ភ្លាមៗនោះគេឃើញសមត្ថកិច្ចមូលដ្ឋានទៅដល់កន្លែងកើតហេតុ ប៉ុន្តែដោយសារអ្នកបង្កជាអ្នកធំ សមត្ថកិច្ចក៏ដកកម្លាំងថយវិញ ព្រោះហេតុការណ៍នេះមិនបង្កឱ្យគ្រោះថ្នាក់ដល់អ្នកដទៃទេ គ្រាន់តែមានការភ្ញាក់ផ្អើលដល់ប្រជាពលរដ្ឋប៉ុណ្ណោះ។
ហេតុការណ៍បាញ់បោះសេរីខាងលើនេះ កើតឡើងកាលពីវេលាម៉ោង ៦កន្លេះល្ងាចថ្ងៃទី៥ មីនា ឆ្នាំ២០១៣ នៅម្តុំផ្ទះលក់សាច់ឆ្កែ ភូមិឫស្សីស្រស់ សង្កាត់និរោធ ខណ្ឌមានជ័យ។
ប៉ូលិសមូលដ្ឋានបានឱ្យដឹងថា ជនបង្កឈ្មោះឆាយ សារ៉េត ភេទប្រុស ជាឧត្តមសេនីយ៍ទោ នៅអង្គភាពអង្គរក្ស ស្នាក់នៅភូមិកោះនរា សង្កាត់និរោធ ខណ្ឌមានជ័យ បើកបររថយន្តម៉ាកហាយឡេនឌ័រ ពណ៌ខ្មៅ មិនចាំស្លាកលេខ។
ប៉ូលិសបន្តថា ដំបូងលោកផ្កាយពីរបើករថយន្តហាយឡេនឌ័រ របស់គាត់ឈប់នៅម្តុំផ្ទះលក់សាច់ឆ្កែ ក្នុងលក្ខណៈស្រវឹងស្រាទន់គ្រាប់ភ្នែក។ ទំនងជាច្រឡំខ្លួនថាបានចុចកញ្ចក់បើកហើយមើលទៅ ក៏ដកកាំភ្លើងខ្លីបាញ់ពីក្នុងរថយន្ត៣គ្រាប់ឡើងលើមេឃ ស្រាប់តែបែកកញ្ចក់ខ្ទេច។ បន្ទាប់មកបុរសរូបនេះ បានបើករថយន្តទៅដល់ផ្ទះ បានដកកាំភ្លើងបាញ់ឡើងលើមេឃ៣គ្រាប់ថែមទៀត។ ភ្លាមៗនោះគេសង្កេតឃើញសមត្ថកិច្ចចុះទៅដល់ផ្ទះជនបង្កដើម្បីសាកសួរ។ ប៉ុន្តែនៅពេលឃើញជនបង្កជាអ្នកធំ សមត្ថកិច្ចក៏ដកកម្លាំងត្រឡប់មកវិញអស់៕
No comments:
Post a Comment
yes