លោក សម រង្ស៊ី ប្រធានគណបក្ស សង្គ្រោះជាតិ
បើទោះបីជាគណបក្ស សង្គ្រោះជាតិ
ដែលទើបតែបង្កើតឡើងមិនទាន់បានប៉ុន្មានខែផងក៏ដោយ តែគណបក្សមួយនេះមានលទ្ធភាពយ៉ាងពេញលិញក្នុងការផ្សព្វផ្សាយពីគោលនយោបាយរបស់ខ្លួនទៅកាន់ប្រជាពលរដ្ឋដែលជាម្ចាស់ឆ្នោត
។
ជាមួយគ្នានោះក្រុមការងារ និងថ្នាក់ដឹកនាំរបស់គណបក្ស
សង្គ្រោះជាតិ ពីមួយថ្ងៃទៅមួយថ្ងៃ បានធ្វើសកម្មភាពយ៉ាងសកម្ម
ក្នុងការចុះទៅតាមបណ្តាខេត្តនានាដើម្បីជួបជាមួយប្រជាពលរដ្ឋដែលជាម្ចាស់ឆ្នោត ។
អ្វីដែលជាការកត់សម្គាល់បើទោះបីជាគណបក្ស សង្គ្រោះជាតិ
ជាគណបក្សថ្មីដែលទើបតែ
បង្កើតឡើងក៏ពិតមែន តែប្រជាប្រិយភាពរបស់គណបក្សមួយនេះ
បានអូសទាញយកទឹកចិត្តរបស់ប្រជាពលរដ្ឋខ្មែរមកគាំទ្រ
និងចូលរួមជាមួយយ៉ាងច្រើនជាអតិបរមា ដែលយើងមិននឹក ស្មានដល់ ទាំងអស់នេះក៏ព្រោះតែគណបក្ស
សង្គ្រោះជាតិ មានគោលនយោបាយច្បាស់លាស់ក្នុងការសង្គ្រោះប្រទេសកម្ពុជា
ពីការដឹកនាំតាមបែបផ្តាច់ការ បំផ្លាញជាតិ និងក្បត់ផល ប្រយោជន៏ជាតិ
ដើម្បីប្រយោជន៏ខ្លួន និងពង្រឹងអំណាចនោះ ។
គណបក្ស សង្រោះជាតិ
បើទោះបីជាមិនមានប្រព័ន្ធផ្សព្វផ្សាយទូលំទូលាយដូចជាគណបក្ស កាន់អំណាចក្តី
តែប្រភពព័ត៌មានក្នុងការចុះជួបដោយផ្ទាល់ជាមួយប្រជាពលរដ្ឋ គឺជាព័ត៌មាន ដែលមិនចេះរីងស្ងួតធ្វើឲ្យពលរដ្ឋមានសង្ឃឹមយ៉ាងខ្លាំងមកលើគណបក្ស
សង្គ្រោះជាតិ ព្រោះ ការចុះជួបជាមួយប្រជាពលរដ្ឋដោយផ្ទាល់គឺជាឪកាសដែលធ្វើឲ្យក្រុមការងារ
និងថ្នាក់ដឹកនាំ របស់គណបក្ស សង្គ្រោះជាតិ ពួកគាត់បានយល់ច្បាស់ពីអ្វីដែលជាតម្រូវការរបស់ប្រជាពលរដ្ឋ
ដែលពួកគាត់ចង់បាន ។
អ្វីដែលជាតម្រូវការរបស់ប្រជាពលរដ្ឋទាំងអស់នេះហើយ
ក្នុងការនាំឲ្យថ្នាក់ដឹកនាំគណបក្ស សង្គ្រោះជាតិ
សម្រេចដាក់ចេញជាគោលនយោបាយជាតិរបស់គណបក្ស សង្គ្រោះជាតិ ដើម្បីជាការឆ្លើយតបទៅនិងអ្វីដែលជាតម្រូវការចង់របស់ពលរដ្ឋ
។
មូលហេតុទាំងអស់នេះហើយ ទើបបានជាធ្វើឲ្យគណបក្ស សង្គ្រោះជាតិ
មានការគាំទ្រពីសំណាក់ប្រជាពលរដ្ឋកាន់តែច្រើនឡើង ដែលទាំងអស់នេះគឺជាសញ្ញាបង្ហាញឲ្យឃើញពីជ័យជំនះរបស់គណបក្ស
សង្គ្រោះជាតិ នៅឆ្នាំ២០១៣ខាងមុខ ។
លោក សម រង្ស៊ី នៅក្នុងបទសម្ភាសន៏មួយជាមួយនិងអ្នកយកព័ត៌មានរបស់ទូរទស្សន៏អន្តរជាតិ
លោកបានប្រាប់ឲ្យដឹងថា គណបក្ស សង្គ្រោះជាតិ គ្មានការភ័យព្រួយចំពោះទង្វើដែលគណបក្សកាន់អំណាចបានធ្វើមកលើគណបក្ស
សង្គ្រោះជាតិ ដូចសព្វថ្ងៃនេះឡើយ ហើយក្នុង នោះគណបក្ស សង្គ្រោះជាតិ
ក៏បានត្រៀមខ្លួនរួចជាស្រេចក្នុងការតទល់ជាមួយនិងគណបក្ស កាន់អំណាច ទាំងនៅពេលនេះ ក៏ដូចជាទៅថ្ងៃខាងមុខផងដែរ
ជាពិសេសគឺនៅថ្ងៃឃោសនាការបោះឆ្នោត និងនៅថ្ងៃបោះឆ្នោតតែម្តង ។
លោក សម រង្ស៊ី បានបន្តថា អ្នកប្រជាធិបតេយ្យ
ដែលបានប្រឆាំងនិងអំណាចផ្តាច់ការ ការពារ ទឹកដីមិនឲ្យយួនឈ្លានពានលេបត្របាក់បាននោះ
គឺយើងបានដឹង និងស្គាល់ឧបសគ្គទាំងអស់នេះរាប់សិបឆ្នាំមកហើយ ។
ដូច្នេះយើងគ្មានអ្វីដែលជាក្តីបារម្ភថាយើង មិនអាចដោះស្រាយបញ្ហាទាំងនោះមិនបានទេ
ព្រោះយើងមានរចនាសម្ព័ន្ធរបស់យើងយ៉ាងល្អ ពិសេសគឺយើងមានកម្លាំងអ្នកគាំទ្រទាំងនៅក្នុងប្រទេស
និងនៅក្រៅប្រទេសយ៉ាងច្រើន ។ ក្នុងនោះទៀតសោតបងប្អូនយើង មិនត្រឹមតែគាំទ្រទាំងកម្លាំងចិត្ត
និងកម្លាំងកាយប៉ុណ្ណោះទេ គឺពួកគាត់
ព្រមទាំងបានចូលរួមជាថវិការដើម្បីជួយពង្រឹងគណបក្ស សង្គ្រោះជាតិ ឲ្យមានកម្លាំងកាន់តែ
ខ្លាំងឡើងបន្ថែមទៀត ក្នុងការតទល់ប្រគួតប្រជែងជាមួយនិងគណបក្សប្រជាជនកាន់អំណាច
សព្វថ្ងៃ ក្នុងការទទួលបានជ័យជំនះនៅឆ្នាំ២០១៣ខាងមុខ
ដើម្បីនាំមកនូវក្តីសង្ឃឹមថ្មីជូនពល រដ្ឋ និងប្រទេសជាតិរបស់យើង ។
ប្រធានគណបក្ស សង្គ្រោះជាតិ លោក សម រង្ស៊ី
បានថ្លែងបបន្តទៀតថា លោកសង្ឃឹមថាប្រជា ពលរដ្ឋខ្មែរនិងទទួលបានជ័យជំនះ
ព្រោះប្រជាពលរដ្ឋខ្មែរចង់បានការផ្លាស់ប្តូរ ដើម្បីឲ្យអ្នកប្រ ជាធិបតេយ្យ
អ្នកស្នេហាជាតិរៀបចំប្រទេសឲ្យបានល្អត្រឹមត្រូវ ដើម្បីឲ្យប្រទេសជាតិរបស់យើងមានការរីកចំរើនជឿនលឿន
ប្រជាពលរដ្ឋមានការងារធ្វើគ្រប់ៗគ្នា រស់នៅក្នុងសង្គមមួយដែលជាសង្គមនីតិរដ្ឋ និងប្រជាធិបតេយ្យពិតប្រាកដ
។
ជាមួយគ្នានោះលោក សម រង្ស៊ី ក៏បានធ្វើការលើកឡើងទាក់ទងទៅនិងការទាមទាររបស់លោក
អូបាម៉ា ដែលចង់ឃើញប្រទេសកម្ពុជាគោរពប្រលទ្ធិប្រជាធិបតេយ្យ ការគោរពសិទ្ធិមនុស្ស
និងការរៀបចំការបោះឆ្នោតមួយដែលសេរី ត្រឹមត្រូវ និងយុត្តិធម៌ផងដែរ ដែលការលើកឡើងរបស់លោកប្រធានាធិបតីសហរដ្ឋអាមេរិក
បារ៉ាក់ អូបាម៉ា លោកថា មិនសុខគ្នាទៅនិងអង្គការសហប្រជាជាតិ សភាសហគមន៏អ៊ឺរ៉ុប
និងប្រទេសប្រកាន់របបប្រជាធិបតេយ្យ ដែលគេចង់ឲ្យមានការគោរពសិទ្ធិមនុស្សនៅកម្ពុជា
ការគោរពលទ្ធិប្រជាធិបតេយ្យ និងការបោះឆ្នោតមួយដោយសេរី ត្រឹមត្រូវ និងយុត្តិធម៌
នៅឆ្នាំ២០១៣ខាងមុខ ជាពិសេគឺវត្តមានរបស់លោក នៅលើទឹកដីប្រទេសកម្ពុជាមុនការបោះឆ្នោត
ដើម្បីឲ្យលោកមានលទ្ធភាពគ្រប់គ្រាន់ក្នុងការដឹកនាំយុទ្ធនាការឃោសនាការបោះឆ្នោតរបស់គណបក្ស
សង្គ្រោះជាតិ សម្រាប់ការចូលរួមក្នុងការបោះឆ្នោតនៅថ្ងៃទី២៨ ខែកក្កដា ឆ្នាំ២០១៣ខាងមុខ
។
ដូចនេះសរុបសេចក្តីមក
ចរន្តនយោបាយនៅក្នុងប្រទេសកម្ពុជានាពេលដ៏ខ្លីខាងមុខនេះ
និងមានការប្រែប្រួលជាក់ជាមិនខាន
ព្រោះសូម្បីតែអន្តរជាតិក៏គេមិនចង់ឃើញការដឹកនាំរបៀប
ដូចជាអ្នកកាន់អំណាចសព្វថ្ងៃនេះឡើយ ពិតណាស់ក្នុងនោះលោក សម រង្ស៊ី និងវិលមកវិល
ក្នុងពេលដ៏ឆាប់ខាងមុខនេះដោយគ្មានល័ក្ខណ្ឌ ព្រោះវត្តមានរបស់លោក អូបាម៉ា មកកម្ពុជាបានធ្វើឲ្យអន្តរជាតិ
ប្រមុខ ប្រមុខរដ្ឋាភិបាលនានា
បានដឹងកាន់តែច្បាស់ពីកំសោយនិងអសម្ថភាពក្នុងការដឹកនាំប្រទេសរបស់លោក ហ៊ុន សែន
៕
No comments:
Post a Comment
yes