្លាចគេបាញ់ ហើយក្នុងហេតុការណ៍ នៅក្នុងបរិវេណប៉ុស្តិ៍នោះ ក៍មានវត្តមានក្រុមនគរបាល និងជំនាញមេព្រៃប្រចាំការនៅទីនោះដែរ ។ គួរបញ្ជាក់ដែរថា បើតាមសម្តីរបស់អ្នកកាសែតជាជនរងគ្រោះបានប្រាប់ ឲ្យដឹងថា រំលងប៉ុន្មានថ្ងៃកន្លងមក មុនពេលកើតហេតុឈ្មោះ ប៊ុតសាវុធ រូបនេះបានជិៈឡាន របស់ខ្លួនមកគំរាមបាញ់បំបែកក្បាលអ្នកកាសែតម្តងរួចមកហើយនៅចំណុចរង្វង់មូល ត្រពាំងប្រាសាទ កន្លែងលាងឡាន ដោយមានមន្ត្រី សមត្ថកិច្ច ជាច្រើនអង្គុយនៅទីនោះដែរដូចជា លោក រិន ជាដឺបេអគ្គ ប្រចាំស្រុក និងមន្ត្រីប៉េអឹម ម្នាក់ឈ្មោះ មាស ចន្ថា ។
អ្នកយកព័ត៍មានវរជនខ្មែរ បានសុំការបំភ្លឺ តាមទូរស័ព្ទពីលោក ប៊ុត សាវុធ នោះដែរតែលោកបាននិយាយថា មិនអីទេចាំជួបគ្នា ព្រោះសុទ្ធតែគ្នាយើងទេ ខ្ញុំរវល់ជួបបងៗផ្សេងសិន ។ គួររំលឹកឡើងវិញ ឈ្មោះ ប៊ុត សាវុធ ដែលជាមន្ត្រីប៉េអឹមរូបនេះ ខ្លួនជាសមត្ថកិច្ចមិនជួយការពារសុវត្ថិភាពជូនប្រជាពលរដ្ឋ បែរទៅជាប្រើភាសារអសីលធម៌ មិងដឹងថាឈ្មោះ ប៊ុត សាវុធ ចង់ស្នង តំណែងពីមន្ត្រីប៉េអឹមម្នាក់ដែលបានសម្លាប់អ្នកកាសែតនៅខេត្តរតគិរី ឬយ៉ាងណានោះឡើយ ទើបឈ្មោះ ប៊ុត សាវុធ បានប្រព្រឹត្តបែបនេះ។ ពាក់ព័ន្ឋនឹងករណីដែលមន្ត្រីប៉េអឹមឈ្មោះ ប៊ុត សាវុធ ដែលលួចរកស៊ីបទល្មើសហើយយកអំណាចនិងតួនាទីរបស់ខ្លួន មកគំរាមកំហែងដល់អ្នកយកព័ត៌មានផ្គើនទៅនឹងអនុសាសន៍របស់សម្តេចតេជោ សូមថ្នាក់លើ មេត្តាចាត់វិធានការតាមផ្លូវច្បាប់អោយបានតឹងរឹងផង ដើម្បីកុំអោយមន្ត្រីខិលខូចផ្សេងទៀតធ្វើតម្រាប់៕
No comments:
Post a Comment
yes