ក្រុងបាងកក: ក្រុមតវ៉ាប្រឆាំងរដ្ឋាភិបាលថៃនឹងពិចារណាធ្វើការជួបជុំគ្នានៅការិយាល័យលោកស្រីនាយករដ្ឋមន្ត្រី យីងឡាក់ ស៊ី ណាវ៉ាត្រា ជាតាក់ទិចមួយដែលគេធ្លាប់ប្រើក្នុងអំឡុងពេលយុទ្ធនា ការឆ្នាំ២០០៨ ដែលបាននាំដល់ការកាន់កាប់ព្រលានយន្តហោះ ក្នុងក្រុងបាងកក។
ក្រុមដែលបានជួយបណ្ដេញរដ្ឋាភិបាលទាក់ទងនឹងអតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា ក្នុងឆ្នាំ២០០៦និងឆ្នាំ២០០៨ បានជួបជុំគ្នាក្នុងក្រុងបាងកកកាលពីថ្ងៃអាទិត្យ ក្នុងកិច្ចប្រឹងប្រែងមួយដើម្បីទម្លាក់ប្អូនស្រីលោក ដែលគណបក្សលោកស្រីបានទទួលសំឡេងឆ្នោតភាគច្រើន នៅក្នុងសភាកាលពីឆ្នាំមុន។ ឧត្ដមសេនីយ៍យោធាចូលនិវត្តន៍ លោក បូនលើត កាអេវប្រាស៊ីត បានចាត់ទុកបាតុកម្មជាជោគជ័យ និងបាននិយាយថា បាតុកម្មបន្ទាប់អាចធ្វើនៅឯអគាររដ្ឋាភិបាល។
ក្នុងសុន្ទរកថាដែលចាក់ផ្សាយតាមទូរទស្សន៍ខ្សែកាប TVD លោក បានថ្លែងថា៖ «យើងពិតជានឹង រៀបចំការជួបជុំមួយទៀត ដើម្បីបណ្តេញរដ្ឋាភិបាលនេះ។ នៅឯការជួបជុំបន្ទាប់ នឹងមានចំនួនច្រើន»។
No comments:
Post a Comment
yes