ថ្នាក់ដឹកនាំចលនាប្រជាធិបតេយ្យសង្គ្រោះជាតិ កំពុងតែចុះជួបជាមួយប្រជាពលរដ្ឋនៅតាមបណ្តាខេត្តនានាយ៉ាងសកម្ម

ចលនាប្រជាធិបតេយ្យសង្គ្រោះ ពីមួយថ្ងៃទៅមួយថ្ងៃបាននិងកំពុងតែទទួលបានការគាំទ្រពីសំ ណាក់ប្រជាពលរដ្ឋកាន់តែច្រើនឡើង ដោយសារតែនៅក្នុងជួរចលនាប្រជាធិបតេយ្យសង្គ្រោះ ជាតិ គឺបានប្រមូលផ្តុំទៅដោយអ្នកស្នេហាជាតិ និងអ្នកប្រជាធិបតេយ្យ មិនតែប៉ុណ្ណោះចលនា ប្រជាធិបតេយ្យសង្គ្រោះជាតិ ដែលបានក្លាយទៅជាគណបក្ស សង្គ្រោះជាតិគឺ​មានគោល​នយោបាយល្អៗ និងច្បាស់លាស់ជាច្រើនសម្រាប់ផ្តល់ជាប្រយោជន៏ដល់ប្រជាពលរដ្ឋ និង​ប្រ​ទេសជាតិ ។

ថ្នាក់ដឹកនាំចលនាប្រជាធិបតេយ្យសង្គ្រោះជាតិ បានខិតខំបំពេញបេសកម្មការងាររបស់ខ្លួន​មិនខ្លាចនឿយហត់នោះឡើយ ព្រោះគោលដៅរបស់់ចលនាប្រជាធិបតេយ្យសង្គ្រោះជាតិ ក៏ដូចជាគណបក្ស សង្គ្រោះជាតិតែមួយគត់គឺសង្គ្រោះជាតិ ហើយនិងផ្លាស់ប្តូរ ដែលកម្ពុជា​មានមេដឹកនាំដដែលៗកាន់អំណាចយូរជាងគេនៅអាស៊ីយើងនេះ ព្រមទាំងបានដឹកនាំប្រ​ទេសតាមរបៀបផ្តាច់ការផងដែរ ។

ជាមួយគ្នានេះកាលពីថ្ងៃទី១៦ ខែមករាឆ្នាំ២០១៣ ចលនាប្រជាធិបតេយ្យសង្គ្រោះជាតិខេត្ត បន្ទាយមានជ័យដែលដឹកនាំដោយលោក ឡុង រី ជាប្រធាន និងលោក អ៊ូ ចាន់រត្ន័ជាអនុប្រធាន ព្រមទាំងថ្នាក់ដឹកនាំខេត្តមួយចំនួនទៀត ពេលព្រឹកបានចុះជួបប្រជុំជាមួយនិងថ្នាក់ដឹកនាំឃុំ និង ថ្នាក់ដឹកនាំស្រុកនៅស្រុកព្រះនេតព្រះ នៅទីស្នាក់ការកណ្តាលគណបក្សនៅឃុំជប់វ៉ារី ហើយនៅពេលរសៀលបានជួបប្រជុំជាមួយនិងថ្នាក់ដឹកនាំគណបក្សឃុំ និងថ្នាក់​ដឹកនាំ​ស្រុក​ភ្នំស្រុក ស្ថិតនៅឃុំប៉ោយចារ រីឯនៅថ្ងៃទី១៧ ខែមករា ឆ្នាំ២០១៣ថ្នាក់ដឹក​នាំចលនាប្រ​ជាធិប​តេយ្យសង្គ្រោះជាតិខេត្តបន្ទាយមានជ័យដែលដឹកនាំដោយលោក ឡុង រី ជាប្រធាន បានចុះ​ទៅ​ស្រុកសេរីសោភ័ណ្ឌ ដើម្បីជួបប្រជុំជាមួយនិងថ្នាក់ដឹកនាំគណបក្សសង្កាត់ និងថ្នាក់ដឹកនាំ​ក្រុងសេរីសោភ័ណ្ឌ ហើយនៅពេលរសៀលនិងចុះជួបប្រជុំជាមួយនិងថ្នាក់ដឹកនាំគណបក្សឃុំ និងថ្នាក់ដឹកនាំស្រុកអូជ្រៅ នៅទីស្នាក់ការគណបក្សស្រុកអូរជ្រៅ ស្ថិតនៅឃុំកូប ចំណែកឯ​នៅ​ថ្ងៃទី១៨​លោក ឡុង រី និងលោក អូ ចាន់រ័ត្ន ព្រមទាំង​ថ្នាក់ដឹកនាំខេ​ត្តពេលព្រឹកនិងចុះ​ទៅ​ជួប​ជាមួយ​ថ្នាក់ដឹកនាំសង្កាត់ និងក្រុងប៉ោងប៉ែតផងដែរ រីឯនៅពេលរសៀលនិងជួបប្រជុំជា​មួយថ្នាក់ដឹកនាំឃុំ និងស្រុកម៉ាឡៃ ស្ថិតនៅភូមិកៅបី ឃុំអូរស្រឡៅ ។

សូមជំរាបជួនផងដែរថា ខ្លឹមសារសំខាន់ៗនៅក្នុងកិច្ចប្រជុំទាំងអស់ខាងលើ គឺផ្តោតសំខាន់ទៅ លើការពង្រឹងចលនាស័ម្ពន្ធគណបក្ស និងការរៀបចំគណៈកម្មាធិការប្រតិបត្តិខេត្ត ស្រុក និង ក្រុង ព្រមទាំងការពង្រឹងក្នុងការចុះផ្សព្វផ្សាយពីគោលនយោបាយរបស់គណបក្សទៅដល់ប្រ ជាពលរដ្ឋឲ្យបានកាន់តែខ្លាំងឡើងបន្ថែមទៀត ក៏ដូចជាការលើកស្លាកនៅតាមបណ្តាស្រុក ក្រុង ភូមិ និងឃុំនានា​ពិសេសគឺនៅតាមដងផ្លូវជាតិឲ្យបានទូទាំងខេត្តបន្ទាយមានជ័យ ដែល​រហូតមកទល់និងពេលនេះគឺការលើកស្លាកគណបក្សបានធ្វើជាបណ្តើរៗហើយផងដែរ ដើម្បី ជាការឆ្លើយតបទៅនិងតម្រូវការរបស់ប្រជាពលរដ្ឋផងដែរ ដែលពួកគាត់ចង់ឃើញ និងចង់​ស្គាល់ស្លាកសញ្ញារបស់គណបក្ស សង្គ្រោះជាតិ ៕