នៅទូទាំងពិភពលោក លើកលែងតែប្រទេសកម្ពុជាមួយគត់
គឺលោកប្រធាន សម រង្ស៊ី អាចដើរហើរដោយសេរី
ទៅចូលរួមក្នុងកិច្ចប្រជុំអន្តរជាតិសំខាន់ៗក្នុងនាមជាវាគ្មិនកិត្តិយស
ហើយសហគមន៍អន្តរជាតិ និងបណ្តាប្រទេសមហាអំណាចនៅទូទាំងពិភពលោក
នៅតែទទួលស្គាល់តួនាទីដ៏មានតម្លៃរបស់លោកប្រធាន សម រង្ស៊ី
ដែលជាមេដឹកនាំបក្សប្រឆាំង
និងជាអ្នកតស៊ូដើម្បីបុព្វហេតុនៃលទ្ធិប្រជាធិបតេយ្យ
ការគោរពសិទ្ធិមនុស្សដ៏សំ ខាន់នៅក្នុងប្រទេសកម្ពុជា។
ការប្តឹងចោទប្រកាន់
និងផ្តន្ទាទោសលោកប្រធាន សម រង្ស៊ី របស់ក្រុមអ្នកកាន់អំណាចនៅស្រុកខ្មែរ
ត្រូវបានសហគមន៍អន្តរជាតិថ្កោលទោស ដោយចាត់ទុកថា
វាជាហេតុផលនយោបាយដែលមិនសមទំនងក្នុងការរករឿង
និងរារាំងមិនឲ្យលោកប្រធាន សម រង្ស៊ី
វិលមកចូលរួមក្នុងការបោះឆ្នោតនាខែកក្កដា ខាងមុខនេះ ប៉ុន្តែមហិច្ឆតា និង
ឧបាយកលអាក្រក់របស់ក្រុមអ្នកកាន់អំណាចនៅស្រុកខ្មែរ
ដែលព្យាយាមផាត់លោកប្រធាន សម រង្ស៊ី
ចេញពីការបោះឆ្នោតមិនអាចសម្រេចជោគជ័យបានទេ នៅពេលដែលសហរដ្ឋអាមេរិក សហគ
មន៍អឺរ៉ុប និងអង្គការសហប្រជាជាតិកំពុងទាមទារឲ្យមានវត្តមានចូលរួមប្រកួតប្រជែងក្នុងការបោះឆ្នោត
ដោយ ផ្ទាល់ និងមានសិទ្ធិសេរីភាពពេញលេញរបស់លោកប្រធាន សម រង្ស៊ី
ទើបដំណើរការបោះឆ្នោតនាពេលខាងមុខនេះមានភាពស្របច្បាប់
និងមានការទទួលស្គាល់ពីអន្តរជាតិ។
លោកប្រធាន សម រង្ស៊ី
បានបញ្ជាក់ប្រាប់ជនរួមឈាមខ្មែរទូទៅថាបណ្តាប្រទេសប្រជាធិបតេយ្យមាន
ការឈឺឆ្អាលយ៉ាងខ្លាំង
ចំពោះអំពើធ្វើទុក្ខបុកម្នេញរបស់ក្រុមអ្នកកាន់អំណាចមកលើមេដឹកនាំចលនាប្រជាធិបតេយ្យនៅក្នុងប្រទេសកម្ពុជា
ហើយគ្រប់ៗគ្នាបានថ្កោលទោសយ៉ាងសម្បើមចំពោះក្រុមអ្នកកាន់ អំណាច
ដែលប្រើប្រាស់ប្រព័ន្ធតុលា ការជាឧបករណ៍នយោបាយដើម្បីធ្វើ
ទុក្ខបុកម្នេញលើរូបលោក សំដៅបំបិទសំឡេងរិះគន់។ លោកប្រធាន សម រង្ស៊ី
បានបញ្ជាក់ថា ដោយមានការជួយជ្រោមជ្រែងពីសហគមន៍អន្តរជាតិនៅពេលឆាប់ៗនេះ ពោល
គឺនៅមុនយុទ្ធនាការឃោ សនាបោះឆ្នោតជាតិអាណត្តិទី៥ លោកអាចបង្ហាញវត្តមានប្រកបដោយកិត្តិយសនៅក្នុងប្រទេសកម្ពុជា
ព្រោះអ្នកកាន់អំណាចនៅស្រុកខ្មែរមិនអាចបន្តក្រអឺតក្រទម
ធ្វើមិនដឹងមិនឮចំពោះការទាមទាររបស់សហគមន៍អន្តរជាតិបានយូរទៀតទេ។
ស្រដៀងគ្នាផងដែរ លោកប្រ ធាន សម រង្ស៊ី
ធ្លាប់បានប្រាប់រាស្ត្រខ្មែរទូទៅថា គេព្យាយាមកម្ចាត់ សម រង្ស៊ី
សឹងរាប់ភ្លេចទៅហើយរាប់ទាំងការធ្វើទុក្ខបុកម្នេញការផ្តន្ទាទោសតាមផ្លូវតុលាការ
ក៏ដូចជាការប៉ុនប៉ងធ្វើឃាត ព្រោះតែក្រុមអ្នកកាន់អំ ណាចបច្ចុប្បន្ននេះ
ភ័យខ្លាចចំពោះប្រជាប្រិយភាពរបស់ សម រង្ស៊ី
ដែលមានប្រជារាស្ត្រខ្មែររាប់លាននាក់គាំទ្រហើយសំឡេងរបស់អន្តរជាតិក៏បានលើកទឹកចិត្តនិងគាំទ្រពេញទំ
ហឹងចំពោះបុព្វហេតុដ៏ត្រឹមត្រូវរបស់លោក។
យ៉ាងណាក៏ដោយ លោកប្រធាន សម រង្ស៊ី
នៅតែមានឱកាសវិលត្រឡប់មកកាន់ប្រទេសកម្ពុជាវិញដើម្បីធ្វើការងារបម្រើជាតិមាតុភូមិ
ក្នុងនាមជាអ្នកតំណាងរាស្ត្រស្របច្បាប់ តំណាងឲ្យខ្មែរស្នេហាជាតិ
និងអ្នកស្រឡាញ់លទ្ធិប្រជាធិបតេយ្យពិតប្រាកដ ហើយលើកនេះក៏ដូចគ្នាផងដែរ
លោកប្រធាន សម រង្ស៊ី នឹងអាចវិលត្រឡប់មកកាន់ប្រទេសកម្ពុជាវិញ
ហើយមានសម្បទាគ្រប់គ្រាន់ក្នុងការឈរឈ្មោះជាបេក្ខជននាយករដ្ឋមន្ត្រីរបស់បក្សសង្គ្រោះជាតិ
សម្រាប់ចូលរួមប្រកួតប្រជែងក្នុងការបោះឆ្នោតនាពេលខាងមុខនេះ
ព្រោះសហគមន៍អន្តរជាតិ កំពុងដាក់ការទាមទារឲ្យមានការកែទម្រង់ប្រព័ន្ធបោះឆ្នោត
ដើម្បីធានាឲ្យមានភាពសេរីនិងយុត្តិធម៌គួរជាទីទុកចិត្តអនុលោមតាមស្តង់ដារអន្តរជាតិ
និងស្រប តាមគោលការណ៍នៃលទ្ធិប្រជាធិបតេយ្យ
គឺជាការបោះឆ្នោតមួយដែលមានភាពទូលំទូលាយ
មានការចូលរួមប្រកួតប្រជែងដោយផ្ទាល់និងពេញ លេញពីលោកប្រធាន សម រង្ស៊ី។
មានការបញ្ជាក់ផងដែរថា
វត្តមានរូបកាយមិនសូវសំខាន់ទេហើយរឿងដែលចាំបាច់បំផុតនោះគឺនៅក្នុង
បេះដូងប្រជារាស្ត្រខ្មែរគ្រប់រូបមានលោកប្រធាន សម រង្ស៊ី នៅក្នុងចិត្ត
ពោលគឺជនរួមឈាមខ្មែរទាំងអស់ដែលស្រឡាញ់យុត្តិធម៌មានឆន្ទៈការ ពារទឹកដី
ប្រឆាំងបរទេសឈ្លានពាននិងជួយការពារប្រជារាស្ត្រខ្មែរក្រីក្រ ទន់ខ្សោយ
ឲ្យរួចផុតពីការជិះជាន់សង្កត់សង្កិនដូចដែលលោកប្រធាន សម រង្ស៊ី
ធ្លាប់បានត្រួសត្រាយផ្លូវប្រជាធិបតេយ្យជូនប្រជារាស្ត្រខ្មែរទូទៅឲ្យចេះប្រើប្រាស់សិទ្ធិអំណាចក្នុងការប្រឆាំងអំពើអយុត្តិធម៌
និងការពារផលប្រយោជន៍របស់ខ្លួន គឺសុទ្ធតែមានឈ្មោះ សម រង្ស៊ី
ទាំងអស់ហើយមកដល់ពេលនេះ នៅក្នុងប្រទេសកម្ពុជាមានសម រង្ស៊ី រាប់ លាននាក់
ទោះជាគេធ្វើទុក្ខបុកម្នេញ ប៉ុនប៉ងសម្លាប់ក៏មិនអាចធ្វើបានដែរ។
លោកប្រធាន
សម រង្ស៊ី មានមោទនភាពខ្លាំងបំផុត ចំពោះចរន្តនយោបាយជាប្រវត្តិសាស្ត្រដែល
កំពុងអំ ណោយផលចំពោះគណបក្សប្រឆាំង
ហើយវាជាចរន្តជ័យជំនះដែលអាចនាំឲ្យអ្នកស្នេហាជាតិនិងអ្នកប្រជាធិបតេយ្យ
ឡើងកាន់កាប់ជោគវាស នាប្រទេសជាតិ នៅពេលដែលប្រជារាស្ត្រខ្មែរទូទៅ
មានការភ្ញាក់រលឹក ហើយព្យាយាមរើបម្រះឲ្យរួចផុតពីការជិះជាន់សង្កត់សង្កិន
និងភាពក្រីក្ររហេមរហាមដោយសារការដឹកនាំមិនត្រឹមត្រូវរបស់លោក ហ៊ុន សែន
ក្នុងរយៈពេល៣៤ឆ្នាំកន្លងទៅនេះ។
លោកប្រធាន សម រង្ស៊ី
បានគ្រោងមកបំពេញបេសកកម្មជាផ្លូវការរយៈពេល២សប្តាហ៍នៅក្នុងតំបន់ អាស៊ីអាគ្នេយ៍
ដែលក្នុងនោះលោកប្រធាន សម រង្ស៊ី
ត្រូវបានអញ្ជើញឲ្យទៅបំពេញទស្សនកិច្ចក្នុងប្រទេសសិង្ហបុរី ម៉ាឡេស៊ី
និងប្រទេសភូមា។ តាមកម្មវិធីដែលបានគ្រោងទុក គឺលោកប្រធាន សម រង្ស៊ី
ត្រូវទៅបំ ពេញទស្សនកិច្ចរយៈពេល៣ថ្ងៃ នៅប្រទេសសិង្ហបុរី ចាប់ពីថ្ងៃទី១
ដល់ថ្ងៃទី៣ ខែមីនា ឆ្នាំ២០១៣ ដែលនៅទីនោះលោកប្រធាន សម រង្ស៊ី ត្រូវ
ចូលរួមក្នុងសន្និសីទអន្តរជាតិដ៏សំខាន់
របស់ក្រុមប្រឹក្សាអ្នកប្រជាធិបតេយ្យសេរីអាស៊ាន គឺក្នុងនាមលោកប្រធាន សម
រង្ស៊ី ដែលជាប្រ ធានក្រុមប្រឹក្សានេះ សម្រាប់អាណត្តិរយៈពេល២ឆ្នាំ
និងធ្វើជាអធិបតីរៀប
ចំសន្និសីទអន្តរជាតិស្តីពីការប្រយុទ្ធទាមទារនូវមូលដ្ឋានគ្រឹះនៃសិទ្ធិសេរី
ភាព
ក៏ដូចជាសិក្ខាសាលាថ្នាក់អន្តរជាតិមួួយស្តីពីប្រព័ន្ធចូលរួមរបស់ស្ត្រី
ក្នុងភាពជាអ្នកដឹកនាំ។
លោកប្រធាន សម រង្ស៊ី មានកិត្តិយសយ៉ាងធំធេងក្នុងតួនាទីជាប្រធានក្រុមប្រឹក្សាអ្នកប្រជាធិបតេយ្យសេរីអាស៊ាន
ដែលជាតំណាងឲ្យរដ្ឋាភិបាលនិងគណបក្សប្រឆាំងមកពីចំនួន១១ប្រទេសរួមមានប្រទេសភូមា
កម្ពុជា ឥណ្ឌូ នេស៊ី ម៉ាឡេស៊ី មុ៉ងហ្គោលី ប៉ាគីស្ថាន ហ្វីលីពីន សិង្ហបុរី
ស្រីលង្ការ តៃវ៉ាន់ និងប្រទេសថៃ។
ក្នុងកម្មវិធីក៏បានបញ្ជាក់ផងដែរ ថា លោកប្រធាន សម រង្ស៊ី ត្រូវបន្តបំពេញទស្សនកិច្ចជាផ្លូវការនៅប្រ ទេសម៉ាឡេស៊ី ចាប់ពីថ្ងៃទី៤ និងថ្ងៃ ទី៥ ខែមីនា ឆ្នាំ២០១៣ ដែលនៅទីនោះលោកប្រធាន សម រង្ស៊ី ត្រូវអញ្ជើញជាអធិបតីដ៏ខ្ពង់ខ្ពស់ក្នុងសន្និសីទអន្តរជាតិស្តីពីដំណើរការបោះឆ្នោតជាតិលើកទី១៣ នៅប្រទេសម៉ាឡេស៊ី ហើយសន្និសីទអន្តរជាតិនេះ ត្រូវធ្វើឡើងនៅក្រុងកូឡាឡាំពួរ រៀបចំឡើងដោយចលនាអ្នកជាតិនិ យមរបស់ប្រទេសម៉ាឡេស៊ី ដឹកនាំដោយលោកបណ្ឌិត អាន់វ៉ា អីុប្រាហីុម។លោកប្រធាន សម រង្ស៊ី ត្រូវ ឡើងថ្លែងសុន្ទរកថាដ៏មានតម្លៃ ដើម្បី ចែករំលែកនូវបទពិសោធន៍ពាក់ព័ន្ធនឹងការប្រយុទ្ធប្រឆាំងទាមទារឲ្យមាន ដំណើរការបោះឆ្នោតដោយសេរីនិងយុត្តិធម៌ ក៏ដូចជាការទាមទារឲ្យមានការកែទម្រង់ប្រព័ន្ធបោះឆ្នោត ហើយសន្និសីទអន្តរជាតិដ៏សំខាន់នៅក្រុងកូឡាឡាំពួរនេះមានការចូលរួមពីសំ ណាក់អ្នកប្រជាធិបតេយ្យនិងអ្នកស្រឡាញ់យុត្តិធម៌ជាច្រើន មកពីបណ្តាប្រទេសអាស៊ាន។
ក្រោយពេលបញ្ចប់ទស្សនកិច្ចនៅប្រទេសម៉ាឡេស៊ី
រយៈពេល២ថ្ងៃ លោកប្រធាន សម រង្ស៊ី ត្រូវបន្តទៅបំពេញបេសកកម្មនៅក្នុងប្រទេសភូមា
ចន្លោះថ្ងៃ៩ និងទី១០ ខែមីនា ឆ្នាំ២០១៣នេះផងដែរ
ដើម្បីទៅចូលរួមក្នុងពិធីមហាសន្និបាតជាប្រវត្តិសាស្ត្ររបស់សម្ព័ន្ធគណបក្សប្រជាធិបតេយ្យរបស់ភូមា
ដែលដឹកនាំដោយលោកស្រីអ៊ុងសាន សូ៊ជី ហើយ មហាសន្និបាតនេះ នឹងមានការជជែក
ដេញដោលយ៉ាងទូលំទូលាយ អំពីការឃ្លាំមើលយ៉ាងជិតដិតពីសហគ
មន៍អន្តរជាតិលើការកែទម្រង់ក្នុងប្រទេសភូមា។
មហាសន្និបាតនេះត្រូវរៀបចំឡើងនៅក្រុងរ៉ង់ហ្គូន ប្រទេសភូមា ហើយលោកប្រធាន
សម រង្ស៊ី ក៏មានឱកាសជួបពិភាក្សាលើបញ្ហាសំខាន់ៗជាច្រើន ជាមួយមេដឹកនាំបក្សប្រឆាំងរបស់ភូមា
គឺលោកស្រី អ៊ុងសាន ស៊ូជី
ដែលត្រូវបានដាក់ឲ្យជាប់ឃុំនៅក្នុងផ្ទះអស់រយៈពេលច្រើន ឆ្នាំ
ចាប់តាំងពីរដ្ឋាភិបាលភូមា មិនទទួលស្គាល់ភាពជ័យជំនះក្នុងការបោះឆ្នោត
និងមិនបានប្រគល់អំណាច ឲ្យលោកស្រី អ៊ុងសាន ស៊ូជី តាំងពីដើមទសវត្សរ៍ ឆ្នាំ១៩៩០។
លោកប្រធាន សម រង្ស៊ី
មានគុណតម្លៃខ្ពស់បំផុតដែលសហគមន៍អន្តរជាតិបានទទួលស្គាល់
និងតែងតែអញ្ជើញឲ្យទៅចូលរួមជាអធិបតី ឬជាវាគ្មិនកិត្តិយសក្នុងសន្និសីទ
ឬកិច្ចប្រជុំអន្តរជាតិសំខាន់ៗ
ដោយអន្តរជាតិមិនបានទទួលស្គាល់ការផ្តន្ទាទោសតាមរយៈតុលាការឡប់ឡែ
ដែលក្រុមអ្នកកាន់អំណាចនៅស្រុកខ្មែរបានប្រើប្រាស់ជាឧបករណ៍នយោបាយ
ដើម្បីរករឿងនិងរារាំងមិនឲ្យលោកប្រធាន សម រង្ស៊ី
វិលត្រឡប់មកប្រទេសកម្ពុជាវិញ ដើម្បីចូលរួមក្នុងការបោះឆ្នោតនាខែកក្កដា
ខាងមុខនេះ។ យ៉ាងណាក៏ដោយវត្ត មានរបស់លោកប្រធានសម រង្ស៊ី ក្នុង
ការចូលរួមបោះឆ្នោតជាតិអាណត្តិទី៥
មានតម្លៃខ្លាំងណាស់ដែលសហគមន៍អន្តរជាតិកំពុងដាក់ការទាមទារ
ឲ្យក្រុមអ្នកកាន់អំណាចនៅស្រុកខ្មែរធានារៀបចំការបោះឆ្នោតឲ្យមានភាព
សេរីនិងយុត្តិធម៌គួរជាទីទុកចិត្តដោយ មានការចូលរួមប្រកួតប្រជែងដោយផ្ទាល់និងពេញលេញពីសំណាក់លោក
ប្រធាន សម រង្ស៊ី។
សូមបញ្ជាក់ថាដំ ណើរទស្សនកិច្ចជាផ្លូវការរយៈពេល
២សប្តាហ៍របស់លោកប្រធានសម រង្ស៊ី មកកាន់ប្រទេសសិង្ហបុរី ម៉ាឡេស៊ី និង
ប្រទេសភូមានៅពេលនេះ គឺជាព្រឹត្តិការណ៍ដ៏សំខាន់មួយនៅពេលដែលមេដឹកនាំសហរដ្ឋអាមេរិក
សហភាពអឺរ៉ុប និងអង្គការសហប្រជាជាតិបានដាក់ការទាមទារយ៉ាងខ្លាំងក្លាឲ្យ
អ្នកកាន់អំណាចនៅស្រុកខ្មែរទម្លាក់ចោល នូវបទចោទប្រកាន់
និងបើកច្រកឲ្យលោកប្រធាន សម រង្ស៊ី
វិលមកចូលរួមក្នុងការបោះឆ្នោតនាខែកក្កដា ខាងមុខនេះដោយគ្មានលក្ខខណ្ឌ និងប្រកបដោយសុវត្ថិភាព៕
No comments:
Post a Comment
yes