ភ្នំពេញ ៖ កាលពីរសៀលថ្ងៃទី២៨ ខែកញ្ញា ឆ្នាំ២០១២ ក្រុមបូមខ្សាច់របស់ សោម រស្មី និងអាជ្ញាធរពាក់ព័ន្ធកំពុង ប្រញាប់ប្រញាល់ជួសជុលឡើងវិញជា បន្ទាន់ទៅលើការខូចផ្លូវជាតិលេខ២ ក្រុមហ៊ុនបូមខ្សាច់ឃុបឃិតគ្នាជាមួយ អាជ្ញាធរចោះដាក់ទុយោបូមខ្សាច់ពីទន្លេបាសាក់យកទៅចាក់លុបបឹងជើងឯក ដែលមានផ្ទៃដីប្រមាណជិត២០ហិកតា នោះ ។
ការដ្ឋានបូមខ្សាច់មួយដ៏ធំឋិតនៅជាប់ក្រុមហ៊ុនស៊ីម៉ង់ត៍សញ្ញារូបដំរី ក្នុងភូមិ ព្រែកតាគង់ សង្កាត់ចាក់អង្រែលើ ខណ្ឌ មានជ័យ របស់ឈ្មោះ សោម រស្មី ដែល បានបូមខ្សាច់ពីទន្លេបាសាក់មិនត្រឹមតែ ធ្វើបាក់ច្រាំងប៉ុណ្ណោះ តែការចោះផ្លូវ ដើម្បីដាក់ទុយោបូមខ្សាច់ចូលខុសបច្ចេក ទេស និងមិនបានគោរពទៅតាមការ ណែនាំពីសាលារាជធានីភ្នំពេញ បណ្ដាល ឱ្យកំណាត់ផ្លូវជាតិលេខ២ចំណុចភូមិព្រែក តាគង់ មានករណីបែកធ្លាយទុយោបូម ខ្សាច់និងប៉ោងស្រុតផ្លូវខូចខាតយ៉ាង ដំណំ ។ អាជ្ញាធរនិងក្រុមឈ្មួញកំពុង ព្រួយបារម្ភខ្លាចមានការស្ដីបន្ទោសណា មួយពីសាលារាជធានីភ្នំពេញ ។
ប្រជាពលរដ្ឋបាននិយាយថា ការបូម ខ្សាច់នៅចំកណ្ដាលក្រុងភ្នំពេញនេះ ហាក់ដូចជាមិនបានអនុលោមទៅតាមបច្ចេកទេស ដូច្នេះ ធ្វើឱ្យផ្លូវជាតិលេខ២ ដ៏ធំដែលស្ថាបនាឡើងដោយថវិការបស់ជាតិ ត្រូវបានខូចជាបណ្ដើរៗ ។ ម្យ៉ាងវិញ ទៀត ការបូមខ្សាច់ចាក់លុបផ្ទៃបឹងជើងឯក នៅមុខផ្សារប៉េសេ ក៏បណ្ដាលឱ្យមាន ការជន់លិចទៅលើផ្ទះប្រជាពលរដ្ឋ ពេលដែលជំនន់ទឹកភ្លៀងបានកើតឡើង ដូច្នេះអាជ្ញាធរដែលពាក់ព័ន្ធគួរមានវិធានការទប់ស្កាត់ ពីព្រោះឥទ្ធិពលរបស់ឈ្មួញ សោម រស្មី មិនដឹងជាសែស្រឡាយថ្នាក់ ដឹកនាំណាមួយទេ បន្ទាប់ពីធ្វើឱ្យផ្លូវជាតិ លេខ២ បង្កឡើងដោយការបូមខ្សាច់របស់ ខ្លួន បែរជាអាជ្ញាធរមូលដ្ឋានមិនអើពើ និងចាត់ទុកថាជារឿងតូចតាចទៅវិញ ដូច្នេះការជួសជុលឡើងវិញផ្លូវជាតិ លេខ២ដែលខូចដោយសារការបូមខ្សាច់ របស់ សោម រស្មី ពិតជាមិនអាចមាន លក្ខណៈល្អឡើងវិញ ព្រោះការជួសជុល នេះគ្រាន់តែធ្វើឱ្យរួចពីដៃ កុំឱ្យថ្នាក់លើ មើលឃើញពីការធ្វេសប្រហែសរបស់ អាជ្ញាធរតែប៉ុណ្ណោះ ៕
No comments:
Post a Comment
yes