រោងដែលសង់បន្ថែមជូនបាតុករ
គណបក្សសង្គ្រោះជាតិ ដែលដឹកនាំបាតុកកម្មមហាជន ដើម្បីឲ្យមានការផ្លាស់ប្ដូរមេដឹកនាំ និងបោះឆ្នោតឡើងវិញ បានសាងសង់រោងរាប់រយម៉ែត្រទៀត ដើម្បីផ្ដល់ការស្នាក់នៅ ដល់បាតុករមកពីខេត្ត ដែលធ្វើឲ្យតង់ដំបូល នៅទីលានប្រជាធិបតេយ្យ កាន់តែធំជាងមុន ខណៈសម្បុរសជនបន្តផ្ដល់ជំនួយកាន់តែកើនឡើង។
តាមអ្នករាយការណ៍ ព័ត៌មាន របស់VOD លោក ណាត សុភាព ដែលចុះស្រង់ព្រឹត្តិការណ៍ នៅទីលានប្រជាធិបតេយ្យ បានឲ្យដឹងថា ការបន្ថែមដំបូលតង់ បាន ធ្វើឡើង នៅព្រឹកថ្ងៃពុធនេះ ជាការឆ្លើយតបករណីចំនួន បាតុករស្នាក់នៅពេលយប់ កាន់តែកើនឡើង។
អ្នករាយការណ៍ព័ត៌មាន បានបន្តថា កាលពីយប់ថ្ងៃអង្គារ និងព្រឹកថ្ងៃពុធនេះ មានម្ចាស់ជំនួយធំមួយ បានចុះចែកអាវរងារ ជូនបាតុករ រាបរយនាក់ ដែលត្រូវស្នាក់នៅពេលយប់។
គណបក្សសង្គ្រោះជាតិ ព្រមានថា ខ្លួននឹងធ្វើបាតុកម្មរយៈ ពេល៣ខែ គឺរហូតដល់ថ្ងៃទី១៥ ខែមិនា ឆ្នាំ២០១៤ ហើយថាប្រសិនបើពុំមានការបោះឆ្នោតឡើងវិញ បាតុកម្ម ដំណាក់កាលទី៥ នឹងមានរូបភាពនិងយុទ្ធសាស្ត្រ ខុសប្លែកពីលើកនេះទៀត៕
No comments:
Post a Comment
yes