លោក សម រង្ស៊ី ប្រធានគណបក្ស សង្គ្រោះជាតិ
លោក សម រង្ស៊ី ប្រធានគណបក្ស សង្គ្រោះជាតិ
ដ៏មានប្រជាប្រិយភាព
ដែលជាបេក្ខជននាយករដ្ឋមន្រ្តីសម្រាប់ការបោះឆ្នោតឆ្នាំ២០១៣ខាងមុខនេះ
គ្រប់មជ្ឈដ្ឋានគឺចង់ឃើញវត្តមាន របស់លោកនៅលើទឹកដីនៃប្រទេសកម្ពុជា
មុនការបោះឆ្នោតឆ្នាំ២០១៣ចូលមកដល់ ។
លោក សម រង្ស៊ី ត្រូវបានមហាជនទូទៅទទួលស្គាល់ថា
ជាអ្នកប្រជាធិបតេយ្យ និងជាវីរបុរស ស្នេហាប្រទេសជាតិ ទឹកដី
និងស្រលាញ់ប្រជាពលរដ្ឋកម្ពុជាយ៉ាងពិតប្រាកដ ។ ដោយហេតុថា រូបលោកបានខិតខំបំពេញបេសកកម្មការងារជាច្រើន
គឺដើម្បីប្រយោជន៏របស់ប្រទេសជាតិ និងប្រជាពលរដ្ឋ ជាពិសេសពេលបច្ចុប្បន្ននេះ
លោកកំពុងតែជាប់បំពេញបេសកកម្មការងារនៅតាមបណ្តាប្រទេសនានា
ដើម្បីស្វែងរកការអន្តរាគមន៏ពីអន្តរជាតិ ក្នុងការដាក់គំនាបមកលើរដ្ឋាភិបាលសព្វថ្ងៃ
ឲ្យគោរពសិទ្ធិរបស់ប្រជាពលរដ្ឋ និងការវិលត្រឡប់មកប្រទេសកម្ពុជា វិញរបស់លោក ដើម្បីដឹកនាំគណបក្ស សង្គ្រោះជាតិ
និង ចូលរួមក្នុងការបោះឆ្នោតដោយពេញលិញ និងគ្មានលក្ខ័ណ្ឌនៅឆ្នាំ២០១៣
ជាពិសេសគឺការធ្វើយ៉ាងណាឲ្យមានការផ្លាស់ប្តូរសមាសភាព គ.ជ.ប ផងដែរ ។ ដើម្បីឲ្យការបោះឆ្នោតនៅក្នុងប្រទេសកម្ពុជាចាប់ពីឆ្នាំ២០១៣តទៅនេះ
ប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាមឆន្ទៈរបស់ប្រជាពលរដ្ឋ ។
ក្នុងបេសកកម្មរបស់លោក សម រង្ស៊ី ជុំវិញករណីទាំងអស់នេះ ក៏ដូចជាបញ្ហាសំខាន់ៗមួយចំនួនទៀត
គឺត្រូវបានអន្តរជាតិសម្តែងនូវការចាប់អារម្ភ និងសសើរចំពោះវីរភាពរបស់លោកក្នុងការតស៊ូដើម្បីទាមទារ
និងស្វែងរកសិទ្ធិសេរីភាព និងលទ្ធិប្រជាធិបតេយ្យពិតប្រាកដ ជូនជាតិ
និងប្រជាពលរដ្ឋកម្ពុជា ។
ដោយមើលឃើញពីភាពអង្គអាចក្លាហាន
និងការខិតខំតស៊ូរបស់លោកបែបនេះហើយ បានធ្វើ
ឲ្យប្រជាពលរដ្ឋខ្មែរ
មានការចាប់អារម្ភនិងគាំទ្រមកលើរួបលោកកាន់តែច្រើនឡើងៗ ពីមួយថ្ងៃ ទៅមួយ
ក្នុងការមកចូលរួមជាមួយនិងគណបក្ស សង្គ្រោះជាតិ ដែលជាគណបក្សថ្មីរបស់អ្នក
ប្រជាធិបតេយ្យ ដែលបានកើតឡើងក្រោយពីការរួមបញ្ចូលគ្នាជាសម្លេងតែមួយរវាងគណបក្ស សម
រង្ស៊ី និងគណបក្ស សិទ្ធិមនុស្ស កាលពីពាក់កណ្តាលខែកក្កដា ក្នុងឆ្នាំ២០១២នេះ ។
ប្រជាប្រិយរបស់លោក សម រង្ស៊ី បានធ្វើឲ្យគណបក្សកាន់អំណាច កាន់តែមានការភ័យខ្លាច
ខ្លាំងឡើងៗ ពីការចាញ់ឆ្នោតរបស់ខ្លួននៅឆ្នាំ២០១៣ខាងមុខនេះ
ព្រោះពួកគេក៏បានដឹងពីពន្លឺរបស់ខ្លួនទាំងអស់នេះរួចទៅហើយផងដែរ
ថានៅឆ្នាំ២០១៣ប្រជាពលរដ្ឋនិងលែងគាំទ្រមកលើគណបក្សរបស់ខ្លួនទៀតនោះ ។ ប្រការទាំងអស់នេះហើយ
បានធ្វើឲ្យគណបក្សកាន់អំណាចបានរកគ្រប់វិធានការ
និងប្រើគ្រប់ល្បិចកលដើម្បីបិទផ្លូវលោក សម រង្ស៊ី
មិនឲ្យវិលត្រឡប់ចូលមកក្នុងមាតុប្រទេសវិញបាន ដោយយកលេស និងប្រើតុលាការដែលជាអាយ៉ាងប្រកាសដាក់ទោសរូបលោកឲ្យជាប់ពន្ធនាគារជាច្រើនឆ្នាំ
ក្នុងការដែលលោកបានធ្វើការងារសំខាន់ៗ ជូនជាតិ និងប្រជាពលរដ្ឋ
មិនឲ្យទឹកដីបាត់បង់ទៅប្រទេសជិតខាងតាមរយៈការបោះបង្គោល ព្រំដែន
និងការរំលោភលើសិទ្ធិលំនៅដ្ឋាន និងដីធ្លីរបស់ប្រជាពលរដ្ឋនោះ ។
ចំពោះករណីរបស់លោក សម រង្ស៊ី ខាងលើនេះ មតិនានាទាំងជាតិ
និងអន្តរជាតិបានលើកឡើងថា លោក សម រង្ស៊ី មិនមែនជាទណ្ឌិតដូចអ្វីដែលរដ្ឋាភិបាល បានចោទប្រកាន់មកលើរូប
លោកនោះទេ តែផ្ទុយទៅវិញលោកគឺជា វីរបុរស ក្នុងការការពារទឹកដី ពីការរំលោភបំពានយក
ពីសំណាក់ប្រទេសជិតខាង និងជាអ្នកការពារសិទ្ធិប្រជាពលរដ្ឋយ៉ាងអង្គអាចក្លាហាន និងដ៏
សកម្ម ដោយលោកមិនខ្លាចអ្វីទាំងអស់ ធ្វើយ៉ាងណាឲ្យតែជាតិ ទឹកដី បាននៅគង់វង្ស
និងប្រជាពលរដ្ឋរស់នៅបានសុខសាន្ត ហើយរឿងរបស់លោកគឺជារឿងនយោបាយសុតសាធ ។
ដូចនេះពួកគេបានធ្វើការទាមទារឲ្យរដ្ឋាភិបាលបើកផ្លូវឲ្យលោក សម រង្ស៊ី
បានវិលត្រឡប់ចូល មកក្នុងប្រទេសកម្ពុជាវិញដោយសុវត្ថភាព
ដើម្បីបន្តជីវិតនយោបាយរបស់លោកជាបន្តទៀត
។
សូមជំរាបជូនផងដែរថា ជុំវិញទៅនិងករណីខាងលើ
នៅរយៈពេលចុងក្រោយនេះ អង្គការសង្គមស៊ីវិលនៅក្នុងប្រទេសកម្ពុជា ក៏បានអះអាងឲ្យដឹងផងដែរថា
ពួកគេក៏បាននិងកំពុងតែគិតគូរ និងពិភាក្សាគ្នាអំពីការធ្វើញាត្តិរួមគ្នាមួយនៅចុងឆ្នាំ២០១២នេះ
ដើម្បីដាក់ជូនប្រមុខរាជរដ្ឋាភិបាលកម្ពុជា ក្នុងការអនុញ្ញាតឲ្យលោក សម រង្ស៊ី ប្រធានគណបក្សសង្គ្រោះជាតិ
បានវិលចូលមកក្នុងប្រទេសកម្ពុជាវិញ ដើម្បីចូលរួមការប្រកួតប្រជែង ក្នុងការបោះឆ្នោតជ្រើសតាំងអ្នកតំណាងរាស្ត្រនៅឆ្នាំ២០១៣
ព្រោះលោក សម រង្ស៊ី គឺជាបេក្ខភាពនាយករដ្ឋមន្រ្តី ។
លោក សួន ប៊ុនស័ក្តិ ប្រធានលេខាធិការដ្ឋានគណៈកម្មាធិការប្រព្រឹត្តិកម្មការពារសិទ្ធិមនុស្សកម្ពុជា
បានមានប្រសាសន៏ឲ្យដឹងថា ពេលនេះ មានមន្ត្រីអង្គការសង្គមស៊ីវិលកម្ពុជា បានលើកឡើងនូវគំនិតមួយចំនួនរួចហើយថា
អង្គការសង្គមស៊ីវិលទាំងអស់គួរតែរួបរួមគ្នា អង្គុយជាមួយគ្នា ដើម្បីបញ្ចេញសារធ្វើយ៉ាងណា
ស្វែងរកដំណោះស្រាយឲ្យលោក សម រង្ស៊ី ដែលជាប្រធានគណបក្ស សង្គ្រោះជាតិ បានវិលមកចូលរួមក្នុងការបោះឆ្នោតជាតិ
នៅឆ្នាំ២០១៣ខាងមុខនេះ ។ លោកបន្តថា ជាទូទៅសង្គមស៊ីវិលយើង គឺចង់ឲ្យមានការរួបរួមគ្នា
នៅក្នុងក្របខណ្ឌនយោបាយ ដើម្បីជាផលប្រយោជន៏សម្រាប់ប្រទេសជាតិ និងប្រជាពលរដ្ឋខ្មែរទាំងមូល
។
ចំណែកឯលោក ស៊ុន ឆ័យ
ដែលជាប្រធានក្រុមអ្នកតំណាងរាស្រ្តគណបក្ស សម រង្ស៊ី លោក
បានមានប្រសាសន៏ឲ្យដឹងចំពោះការគាំទ្ររបស់អង្គការជាតិ និងអន្តរជាតិ ក្នុងការចង់ឃើញ
វត្តមានរបស់លោក សម រង្ស៊ី នៅក្នុងប្រទេសកម្ពុជាថា ទាំងអស់នេះគឺជាការទាមទាររកយុត្តិ
ធម៌ឲ្យលោក សម រង្ស៊ី និងឲ្យគណបក្សប្រឆាំងក្នុងប្រទេសកម្ពុជា ហើយក៏ជាមូលដ្ឋានដែលមិនអាចអាក់ខានបានឡើយ
។
លោក ស៊ុន ឆ័យ បានបន្តថា ការបោះឆ្នោតនៅក្នុងប្រទេសណាក៏ដោយ
ដើម្បីឲ្យមានយុត្តិធម៌
សេរីត្រឹមត្រូវ គឺទាល់តែមានការប្រគួតប្រជែងដោយស្មើភាព
ក្នុងនោះគឺត្រូវតែមានមេបក្សតំ
ណាងគណបក្សនីមួយៗ ចូលរួមប្រគួតប្រជែង
ក៏ដូចជាការអនុញ្ញាតឲ្យគណបក្សប្រឆាំងធ្វើការឃោសនា
អាចធ្វើការទាក់ទងជាមួយនិងប្រជាពលរដ្ឋ និងអាចធ្វើការផ្សព្វផ្សាយពីគោលនយោបាយរបស់ខ្លួនឲ្យមានភាពទូលំទូលាយស្មើភាពគ្នា
។
ដូច្នេះហើយឃើញថា ការចង់ឃើញវត្តមានរបស់លោក សម រង្ស៊ី នៅក្នុងប្រទេសកម្ពុជាដើម្បី
ចូលរួមក្នុងការបោះឆ្នោតនៅឆ្នាំ២០១៣ខាងមុខនេះ មិនមែនតែជាការទាមទារក្នុងចំណោម
គណបក្សប្រឆាំងតែប៉ុណ្ណោះទេ តែសូម្បីអង្គការអន្តរជាតិ អង្គការជាតិ និងប្រទេសនៅសហ
គមន៏អ៊ឺរ៉ុប សហរដ្ឋអាមេរិក និងប្រទេសប្រកាន់យករបបលទ្ធិប្រជាធិបតេយ្យសេរីជាច្រើននៅ
ក្នុងពិភពលោក ទាំងប្រទេសនៅក្នុងសមាជិកអាស៊ាន ដែលក្នុងនោះមានប្រទេសហ្វីលីពីន
និងប្រទេសឥណ្ឌូនេស៊ីជាដើម
រួមជាមួយនិងអង្គការដែលធ្វើការខាងផ្នែកសិទ្ធិមនុស្សដ៏ទៃទៀតជាច្រើននៅលើសកលលោក ក៏ដូចជាអង្គការសិទ្ធិមនុស្សនៅក្នុងស្រុកផងដែរ
ដែលចុងក្រោយនេះបានទាមទារឲ្យមានវត្តមានរបស់លោក សម រង្ស៊ី នៅក្នុងប្រទេសកម្ពុជា ។ ទាំងអស់នេះ
គឺជាការទាមទារសិទ្ធិដែលឈរលើគោលការណ៏ នៃការជំរុញឲ្យមានការគោរពសិទ្ធិមនុស្ស
និងសិទ្ធិរបស់គណបក្សនយោបាយនៅក្នុងប្រទេស ដែលប្រកាន់យករបបលទ្ធិប្រជាធិបតេ្យ
ដែលមិនអាចខានបានក្នុងការបោះឆ្នោត ជាពិសេស គឺត្រូវតែមានការចូលរួមដោយពេញលិញពីសំណាក់លោក
សម រង្ស៊ី ប្រធានគណបក្សប្រឆាំងដ៏មានប្រជាប្រិយភាព ។
អ្វីទាំងអស់នេះបង្ហាញឲ្យឃើញថា គណបក្ស សង្គ្រោះជាតិ
ដែលមានរូបសញ្ញា ព្រះទិត្យរះ បាននិងកំពុងតែជះពន្លឺរស្មីថ្មី ជូនដល់ប្រជាពលរដ្ឋកម្ពុជា
និងប្រទេសជាតិ ក្នុងការដែល គណបក្សប្រឆាំងមួយនេះ ពិត និងប្រាកដណាស់ ក្នុងការទទួលបានជួយជំនះលើការបោះឆ្នោត
នៅឆ្នាំ២០១៣ជាក់ជាមិនខាន ក្រោមវត្តមានរបស់លោក សម រង្ស៊ី ដែលជាប្រធានគណបក្ស
បក្សដ៏ឆ្នើម ៕
No comments:
Post a Comment
yes