ខេត្ដសៀមរាប ៖ រោងសិប្បកម្មកែច្នៃ ឈើល្មើសច្បាប់រាប់សិបកន្លែងបានកើត ឡើងយ៉ាងច្រើនសន្ធឹកសន្ធាប់ ដោយមាន ការបើកភ្លើងខៀវពីសមត្ថកិច្ចជំនាញរដ្ឋបាលព្រៃឈើប្រចាំតំបន់ស្រែណូយ ដែលពោរពេញដោយបទល្មើសព្រៃឈើគ្រប់ ប្រភេទ និងរោងសិប្បកម្មកែច្នៃឈើល្មើស ច្បាប់យ៉ាងអនាធិបតេយ្យនេះ ស្ថិតនៅ ក្នុងដែនសមត្ថកិច្ចរដ្ឋបាលព្រៃឈើ ដែល គ្រប់គ្រងដោយលោក លី សុផា នាយរងសង្កាត់រដ្ឋបាលព្រៃឈើស្រែណូយ ពិសេស ស្ថិតនៅក្នុងដែនសមត្ថកិច្ចគ្រប់គ្រងរួម ដោយលោក សេង វឿត នាយផ្នែករដ្ឋបាលព្រៃឈើក្រឡាញ់ទទួលបន្ទុក៤ស្រុក។
បើតាមសេចក្ដីរាយការណ៍ពីតំបន់ ស្រែណូយ បានឱ្យដឹងថារោងសិប្បកម្មកែ ច្នៃឈើល្មើសច្បាប់នៅភូមិសាស្ដ្រស្រែ ណូយមានមិនក្រោម៥០កន្លែងនោះ ឡើយ សុទ្ធតែល្មើសច្បាប់កំពុងតែដំណើរ ការកែច្នៃឈើល្មើសច្បាប់ តាំងពីយូរឆ្នាំ មកហើយ រហូតទល់ពេលនេះ ដោយ មានការបើកភ្លើងខៀវពីលោក សេង វឿត និងសមត្ថកិច្ចជំនាញ ក្រោមឱវាទប្រចាំតំបន់ស្រែណូយ។
ប្រភពដដែលបានបន្ដថា ក្រោយពីគេកែច្នៃរួចរាល់ហើយក៏ដឹកចេញយក មកលក់នៅឯទីរួមក្រុងសៀមរាបតាម រយៈរថយន្ដតូរីស,នីសាន់ដោយបង់ ក្បាលឡានឱ្យសមត្ថកិច្ច នៅតាមដងផ្លូវ ជាហូរហែរហូតដល់ក្រុងសៀមរាប ពិសេស សមត្ថកិច្ចជំនាញ។
ប្រភពពីឈ្មួញតូចតាចបាននិយាយថា គ្រឿងសិប្បកម្មកែច្នៃនៅស្រែណូយ ក្រោយពីកែច្នៃរួចរាល់ហើយនោះគេមាន មេឈ្មួញជើងខ្លាំងចំនួនពីរនាក់គឺឈ្មោះ ឃីមជាអ្នកកាងដឹកជញ្ជូនចូលមកក្រុងសៀម រាបបានយ៉ាងសេរីគ្មានសមត្ថកិច្ចជំនាញ មួយណាហ៊ានប៉ះនោះឡើយព្រោះពួកគេ ធ្លាប់រត់ការបង់លុយឱ្យសមត្ថកិច្ចតាម ដងផ្លូវយូរឆ្នាំមកហើយ។ ដោយឡែកនៅឯ ស្រុកអង្គរជុំវិញក៏មានដេប៉ូឈើ២កន្លែង កំពុងទិញឈើល្មើសច្បាប់ពីតំបន់ ស្រែណូយនិងតំបន់ផ្សេងៗមកលក់ដូរ យ៉ាងអនាធិបតេយ្យដោយគ្មានការទប់ ស្កាត់និងបង្ក្រាបពីលោកនាយផ្នែកព្រៃ ឈើ សេង វឿត នោះទេ។
ប្រភពដដែលបន្ដថា ថៅកែដេប៉ូឈើ ២កន្លែងនេះ មានឈ្មោះ តាណាំ និងតាចោត ដែលបច្ចុប្បន្នកំពុងទិញឈើល្មើស ច្បាប់រាប់ពាន់ម៉ែត្រគូប (គ្មានប៉េសេ) ធ្វើការលក់ដូរចូលមកក្រុងសៀមរាបនិង ទៅខេត្ដបន្ទាយមានជ័យយ៉ាងរលូន។
លោក ណាំ ថៅកែដេប៉ូឈើ នៅស្រុក អង្គរជុំ បានឱ្យដឹងថា នៅតំបន់នេះមិន មានដេប៉ូណាទិញឈើមាន ប៉េសេនោះទេ សូម្បីតែឈើក្រុមហ៊ុននានា ដែលយក មកលក់ឱ្យរាប់រយម៉ែត្រគូបក៏គ្មានប៉េ សេមួយសន្លឹកឱ្យគាត់ផង។
ថៅកែរូបនេះបន្ដថា ការដែលគាត់ លក់ឈើគ្មានប៉េសេ បានរហូតដល់ពេលនេះ គឺរូបគាត់បានបង់លុយឱ្យជំនាញគ្រប់ ស្ថាប័នទើបគាត់លក់ដូរបានហើយ ម្យ៉ាងទៀត រាល់គេដឹកឈើចូលមកក៏បាន បង់លុយតាមដងផ្លូវហើយដែរ។
លោក សេង វឿត នាយផ្នែករដ្ឋបាលព្រៃឈើក្រឡាញ់ ធ្លាប់បានឱ្យអ្នកកាសែតដឹងថា ចំពោះរោងសិប្បកម្មនៅតំបន់ ស្រែណូយសុទ្ធតែមានច្បាប់ ហើយឈើដែលកែច្នៃ ទិញឈើពីក្រុមហ៊ុនដីសម្បទាន។ ចំណែកដេប៉ូឈើនៅស្រុកអង្គរជុំក៏សុទ្ធ តែមានច្បាប់ទិញឈើក្រុមហ៊ុនលក់។
ទោះបីលោកនាយផ្នែកធ្លាប់បានអះ អាងបែបនេះក្ដីក៏ប្រភពច្បាស់ការណ៍ពី តំបន់ស្រែណូយនិយាយថា រោងសិប្បកម្ម កែច្នៃឈើនៅតំបន់ស្រែណូយ សុទ្ធតែបាន ទិញឈើល្មើសច្បាប់ពីតំបន់អូរអាកុក និងតំបន់ខេត្ដព្រះវិហារតាមរយៈរថយន្ដ សាំយ៉ុង តូរីស ១២កៅអី នីសាន់ សុទ្ធតែ ឈើកាប់ប្រភេទបេង, ធ្នង់, នាងនួន រាប់សិបម៉ែត្រគូបចំណែកដេប៉ូឈើនៅ ស្រុកអង្គរជុំ ក៏បានទិញឈើល្មើសច្បាប់ពី តំបន់ប៉ែកខាងលើនៃខេត្ដឧត្ដរមានជ័យ, ព្រះវិហារ រាប់សិបឡានខ្នាតយក្សដែរ ៕
No comments:
Post a Comment
yes