កំពត៖ ប្រធានស្នាក់ការគយ
និងរដ្ឋាករច្រកទ្វារអន្តជាតិតន់ហន់ ដែលគ្រប់គ្រងដោយលោក កែវ វន្នី
កំពុងកាក់កបសើមមាត់
ព្រោះត្រូវប៉ាន់នឹងទំនិញគ្រប់បែបយ៉ាងដែលត្រូវបាននាំចេញ
និងនាំចូលពីខ្មែរទៅវៀតណាម និងពីវៀតណាម មកខ្មែរដោយពុំមានបង់ពន្ធជូនរដ្ឋ
ហើយសកម្មភាពដឹកជញ្ជូននេះ បានធ្វើឡើងទាំងយប់ទាំងថ្ងៃ ដូចភ្លៀងរលឹម។
តាមសេចក្តីរាយការណ៍បានឲ្យដឹងថា
មានឈ្មួញមួយក្រុមបានដឹកឈើជារៀងរាល់យប់ជាប្រភេទឈើធ្នង់
តាមរថយន្តយីឌុបចូលទៅលក់នៅក្នុងប្រទេសវៀតណាម ដោយពុំមានការចាប់
ឬក៏បង្ក្រាបឡើយ។ មិនតែប៉ុណ្ណោះ ព្រមទាំងបានបើកបារ៉ាស់ចាំទុកជាស្រេច
សម្រាប់ឲ្យរថយន្តនោះធ្វើចរាចរណ៍យ៉ាងរលូនទៅប្រទេសវៀតណាមទៀតផង។
សូមបញ្ជាក់ថា
ការដែលរថយន្តដឹកឈើខុសច្បាប់យ៉ាងរលូនបែបនេះ
គឺមានក្រុមឈ្មួញមួយកក្រុមបានរត់ការបង់លុយជូនលោក កែវ វន្នី
ប្រធានស្នាក់ការគួ និងរដ្ឋាករច្រកតន់ហន់ នេះរួចរាល់អស់ហើយ
មុនពេលរថយន្តរបស់ពួកគេដឹកឈើចេញពីដីខ្មែរទៅដល់ដីប្រទេសវៀតណាម។
តាមសេក្តីរាយការណ៍ក៏បានឲ្យដឹងទៀតថា ក្រៅពីឈើប្រណីតគ្រប់ប្រភេទ
ដឹកចេញដោយរលូន លោក កែវ វន្នី ក៏កាក់កបផងដែរ
ជាមួយនឹងការបើកឲ្យឈ្មួញនាំសត្វព្រៃឆ្លងកាត់ច្រកទ្វារតន់ហន់ នេះ
ដោយពុំមានការហាមឃាត់ដូចគ្នានឹងការនាំឈើប្រណីតអីចឹងដែរ។
ប្រភពបានបញ្ជាក់ឲ្យដឹងទៀតថា
ក្រៅពីឈើប្រណីត និងសត្វព្រៃ ដោយពុំមានការបង្ក្រាប តែបែរជាទទួលសំណូកនៅមានទំនិញនាំចូលពីប្រទេសវៀតណាម
ពុំបង់ពន្ធផងដែរ ដូចជាចំណីសត្វ និងគ្រឿងសំណង់ មានឥដ្ឋ សម្រាប់យកមកសង់ផ្ទះ
ជាដើម។ អ្នករកស៊ីស្របច្បាប់ម្នាក់បានបង្ហើបឲ្យដឹងថា ចំណីសត្វ
គឺក្រុមឈ្មួញបនាដឹកចូលតាមច្រកតន់ហន់តាមផ្លូវគោគ លើកលែងតែឥដ្ឋប៉ុណ្ណោះ
ដែលឈ្មួញបាននាំចូលតាមទូក នៅពេលយប់
ដោយពុំមានបង់ពន្ធអ្វីមួយកាក់មួយសេននោះទេ។
ជុំវិញព័ត៌មានលោក កែវ វន្នី
ប្រធានស្នាក់ការគយ និងរដ្ឋករច្រកទ្វារអន្តរជាតិតន់ហន់
ពាក់ព័ន្ធអំពើពុករលួយទទួលសំណូកពីក្រុមឈ្មួញរកស៊ីខុសច្បាប់
ដោយមិនបង់ពន្ធនាំសម្ភារចូលពីប្រទេសវៀតណាម
និងក្រុមឈ្មួញរកស៊ីដឹកឈើប្រណីតខុសច្បាប់ និងសត្វព្រៃ
មិនត្រូវបានបង្ក្រាបនេះដែរ អ្នកយកព័ត៌មានវរជនខ្មែរយើង
បានទូរស័ព្ទសុំការបំភ្លឺពីលោក កែវ វន្នី មេគយប្រចាំច្រកតន់ហន់
ប៉ុន្តែទូរស័ព្ទរបស់លោកពុំមានអ្នកទទួលឡើយ។ ទោះជាយ៉ាងណានេះក្តី
តាមប្រភពពីអាជីវករដឹកទំនិញចេញចូលតាមច្រកតន់ហន់ បានឲ្យដឹងថា
ក្រុមឈ្មួញដឹកឈើ ក្រុមឈ្មួញដឹកសត្វព្រៃ និងក្រុមឈ្មួញដឹកចំណីសត្វ
និងគ្រឿងសំណង់បង្កប់ក្នុងទូក កំពុងធ្វើឲ្យលោកមេគយច្រកមួយនេះ
ត្រូវប៉ាន់សម្បើមខ្លាំងណាស់
តែចំពោះពួកគាត់ជាជីវករដឹកទំនិញបង់ពន្ធត្រឹមត្រូវ ពេលខ្លះលោក កែវ វន្នី
មិនសប្បាយប្រើកូនចៅឲ្យរើទំនិញទម្លាក់ពីលើរថយន្តបណ្តាលឲ្យខាតពេលវេលាពួកគាត់ទៀតផង។
ចំណែករថយន្ត និងទូកដឹកទំនិញអត់បង់ពន្ធ ពិសេសរថយន្តយីឌុបដឹកឈើធ្នង់មិនត្រឹមតែមិនបង្ក្រាប
ឬ ឆែកឆេរប៉ុណ្ណោះទេ
តែថែមទាំងបញ្ជាកូនចៅឲ្យសំកុកចាំបើកបារ៉ាស់ឲ្យទៀតផង។ ចំណែកលោក សំ
សុខា ប្រធានសាខាគយ និងរដ្ឋាករខេត្តកំពត
ខាងសាព័ត៌មានយើងបានភ្ជាប់ទូរស័ព្ទទៅលោកមេគយ ដើម្បីសុំការបំភ្លឺ
តែលោកបិទទូរស័ព្ទ ហើយលោកប្រើលេខថ្មី មិនឲ្យអ្នកកាសែតយើងដឹង៕
No comments:
Post a Comment
yes