លោក សម រង្ស៊ី ប្រធានគណបក្ស សង្គ្រោះជាតិ
គណបក្ស សង្គ្រោះជាតិ ដែលកើតចេញពីការរួមបញ្ចូលគ្នាជាសម្លេងតែមួយរវាងអ្នកប្រជាធិបតេយ្យ
និងអ្នកប្រជាធិបតេយ្យ កំពុងតែមានប្រជាប្រិយភាពនៅក្នុងឆាកនយោបាយរបស់ប្រទេស កម្ពុជា ហើយជាមួយគ្នានោះប្រជាពលរដ្ឋខ្មែរដែលជាអ្នកស្នេហាជាតិ
បាននិងកំពុងតែចូលរួមជាមួយនិងគណបក្ស សង្គ្រោះជាតិ យ៉ាងច្រើនកុះករផងដែរ ។
សន្ទុះនៃការគាំទ្ររបស់ប្រជាពលរដ្ឋខ្មែរ កមលើគណបក្ស សង្គ្រោះជាតិ
កាន់តែច្រើនឡើងពីមួយ ថ្ងៃទៅមួយថ្ងៃបែបនេះ
បានធ្វើឲ្យគណបក្សប្រជាជនកាន់អំណាចសព្វថ្ងៃកំពុងតែមានការភ័យខ្លាចពីការចាញ់ឆ្នោតរបស់ខ្លួននៅឆ្នាំ២០១៣
ព្រោះប្រជាពលរដ្ឋខ្មែរលែងមានជំនឿលើការដឹកនាំ ប្រទេសជាតិរបស់គណបក្សមួយនេះទៀតហើយ
ដោយសារតែពួកគាត់រស់នៅក្រោមការគ្រប់គ្រងរបស់គណបក្សប្រជាជនជាង៣០ឆ្នាំមកនេះ
បានធ្វើឲ្យពួកគាត់រងទុក្ខវេទនាគ្មានទីបញ្ចប់ រួមជាមួយនិងសម្បត្តិធនធានធម្មជាតិក៏បានបាត់បង់ស្ទើរតែសូន្យ
ចំណែកឯទឹកដីវិញត្រូវបានបាត់បង់បន្តិចម្តងៗទៅប្រទេសជិតខាងតាមរយៈការបោះបង្គោលព្រំដែន
និងការសម្បទានដីសេដ្ឋកិច្ច
ជាមួយគ្នានោះរដ្ឋាភិបាលសព្វថ្ងៃបានបើកដៃឲ្យជនអន្តោប្រវេសន៏យួនខុសច្បាប់ហូរចូលមក
ក្នុងប្រទេសកម្ពុជាកាន់តែច្រើនឡើង ដោយពុំមានការទប់ស្កាត់នោះឡើយ ។
ការកើតឡើងនៃគណបក្ស សង្គ្រោះជាតិ ដែលជាគណបក្សអ្នកប្រជាធិបតេយ្យ និងជាគណបក្ស
របស់ប្រជាពលរដ្ឋគ្រប់រូប មិនត្រឹមតែទទួលបានការគាំទ្រពីសំណាក់ប្រជាពលរដ្ឋខ្មែររស់នៅក្នុង
ស្រុកនោះទេ សូម្បីតែប្រជាពលរដ្ឋរស់នៅក្រៅស្រុកក៏មានការគាំទ្រយ៉ាងខ្លាំងផងដែ
ជាមួយគ្នា នោះអន្តរជាតិក៏បានចូលរួមសារទរជាមួយប្រជាពលរដ្ឋខ្មែរដែលជាអ្នកស្នេហាជាតិ
ក្នុងការបង្កើតបានគណបក្ស សង្គ្រោះជាតិ ព្រោះពួកគេក៏ចង់ឲ្យប្រទេសកម្ពុជាមានការផ្លាស់ប្តូរផងដែរ
មិនចង់ឲ្យមានការគ្រប់គ្រង់ប្រទេសមនុស្សតែម្នាក់បែបនេះឡើយ ។ ដោយសារតែការគ្រប់គ្រងប្រទេស
មនុស្សតែម្នាក់បែបនេះ គឺមិនបានធ្វើឲ្យប្រទេសនោះមានការរីកចំរើននោះទេ ហើយវាថែមទាំងធ្វើប្រទេសមួយនេះពោរពេញទៅដោយអំពើពុករលួយផងដែរ
។
សូមរំលឹកជូនថា កាលពីពេលកន្លងទៅលោក សម រង្ស៊ី ដែលកាលណោះជាប្រធានគណបក្ស សម
រង្ស៊ី និងឥឡូវបានក្លាយទៅជាប្រធានគណបក្ស សង្គ្រោះជាតិ លោកធ្លាប់បានលើកឡើងថា
របត់នយោបាយនៅក្នុងពិភពលោក គឺកុំពុងតែមានការប្រែប្រួលអស់ហើយ
ជាមួយគ្នានោះអ្នកកាន់អំណាចផ្តាច់ការ និងដឹកនាំប្រទេសដែលមានរយៈពេលយូរនោះក៏បាននឹងកំពុងតែធ្លាក់ចេញពីអំណាចជាបណ្តើរៗហើយផងដែរ
ដោយសារតែប្រជាពលរដ្ឋនៅប្រទេសនោះគេមិនចង់
ឃើញការដឹកនាំប្រទេសដោយមនុស្សតែម្នាក់ដែលមានរយៈពេលយូរឡើយ ព្រោះការគ្រប់គ្រងប្រទេសដែលមានរយៈពេលយូររបស់បុគ្គនោះមិនបានធ្វើឲ្យប្រទេសជាតិមានការរីកចំរើននោះទេ
ដូចនេះហើយប្រជាពលរដ្ឋដែលរស់នៅតាមបណ្តាប្រទេសដែលមានអ្នកគ្រប់គ្រងយូរក្រាញ់ និងអំណាចបាននាំគ្នាធ្វើបាតុកម្មទំលាក់
ដែលគេហៅថាបដិវត្តន៏ផ្កាឈូក ក៏ដូចជាបដិវត្តន៏ផ្កាម្លិះ នោះ ។ លោក សម រង្ស៊ី
បានបន្តថា ចំណែកឯប្រជាពលរដ្ឋរបស់យើងក៏ដូចគ្នាផងដែរ គឺនៅក្នុងចិត្តរបស់ពួកគាត់ ចង់ឲ្យមានការផ្លាស់ប្តូរយ៉ាងខ្លាំង
តែប្រទេសរបស់យើងគឺខុសទៅនិងប្រទេសនៅបច្ចឹមប្រទេសទាំងនោះ ដែល
ការផ្លាស់ប្តូរអ្នកដឹកនាំមុខដដែលៗនៅក្នុងប្រទេសរបស់យើងគឺប្រព្រឹត្តទៅដោយសន្តិវិធីតាមរយៈការបោះឆ្នោត
ព្រោះប្រទេសកម្ពុជា ជាប្រទេសដែលប្រកាន់យករបបប្រជាធិបតេយ្យ សេរីពហុពបក្ស ។
ជាមួយគ្នានោះលោក សម រង្ស៊ី
ក៏បានធ្វើការទាមទារឲ្យការបោះឆ្នោតត្រូវតែប្រព្រឹត្តទៅដោយ
សេរី ត្រឹមត្រូវ និងយុត្តិធម៌ផងដែរ
ព្រោះគណកម្មធិការជាតិរៀបចំការបោះឆ្នោតដែលមានលោក អ៊ឹម សួស្តី ជាប្រធាន និងលោក ទេព
នីថាជាអគ្គលេខាធិការត្រូវបានគេមើលឃើញថា ជាឧបករណ៏នយោបាយឲ្យគណបក្សប្រជាជន
ដែលកុំពុងតែកាន់អំណាចសព្វថ្ងៃ ដែលហ៊ានធ្វើអ្វីៗគ្រប់បែបយ៉ាងដោយមិនខ្វល់ពីការរិះគន់ពីគ្រប់មជ្ឈដ្ឋានឡើយ
ដោយធ្វើយ៉ាងណាដើម្បីឲ្យគណបក្សប្រជាជនរបស់លោក ហ៊ុន សែន ឈ្នះតែឯង ឈ្នះជានិច្ច
និងឈ្នះជារៀងរហូត សូម្បីតែអនុសាសន៏របស់អន្តរជាតិក៏ពួកគេមិនដែលខ្វល់យកត្រចៀកស្តាប់
ហើយអនុវត្តតាមឡើយ ព្រោះដើម្បីការពារអំណាចនឹងតំណែងរបស់ពួកគេផងដែរ ។
សូមជំរាបជូនថា ទាក់ទងទៅនិងការទាមទារឲ្យមានការផ្លាស់ប្តូរសមាសភាពរបស់គណកម្មាធិការជាតិរៀបចំការបោះឆ្នោត
និងការកែប្រែនីតិវិធីដ៏ស្មុកស្មាញនេះ កាលពីថ្ងៃទី១៤ ខែកញ្ញា ឆ្នាំ២០១២
កន្លងទៅថ្មីៗលោក សម រង្ស៊ី ដែលជាប្រធានគណបក្ស សង្គ្រោះជាតិ បានអញ្ជើញទៅ
ទេសកម្ពុជា
និងការរៀបចំបោះឆ្នោតនៅពេលខាងមុខ
ឲ្យមានភាពសេរី ត្រឹមត្រូវ
និងយុត្តិធម៌ ។
គួររំលឹកជូនផងដែរថា កាលពីថ្ងៃទី១០ ខែកញ្ញា ឆ្នាំ២០១២ លោក សម រង្ស៊ី បានអញ្ជើញទៅប្រទេសហ្វីលីពីន ដើម្បីចូលរួមក្នុងវេទិកាដែលរៀបចំឡើងដោយគណកម្មាធិការសភាអន្តរជាតិ ដើម្បីការបោះឆ្នោតដោយសេរី និងយុត្តិធម៌នៅកម្ពុជា
ហៅកាត់ថា IPCDEC ។ IPCDEC ដឹកនាំដោយព្រឹទ្ធសមាជិករបស់ហ្វីលីពីន លោក ហ្វ្រែនឃ្លីន ឌ្រីលុន ហើយការរៀបចំវេទិកានេះ ក៏មាន
ការអញ្ជើញចូលរួមពីបណ្តាថ្នាក់ដឹកនាំនៃប្រទេសហ្វីលីពីន
ដូចជាលោក នឺរ៉េក អាកូស្តា
ទីប្រឹក្សាប្រធានាធិបតីហ្វីលីពីន សមាជិកសភាលោក ជឺរី ទ្រេនណាស និងប្រធានមូលនិធិ FNF ប្រចាំតំបន់ឈ្មោះ ជូលីស ម៉ាអាតាន់ លោកស្រី ជូឡុង សូមួរ៉ា និងលោក យឹម សុវណ្ណ
សមាជិកសភា
ភាគីកម្ពុជា
និងសមាជិកចូលរួមជាច្រើនទៀតមកពីប្រទេសក្នុងសហគមន៏អ៊ឺរ៉ុប និងប្រទេសក្នុងតំបន់អាស៊ីប៉ាស៊ីហ្វិក ។ វេទិការប្រជុំនេះគឺបានផ្តោតជាសំខាន់បំផុត
លើដំណើរការបោះឆ្នោតដោយសេរី និងយុត្តិធម៌ ក្នុងប្រទេសកម្ពុជានៅឆ្នាំ២០១៣ខាងមុខ ។ បណ្តាប្រទេសដែលចូលរួមបានសម្តែងនូវការប្តេជ្ញាចិត្តទាំងអស់គ្នាថា ត្រូវតែរួមគ្នាធ្វើយ៉ាងណាជំរុញឲ្យលិទ្ធិប្រជាធិបតេយ្យក្នុងប្រទេសកម្ពុជា មិនដើរថយក្រោយ
ពោលគឺការរៀបចំបោះឆ្នោតនៅពេលខាងមុខនេះ ត្រូវតែមានភាពសេរី ត្រឹមត្រូវ
និងយុត្តិធម៌ ហើយវត្តមានរបស់លោក សម រង្ស៊ី គឺជារឿងដែលមិនអាចរំលងបានជាដាច់ខាត ។ អ្វីទាំងអស់នេះគឺជាកិច្ចខិតខំប្រឹងប្រែងមួយទៀតរបស់ប្រទេសហ្វីលីពីនក្នុងនាមជាប្រធាន IPCDEC ដើម្បីការបោះឆ្នោតក្នុងប្រទេសកម្ពុជា
បន្ទាប់ពីមន្ត្រីតំណាងអង្គការសហប្រជាជាតិ បានធ្វើការរិះគន់ និងលើកជាអនុសាសន៏ក្នុងរឿងដូចគ្នានេះដែរ
កាលពីប៉ុន្មានសប្តាហ៏មុននៅកម្ពុជា ។
សូមជំរាបថា នៅប្រទេសកម្ពុជាឯណេះវិញ
យុទ្ធនាការទាមទារឲ្យមានការដូរដុះក្បាលម៉ាស៊ីន គណកម្មាធិការជាតិរៀបចំការបោះឆ្នោត ក៏កំពុងធ្វើសកម្មភាពយ៉ាងសកម្មផងដែរ ដោយគណបក្សប្រឆាំងនាពេលបច្ចុប្បន្ននេះ បានស្នើសុំយ៉ាងដាច់ខាតឲ្យមានការកែទំរង់គណកម្មាធិការជាតិរៀបចំការបោះឆ្នោត
ដោយស្នើឡើងនូវនិតិវិធីមួយចំនួនផងដែរ ដើម្បីធានាពីតម្លាភាព និងអព្យាក្រឹតភាពរបស់មន្ត្រីគ្រប់ជាន់ថ្នាក់នៃគណកម្មាធិការជាតិរៀបចំការបោះឆ្នោត
តាំងពីថ្នាក់លើរហូតដល់ថ្នាក់មូលដ្ឋាន ។
បើទោះបីមានការឆ្លើយតបបែបអវិជ្ជមានពីក្រសួងមហាផ្ទៃកាលពីពេលកន្លងទៅ ដោយបានច្រានចោលសំណើរសុំធ្វើការរៀបចំសមាសភាពគណកម្មាធិការជាតិរៀបចំការបោះឆ្នោតគ្រប់លំដាប់ថ្នាក់ក៏ដោយ ប៉ុន្តែជាថ្មីម្តងទៀតគណបក្សប្រឆាំងទាំងពីរគឺគណបក្ស សម រង្ស៊ី
និងគណបក្សសិទ្ធិមនុស្ស បានស្នើឡើងជាថ្មីម្តងទៀត ដើម្បីបានជួបជាមួយតំណាងក្រសួងមហាផ្ទៃ
ហើយនឹងធ្វើកិច្ចពិភាក្សាគ្នា លើនិតិវិធីដែលស្នើឡើង និងហេតុផលដែលក្រសួងមហាផ្ទៃបានលើកមកអះ
អាង។
អ្នកតាមដានបានលើកឡើងថា ជាការពិតអ្វីដែលក្រសួងមហាផ្ទៃបានធ្វើនេះ
គឺបានបង្ហាញពីឆន្ទៈមិនចង់ធ្វើការកែទំរង់គណកម្មាធិការជាតិរៀបចំការបោះឆ្នោត
ព្រោះគណកម្មាធិការជាតិរៀបចំ
ការបោះឆ្នោត គឺជាឧបករណ៏រកសម្លេងឈ្នះឲ្យគណបក្សកាន់អំណាចសព្វថ្ងៃ
ប៉ុន្តែទោះជាយ៉ាងណាក៏ដោយ បើស្ថានការណ៏នេះនៅតែបន្តនោះការបោះឆ្នោតនៅពេលខាងមុខ នឹងមិនអាចរៀបចំដោយត្រឹមត្រូវឡើយ
ហើយលទ្ធផលក៏ពុំមានការទទួលស្គាល់ផងដែរ ។ ដែលនៅពេលនេះទាំងអន្តរជាតិ ក៏បាននឹងកំពុងតែយកចិត្តទុកដាក់ និងអន្តរាគមន៏ ហើយគណបក្សប្រឆាំងទៀតសោត ក៏កំពុងពិចារណាលើលទ្ធភាពចូលរួមការបោះឆ្នោតនៅពេលខាងមុខនោះដែរ ។ ការបោះឆ្នោតណាដែលគ្មានការចូលរួមពីសំណាក់គណបក្សប្រឆាំង គឺជាការបោះឆ្នោតដែលឥតបានការ និងគ្មានតម្លៃ ហើយរដ្ឋាភិបាលដែលកើតចេញពីការបោះឆ្នោតរបៀបនេះ គឺជារដ្ឋាភិបាលដែលខុសច្បាប់ ៕
No comments:
Post a Comment
yes