លោក កែម ឡី
VOD
អ្នកស្រាវជ្រាវការអភិវឌ្ឍន៍ និង ជាអ្នកវិភាគបញ្ហាសង្គមលោក កែម ឡី ហៅ ស្ត្រីបឹងកក់ និង ស្ត្រីនៅតំបន់បុរីកីឡា ដែលកំពុងតវ៉ាទាមទារសិទ្ធិសេរីភាព យ៉ាងស្វិតស្វាញក្នុងរឿងជម្លោះដីធ្លីថា ជាស្ត្រីក្លាហានជំនាន់ទី៣។
ធ្វើពិធី បង្សុកូល និងវេទិកាសាធារណៈ ស្តីពីតួនាទីរបស់ព្រះសង្ឃ និងនិស្សិត បញ្ញាវន្ត ក្នុងការចូលរួមនយោបាយ ដែលរៀបចំដោយប្រជាសហគមន៍បឹងកក់នៅព្រឹកនេះ លោក កែម ឡី ជាវាគ្មិនបានថ្លែងថា បច្ចុប្បន្នស្ត្រីកំពុងធ្វើសកម្មភាពយ៉ាងសកម្មទាមទារសិទ្ធិសេរីភាពក្នុងជម្លោះក្នុងរឿងជម្លោះដីធ្លីទាំងនៅតាមបណ្តាខេត្ត និង រាជធានីភ្នំពេញ ពិសេសស្ត្រីនៅតំបន់បឹងកក់ និង នៅតំបន់បុរីកីឡា។
លោក កែម ឡី លើកឡើងថា ស្ត្រីក្លាហានជំនាន់ទី១គឺស្ត្រីចូលរួមសកម្មភាពជាមួយសម្តេចសីហនុបណ្តេញអាណានិគមបារាំងចេញពីប្រទេស ស្ត្រីក្លាហានជំនាន់ទី២ នៅសម័យខ្មែរក្រហមនៅពេលប្តីស្លាប់ ឬ មានជំងឺ ហើយស្ត្រីបានចេញមុខតស៊ូ ដើម្បីគ្រួសារ និងសង្គមជាតិ ចំណែកស្ត្រីក្លាហានជំនាន់ទី៣ លោក សំដៅ ដល់ស្ត្រីដែលកំពុងចេញមុខតវ៉ាប្រឆាំងក្រុមហ៊ុន ដើម្បីការពារសិទ្ធិដីធ្លីរបស់ពួកគេពេលបច្ចុប្បន្ន។
លោក កែម ឡី ក៏បានបញ្ជាក់ដែរថា ពេលនេះ លោកកំពុងចងក្រងឯកសារស្តីពីស្ត្រីក្លាហានទាំងបីជំនាន់នេះ។
No comments:
Post a Comment
yes