ក្រុមសង្គ្រោះកំពុងបន្តស្វែងរកមនុស្សក្នុងគំនរបាក់បែករបស់
អគារដែលបានរលំ (រូបថតពី៖ AFP)
បាក់អគារនៅកូរ៉េខាងត្បូងស្លាប់និស្សិត១០នាក់ និង ជាង១០០នាក់ផ្សេងទៀតរងរបួស នៅក្នុងពិធីជួបជុំរវាងនិស្សិតជំនាន់មុន និង និស្សិតជំនាន់ក្រោយ នៅក្បែរទីក្រុងសេអ៊ូលនៅយប់ថ្ងៃចន្ទម្សិលមិញ។
សារព័ត៌មាន Channel News Asia ចុះផ្សាយថា ក្នុងពេលបាក់អគារនេះ មាននិស្សិត៥៦០នាក់ចូលរួម ដែលមានការធ្វើបទបង្ហាញ និងប្រគុំតន្ត្រី។ អគារបាក់នៅពេលដែលពួកគេសម្រាកពិសារអាហារសម្រន់នៅម៉ោង៩ និង១៥នាទីយប់ ដែលបណ្តាលឲ្យនិស្សិតយ៉ាងតិច១០ស្លាប់ និងជាង១០០នាក់រងរបួស។
ក្រសួងសន្តិសុខ និងគ្រប់គ្រងសណ្តាប់ធ្នាប់សាធារណៈ បង្ហាញរបាយការណ៍ថា និស្សិតពីររូបដែលមានរបួសធ្ងន់អាចប្រឈមនិងការស្លាប់ ខណៈនិស្សិត១០១នាក់កំពុងសម្រាកព្យាបាលជំងឺនៅមន្ទីរពេទ្យ។
ចំនួននិស្សិតត្រូវគេជឿថា នៅខាងក្រៅគ្រប់ចំនួនហើយ តែក្រុមន្ត្រីជួយសង្គ្រោះនៅតែបន្តស្វែងរកនៅក្នុងអគារបាក់នោះបន្តទៀត ដែលរហូតដល់ព្រឹកថ្ងៃអង្គារនេះមិនទាន់រកឃើញអ្នកជាប់ក្នុងនោះទៀតទេ។
No comments:
Post a Comment
yes