យឹម សុវណ្ណ ៖ ការផ្លាស់ប្តូរដោយបែបប្រជាធិបតេយ្យពិតប្រាកដ និងធ្វើឲ្យប្រទេសជាតិមានការរីកចំរើន ផ្ទុយពីការបោះឆ្នោតដោយមិនគោរពតាមឆន្ទៈពលរដ្ឋ

យឹម សុវណ្ណ អ្នកនាំពាក្យ ចលនាប្រជាធិបតេយ្យសង្គ្រោះជាតិ និងគណបក្ស​ សម រង្ស៊ី

ការបោះឆ្នោតពីមួយអាណត្តិទៅមួយអាណត្តិនៅក្នុងប្រទេសកម្ពុជាត្រូវបានគេដឹងថា ពុំបាន​ប្រព្រឹត្តទៅតាម​បែបប្រជាធិបតេយ្យ និងគោរពឆន្ទៈ ស្មារតីរបស់ប្រជាពលរដ្ឋដែលជាម្ចាស់​ឆ្នោតឡើយ ។

គ្រ​ប់ការបោះឆ្នោតនៅក្នុងប្រទេសកម្ពុជា គឺពោពេញទៅដោយការលួចបន្លំ ការបង្ខិតបង្ខំ និង ការគំរាមកំហែងជាដើម ជាមួយគ្នានោះគណៈកម្មាធិការជាតិរៀបចំការបោះឆ្នោត បានដើរ​តួនាទីយ៉ាងសំខាន់ក្នុងការជួយបំប៉ោងសម្លេងឆ្នោតឲ្យគណបក្សកាន់អំណាច និងបានបើក​ដៃ​ឲ្យអន្តោប្រវេសន៏យួនមានសិទ្ធិយ៉ាងពេញលិញក្នុងការបោះឆ្នោតដើម្បីបង្កើនសម្លេងឆ្នោតឲ្យ គណបក្សប្រជាជនផងដែរ ។ ដែលក្នុងនោះជនអន្តោប្រវេសន៏យួនទាំងនោះ មានសិទ្ធិ និង មានលទ្ធភាពច្រើនជាងប្រជាពលរដ្ឋខ្មែរ​ ដែលជាម្ចាស់ទឹកដីទៅទៀត ព្រោះថាជនជាតិយួន​ទាំងប៉ុន្មាន ដែលចូលមករស់នៅលើទឹកដីប្រទេសកម្ពុជា គឺសុទ្ធតែបោះឆ្នោតឲ្យគណបក្ស ប្រជាជនទាំងអស់ ដូចនេះហើយបានជាអាជ្ញាធររបស់គណបក្សប្រជាជន ក៏ដូចជា គជប ជួយ សំរួលឲ្យពួកគេមានលទ្ធភាពជាងប្រជាពលរដ្ឋខ្មែរបែបនេះ ។

ប្រជាពលរដ្ឋខ្មែរភាគច្រើននាពេលបច្ចុប្បន្ននេះ បានងាកមកគាំទ្រគណបក្ស សង្គ្រោះជាតិ កាន់តែច្រើនឡើងៗជារៀងរាល់ថ្ងៃ ដែលកត្តាទាំងអស់នេះហើយក៏បានធ្វើឲ្យរដ្ឋាភិបាលសព្វ​ថ្ងៃបានសម្រេចមិនឲ្យមានការផ្លាស់ប្តូរសមាសភាព គជប តាមការស្នើសុំរបស់គណបក្សប្រ​ឆាំង សង្គមស៊ីវិល ប្រជាពលរដ្ឋខ្មែរអ្នកស្នេហាជាតិ និងអន្តរជាតិជាដើមនោះ ។

អ្នកតាមដានស្ថានការណ៏នយោបាយនៅក្នុងប្រទេសកម្ពុជាបានលើកឡើងថា រដ្ឋាភិបាលសព្វ​ថ្ងៃ មិនហ៊ានធ្វើការផ្លាស់ប្តូរសមាសភាព គជប នោះឡើយ ព្រោះប្រសិនបើរដ្ឋាភិបាលហ៊ានតែ ធ្វើការផ្លាស់ប្តូរសមាសភាព គជប តាំងពីថ្នាក់លើរហូតដល់ថ្នាក់ក្រោម តាមការស្នើសុំរបស់​បក្សប្រឆាំង សង្គមស៊ីវិល ប្រជាពលរដ្ឋដែលជាអ្នកស្នេហាជាតិ រួមជាមួយអន្តរជាតិ ដែលបាន​ធ្វើ​ការងារលើការបោះឆ្នោតក្នុងប្រទេសកម្ពុជា ដែលគេបានមើលឃើញថា ការបោះឆ្នោត​ដែលកម្ពុជារៀបចំឡើងដោយខ្លួនឯងពុំមានយុត្តិធម៌បែបបនេះ គណបក្សកាន់អំណាច​ពិត​ជា​និង​ចាញ់ក្នុងការបោះឆ្នោតលើគណបក្សប្រឆាំងដែលមានគណបក្ស សង្គ្រោះជាតិ យ៉ាង​អា​ម៉ាស់ជាក់ជាមិនខានឡើយ ។ ដោយហេតុថា ប្រជាពលរដ្ឋភាគច្រើនបានឈប់គាំទ្រគណ​បក្សប្រជាជន ដែលពួគគេធ្លាប់តែបោះឆ្នោតឲ្យកាលពីអាណត្តិមុនៗទៀតហើយ ដោយគេ​បាន​ដឹង និងមើលឃើញថា ប្រទេសកម្ពុជាក្រោមការគ្រប់គ្រង និងដឹកនាំដោយគណបក្សប្រជាជន មិនបានធ្វើការកសាង និងអភិវឌ្ឍន៏ប្រទេសជាតិ ឲ្យមានការរីកចំរើនអ្វីជាការកត់សំគាត់នោះ​ឡើយ តែផ្ទុយទៅវិញការ ជំពាក់បំណុលបរទេសកាន់តែច្រើនឡើងៗ ការបំផ្លាញធនធានធម្ម ជាតិកាន់តែខ្លាំង រួមជាមួយនិងការបំបិទសិទ្ធិប្រជាពលរដ្ឋគ្រប់បែបយ៉ាង ក៏ដូចជាការឆក់ប្លន់ដី ធ្លីរបស់ប្រជាពលរដ្ឋយកទៅឲ្យអ្នកមានលុយ មានអំណាច និងឈ្មួញទុច្ចរឹតជាដើម ដែលក្នុង នោះបានធ្វើឲ្យប្រជាពលរដ្ឋរងគ្រោះ រស់នៅពិបាកវេទនាជាពន់ពេក ក្រោមស្នាដៃរបស់ រដ្ឋាភិ​បាល​ដែលខ្លួនខំបោះឆ្នោតឲ្យនោះ ។

អ្វីទាំងអស់នេះហើយ បានធ្វើឲ្យប្រជាពលរដ្ឋបាត់ជំនឿទុកចិត្តលើគណបក្សកាន់អំណាចសព្វ ថ្ងៃ ហើយពួកគាត់បានងាកមកគាំទ្រគណបក្ស សង្គ្រោះជាតិវិញម្តង ដែលមានលោក សម រង្ស៊ី ជាប្រធាន និងលោក កឹម សុខា ជាអនុប្រធានទៅថ្ងៃអនាគតដ៏ខ្លី ដោយហេតុថាគណបក្ស សង្គ្រោះជាតិ មានគោលនយោបាយច្បាស់លាស់ក្នុងការធ្វើឲ្យប្រទេសជាតិមានការរីកចំរើន ប្រជាពលរដ្ឋរស់នៅប្រកបដោយភាពសុខដុមរម្យនា ក្នុងជីវភាពដ៏ធូធារ គ្មានការរំលោភសិទ្ធិ មនុស្ស និងការគោរពបាននូវប្រជាធិបតេយ្យដ៏ពេញលិញ ។

គួរជំរាបជូនផងដែរថា ការបោះឆ្នោតពិតជាមានសារសំខាន់ខ្លាំងណាស់សម្រាប់កា​រសម្រេច ជោគវាសនារបស់ប្រទេសជាតិ ក្នុងនោះគឺទាមទារដាច់ខាត ការបោះឆ្នោតត្រូវតែប្រព្រឹត្តទៅ ដោយសេរី ត្រឹមត្រូវ និងយុត្តិធម៌ពិតប្រាកដ ដែលនេះទើបបានជាការផ្លាស់ប្តូរដែលប្រព្រឹត្តទៅ តាមបែបប្រជាធិបតេយ្យ ហើយការផ្លាស់ប្តូរមេដឹកនាំតាមបែបប្រជាធិបតេយ្យបែបនេះ និងធ្វើ ឲ្យប្រទេសជាតិមានការរីកចំរើន ប្រជាពលរដ្ឋរស់នៅបានសមរម្យ ជាពិសេសគឺគោរពបាននូវ លទ្ធិប្រជាធិបតេយ្យបានយ៉ាងល្អ ។

តែផ្ទុយទៅវិញបើការផ្លាស់ប្តូរមេដឹកនាំប្រទេស ដោយពុំប្រព្រឹត្តទៅដោយសេរី ត្រឹមត្រូវ និង​យុត្តិធម៌ គោរពតាមឆន្ទៈរបស់ប្រជាពលរដ្ឋទេនោះ និងធ្វើឲ្យប្រទេសជាតិងើបមុខមិនរួចពីភាព ក្រីក្របានឡើយ ដូចជាប្រទេសកម្ពុជារបស់យើង ដែលមេដឹកនាំបានក្រាញ់និងអំណាច មាន មហិច្ឆិតាគ្រប់គ្រងប្រទេសតែម្នាក់ឯង និងតែបក្ខពួក ក្រុមគ្រួសាររបស់គេតែមួយក្តាប់តូច ​ប៉ុណ្ណោះ ហេតុដួចនេះហើយបានជាប្រទេសកម្ពុជា បាននិងកំពុងតែស្ថិតនៅលើមាត់ជ្រោះម​រណៈនោះ ។

ជុំវិញទៅនិងបញ្ហាខាងលើនេះផងដែរ លោក យឹម សុវណ្ណ អ្នកនាំពាក្យគណបក្ស សម រង្ស៊ី និងជាអ្នកនាំពាក្យ ចលនាប្រជាធិបតេយ្យសង្គ្រោះជាតិ លោកបានមានប្រសាសន៏ឲ្យដឹងថា ការបោះឆ្នោតនៅក្នុងប្រទេសកម្ពុជានាពេលកន្លងមក តែងតែមានការគំរាមកំហែងប្រជាពល​រដ្ឋ​ស្លូត​ត្រង់ដើម្បីបោះឆ្នោតឲ្យគណបក្សកាន់អំនាច ក៏ដូចជាការទិញទឹកចិត្តនិងការផ្តល់លាភ សក្ការៈ ដល់ប្រជាពលរដ្ឋ និងសកម្មជន អ្នកគាំទ្រគណបក្សប្រឆាំងជាដើម ក្នុងនោះមាន​ទាំង​ការគាំរាមកំហែងដល់សុខសុវត្ថភាពប្រជាពលរដ្ឋថែមទៀតផង ដែលនេះជាអំពើខុសច្បាប់​ទាំង​ស្រុង។ តែគណបក្សប្រឆាំងមិនមានលទ្ធភាពគ្រប់គ្រាន់ក្នុងទាមទាររកយុត្តិធម៌ជូនប្រ ជាពលរដ្ឋ និងគណបក្សឡើយ ព្រោះអំណាចទាំងអស់នៅក្នុងប្រទេសកម្ពុជាសព្វថ្ងៃស្ថិតនៅ​ក្នុងកណ្តាប់ដៃរបស់មនុស្សតែម្នាក់ ។

លោក យឹម សុវណ្ណ បានមានប្រសាសន៏បន្តទៀតថា ដូចនេះដើម្បីឲ្យប្រទេសជាតិរបស់យើង និងប្រជាពលរដ្ឋងើបរួចពីការដឹកនាំតាមបែបផ្តាច់ការដូចនេះ សូមប្រជាពលរដ្ឋទាំងអស់គ្នា ក្រោកឡើង និងភ្ញាក់រលឹកទាំងអស់គ្នា សូមឲ្យស្មាតីឆ្នាំ១៩៩៣ សណ្ឋិតនៅក្នុងដួងចិត្ត និងមន សិការរបស់ប្រជាពលរដ្ឋខ្មែរគ្រប់រូបជាថ្មីម្តងទៀត ដើម្បីយើងធ្វើការផ្លាស់ប្តូរឲ្យបាននៅឆ្នាំ២០​១៣ ខាងមុខ ហើយលោកសង្ឃឹមថា ប្រជាពលរដ្ឋក៏បានសម្រេចចិត្តគ្រប់គ្នារួចហើយថា និង ធ្វើការផ្លាស់ប្តូរនៅឆ្នាំ២០១៣នេះផងដែរ ទើបបានជាពួកគាត់ងាកមកចូលរួមជាមួយគណបក្ស សង្គ្រោះជាតិ កាន់តែមានសន្ទុះខ្លាំងឡើងបែបនេះ ពីមួយថ្ងៃទៅមួយថ្ងៃនោះ ។

លោក យឹម សុវណ្ណ បានបន្តទៀតថា សូមបងប្អូនបងចាំថា ការភ័យខ្លាចគឺជាគ្រោះថ្នាក់ដ៏ធំ​បំផុតក្នុងការដែលមិនអាចឲ្យយើងសម្រេចបាននូវភាពជោគជ័យ ។ លោកថា ប្រជាពលរដ្ឋ​គ្រប់រូបគឺមានសិទ្ធិពេញលិញក្នុងការជ្រើសរើសមេដឹកនាំដែលខ្លួនស្រលាញ់ពេញចិត្ត ហើយ​មូល ហេតុដែលគេបង្កើតឲ្យមានការបោះឆ្នោតដូចអ្វីដែលយើងបានធ្វើជាច្រើនអាណត្តិ​មក​នេះគឺ​ដើម្បីឲ្យប្រជាពលរដ្ឋសម្តែងឆន្ទៈក្នុងការជ្រើសរើសមេដឹកនាំ ពីការវិវឌ្ឍន៏ពី​តំណាក់​ការ​មួយទៅតំណាក់ការមួយ ពីការបោះឆ្នោតមួយ ទៅការបោះឆ្នោតមួយ ហើយក្នុងនោះ​បើ​ការ​បោះឆ្នោតក្នុងការជ្រើសរើសអ្នកដឹកនាំប្រកបដោយឆន្ទៈរបស់ប្រជាពលរដ្ឋ​សូមបងប្អូន​កុំ​ខ្លាច​ក្នុង​ការផ្លាស់ប្តូរ ព្រោះការផ្លាស់ប្តូរតាមបែបប្រជាធិបតេយ្យពិតប្រាកដ គឺមិនដែលចេញ​ពី​ចំណុច​ល្អ ទៅចំណុចអាក្រក់ឡើយ គឺវាតែងតែចេញពីចំណុចល្អ ហើយទៅចំណុចល្អជាង​នេះ​ទៅ​ទៀត ហើយពីតំណាក់ការមួយទៅតំណាក់ការមួយ ក៏វាកាន់តែល្អឡើងៗផងដែរ បើការ​បោះឆ្នោតនោះគោរពតាមឆន្ទៈរបស់ប្រជាពលរដ្ឋដោយពិតប្រាកដ ។

លោក យឹម សុវណ្ណ បានបន្តទៀតថា តាមការកត់សម្គាល់របស់លោកនាពេលកន្លងមកនេះ គឺនៅរៀងរាល់ការបោះឆ្នោតម្តងៗនៅក្នុងប្រទេសកម្ពុជា ការបោះឆ្នោនេះពុំមានសេរី និងយុត្តិ ធម៌ឡើយ ហើយនោះក៏មិនមែនជាអ្វីដែលប្រជាពលរដ្ឋចង់បានផងដែរ គឺវាផ្ទុយទៅនិងឆន្ទៈ របស់ពួកគាត់ ។ លោក យឹម សុវណ្ណ បានថ្លែងទៀតថា អ្វីដែលប្រជាពលរដ្ឋចង់បាននោះគឺ សង្គមយុត្តិធម៌ និងការអភិវឌ្ឍន៏មួយដែលស្អាតស្អំ តែអ្វីទាំងអស់នេះគឺត្រូវបានគណបក្សកាន់ អំណាចបំផ្លាតាមរយៈការបោះឆ្នោត ដោយហេតុថាការបោះឆ្នោតម្តងៗ គជប គឺត្រូវបានគណ​បក្សកាន់អំណាច ប្រើប្រាស់ជាឧបករណ៏នយោបាយរបស់គេ ដូចនេះហើយបានជាកើតមាន​បញ្ហាមិនចេះចប់ទេ ដ៏រាបណាយើងមិនរើសបាននូវ គជប មួយដែលបំពេញតួនាទីរបស់ខ្លួន​ដោយឯករាជ្យ ដោយគ្មានឥទ្ធិពលនយោបាយ ដោយមនិសិការជាតិ ដោយគោរពគោល ការណ៏លទ្ធិប្រជាធិបតេយ្យ គោរពផលប្រយោជន៏ប្រជាពលរដ្ឋ ឲ្យបានត្រឹមត្រូវនោះទេ ។ ហើយបើ​យើងពុំមានស្ថាប័នជាតិបែបនេះទេ គឺប្រទេសយើងមិនអាចមានការបោះឆ្នោតដោយ​សេរី និងយុត្តិធម៌មានឡើយ ដូចនេះហើយបញ្ហាគឺនៅតែមាន ។

ដោយមូលហេតុទាំងអស់នេះហើយ បានជាគណបក្ស សង្គ្រោះជាតិ ខិតខំធ្វើការងារនេះជា មួយនិងអន្តរជាតិ ដើម្បីឲ្យមានការបោះឆ្នោតមួយដោយយុត្តិធម៌ ត្រឹមត្រូវ និងសេរីនៅក្នុងប្រ ទេសកម្ពុជានៅឆ្នាំ២០១៣ខាងមុខនេះ ។ ជាមួយគ្នានោះ ដោយសារតែការខិតខំប្រឹងប្រែង​របស់​ថ្នាក់ដឹកនាំគណបក្ស សង្គ្រោះជាតិ គេរំពឹងថានៅពេលដ៏ខ្លីខាងមុខនេះ គជប ពិតជាមាន ការផ្លាស់ប្តូរយ៉ាងពិតប្រាកដជាក់ជាមិនខាន ហើយការបោះឆ្នោតដោយសេរី ត្រឹមត្រូវ យុត្តិធម៌ និងកើតមានក្នុងប្រទេសកម្ពុជា ពេលនោះហើយដែលគណបក្ស សង្គ្រោះជាតិ និងទទួលបាន​ជ័យជំនះលើការបោះឆ្នោត ដែលធ្វើឲ្យគណបក្សកាន់អំនាចសព្វថ្ងៃចាញ់ឆ្នោត យ៉ាងអាម៉ាស់​ជាក់ជាមិនខានឡើយ ៕