និងប្រតិកម្មហ័ស នៃទីស្តីការគណៈរដ្ឋមន្ត្រី
CEN: (ថ្ងៃទី 2 តុលា 2012, ម៉ោង 04:15:PM) | ដោយ: រតនា
ភ្នំពេញ: លោក សម រង្ស៊ី ដែលកំពុងតែនិរទេសខ្លួននៅក្រៅប្រទេស បានបញ្ជាក់ថា នឹងវិលមកកាន់ប្រទេសកម្ពុជាវិញ ក្នុងពេលឆាប់ៗខាងមុខនេះ ដើម្បីចូលរួមបោះឆ្នោតជ្រើសតាំងតំណាងរាស្ត្រ អាណត្តិទី៥ ឆ្នាំ២០១៣។ ប៉ុន្តែលោកមិនបានបញ្ជាក់អំពីពេលវេលាណាមួយពិតប្រាកដនោះទេ។
លោក សម រង្ស៊ី ប្រធានគណបក្សសង្គ្រោះជាតិ បាននិយាយបែបនេះ កាលពីព្រឹកថ្ងៃទី២ ខែតុលា ឆ្នាំ២០១២ ពីទីក្រុងប៉ារីស ប្រទេសបារាំង តាមរយៈវីដេអូខនហ្វឺរិន នៅក្នុងពិធីជួបជាមួយអ្នករត់ម៉ូតូឌុប ម៉ូតូកង់បី និងអ្នកគាំទ្រ នៅស្នាក់ការកណ្តាលគណបក្សសង្គ្រោះជាតិ។
លោក សម រង្ស៊ី បានបញ្ជាក់ថា លោកនឹងវិលត្រឡប់មកកាន់ប្រទេសកម្ពុជាវិញ មករួមចំណែកដឹកនាំប្រទេស និងដឹកនាំយុទ្ធនាការឃោសនាបោះឆ្នោត ឆ្នាំ២០១៣។ លោកបានលើកឡើងថា “មានចរន្តខ្លាំងណាស់ ទប់អត់បានទេ កម្លាំងអ្នកស្នេហាជាតិ កម្លាំងសង្គ្រោះជាតិ ប្រជាធិបតេយ្យ ទាំងនៅក្នុងប្រទេស និងនៅលើឆាកអន្តរជាតិ ទទួលបានជោគជ័យជាបណ្តើរៗ។ ហើយជោគជ័យនេះ នឹងនាំមកនូវការផ្លាស់ប្តូរនៅប្រទេសកម្ពុជា មិនយូរទេ ព្រឹត្តិការណ៍ដើរលឿនណាស់ យ៉ាងយូរប៉ុន្មានខែទៀត នឹងមានការប្រែប្រួល”។
លោក សម រង្ស៊ី ប្រធានគណបក្សសង្គ្រោះជាតិ បាននិយាយបែបនេះ កាលពីព្រឹកថ្ងៃទី២ ខែតុលា ឆ្នាំ២០១២ ពីទីក្រុងប៉ារីស ប្រទេសបារាំង តាមរយៈវីដេអូខនហ្វឺរិន នៅក្នុងពិធីជួបជាមួយអ្នករត់ម៉ូតូឌុប ម៉ូតូកង់បី និងអ្នកគាំទ្រ នៅស្នាក់ការកណ្តាលគណបក្សសង្គ្រោះជាតិ។
លោក សម រង្ស៊ី បានបញ្ជាក់ថា លោកនឹងវិលត្រឡប់មកកាន់ប្រទេសកម្ពុជាវិញ មករួមចំណែកដឹកនាំប្រទេស និងដឹកនាំយុទ្ធនាការឃោសនាបោះឆ្នោត ឆ្នាំ២០១៣។ លោកបានលើកឡើងថា “មានចរន្តខ្លាំងណាស់ ទប់អត់បានទេ កម្លាំងអ្នកស្នេហាជាតិ កម្លាំងសង្គ្រោះជាតិ ប្រជាធិបតេយ្យ ទាំងនៅក្នុងប្រទេស និងនៅលើឆាកអន្តរជាតិ ទទួលបានជោគជ័យជាបណ្តើរៗ។ ហើយជោគជ័យនេះ នឹងនាំមកនូវការផ្លាស់ប្តូរនៅប្រទេសកម្ពុជា មិនយូរទេ ព្រឹត្តិការណ៍ដើរលឿនណាស់ យ៉ាងយូរប៉ុន្មានខែទៀត នឹងមានការប្រែប្រួល”។
លោក សម រង្ស៊ី បានបញ្ជាក់ទៀតថា “ពិភពលោកទាំងមូល យល់ច្បាស់អំពីស្ថានការណ៍នៅប្រទេសកម្ពុជា វានាំមកគ្រោះថ្នាក់ មិនមែនសម្រាប់ខ្មែរទេ គ្រោះថ្នាក់ដល់គេឯងច្រើនណាស់ បើបណ្តោយឲ្យមានអំណាចផ្តាច់ការដូចសព្វថ្ងៃ ដូចជាការចាប់លោក ម៉ម សូណង់ដូ នេះជាសញ្ញាឲ្យឃើញថា អំណាចផ្តាច់ការ គេមិនអាចអនុញ្ញាតឲ្យមានរបបបែបហ្នឹងទេ”។
លោកបានឲ្យដឹងដែរថា លោកនឹងមកជួបជាមួយប្រជាពលរដ្ឋខ្មែរ នាពេលឆាប់ៗ ហើយមិនយូរមិនឆាប់ទេ នឹងមានដំណោះស្រាយសម្រាប់រូបលោក ក្នុងការវិលត្រឡប់មកកាន់ប្រទេសកម្ពុជាវិញ ពីព្រោះរឿងនេះជារឿងនយោបាយ មិនមែនរឿងតុលាការទេ។
លោក សម រង្ស៊ី ក៏បានអះអាងថា លោក ម៉ម សូណង់ដូ នឹងត្រូវគេដោះលែងក្នុងពេលឆាប់ៗ កុំតក់ស្លុត ជាឆាកល្ខោនទេ ពួកផ្តាច់ការគេតែងតែបង្កើតបញ្ហាច្រើនជំពូក។ រឿងលោក ម៉ម សូណង់ដូ មួយខែ ឬពីរខែទៀត នឹងបានចេញមកវិញហើយ ពីព្រោះមានសម្ពាធអន្តរជាតិ ហើយលោកហ៊ានធានាថា លោក ម៉ម សូណង់ដូ នឹងត្រូវគេដោះលែង ហើយ សម រង្ស៊ី នឹងវិលត្រឡប់មកប្រទេសកម្ពុជាវិញ។
លោក កែវ រ៉េមី រដ្ឋលេខាធិការ និងជាអនុប្រធាននៃអង្គភាពព័ត៌មាន និងប្រតិកម្មហ័ស នៃទីស្តីការគណៈរដ្ឋមន្ត្រី នៅថ្ងៃទី២ ខែតុលានេះ បានថ្លែងប្រាប់ក្រុមអ្នករាយការណ៍ព័ត៌មានថា គ្មានការសម្របសម្រួលនយោបាយ រវាងគណបក្សប្រឆាំង ជាមួយនឹងរាជរដ្ឋាភិបាលកម្ពុជាឡើយ។
លោក កែវ រ៉េមី បានបញ្ជាក់ថា “អត់មានអីសម្របសម្រួល នយោបាយផ្សះផ្សាជាតិទៀតអីទេ អាហ្នឹងវាហួសពេលហើយ ចូលមកទសវត្សរ៍នេះ ២០ឆ្នាំ ៣០ឆ្នាំ ហើយ វាអត់មានអីសម្របសម្រួល ផ្សះផ្សាជាតិតទៅទៀតទេ យើងបានឯកភាពជាតិទាំងស្រុងហើយ យើងកំពុងបោះជំហានទាក់ទងនឹងការអនុវត្តន៍ច្បាប់”៕
No comments:
Post a Comment
yes